ಹಕ್ಕುಗಳ ಮೌಲ್ಯ ಭಾರೀ ದೊಡ್ಡದು
2017ರಲ್ಲಿ ಪಡೆದುಕೊಂಡ ಜೆರ್ಸಿ ಹಕ್ಕುಗಳ ಮೌಲ್ಯ (1,079 ಕೋಟಿ ರೂ.) ಭಾರೀ ದೊಡ್ಡ ಪ್ರಮಾಣದ್ದು ಮತ್ತು ಅಸ್ಥಿತವಾದದು ಎಂದು ಒಪ್ಪೋಗೆ ಅನಿಸಲಾರಂಬಿಸಿದೆ. ಹೀಗಾಗಿ ಒಪ್ಪೋ, ಜೆರ್ಸಿ ಹಕ್ಕುಗಳನ್ನು ಬೈಜುಸ್ಗೆ ಮರು ಹಂಚಲು ಮುಂದಾಗಿದೆ ಎಂದು ಮೂಲಗಳಿಂದ ತಿಳಿದುಬಂದಿದೆ.
ವಿಂಡೀಸ್ ಪ್ರವಾಸ ಸರಣಿಯೇ ಕೊನೆ
ಜೆರ್ಸಿ ಬ್ರ್ಯಾಂಡ್ ಬದಲಾವಣೆಗೆ ಸಂಬಂಧಿಸಿ ಈ ಬೆಳವಣಿಗೆ ಕಳೆದೆರಡು ವಾರಗಳಲ್ಲಿ ನಡೆದಿತ್ತು. ಅಂತೂ ಆಗಸ್ಟ್ 3ರಿಂದ ಆರಂಭಗೊಳ್ಳುತ್ತಿರುವ ವೆಸ್ಟ್ ಇಂಡೀಸ್ ಪ್ರವಾಸ ಸರಣಿಯಲ್ಲಿ ಟೀಮ್ ಇಂಡಿಯಾ ಜೆರ್ಸಿ ಮೇಲೆ ಒಪ್ಪೋ ಬ್ರ್ಯಾಂಡ್ ಹೆಸರು ಕಡೆಯದಾಗಿ ಕಾಣಿಸಿಕೊಳ್ಳಲಿದೆ.
2022ರ ವರೆಗೆ ಬೈಜುಸ್ ಹೆಸರು
ಬಿಸಿಸಿಐಯು ಯಾವುದೇ ನಷ್ಟವಿಲ್ಲದೆ ಬೈಜುಸ್ನಿಂದ ಅದೇ ಮೌಲ್ಯವನ್ನು ಪಡೆದುಕೊಳ್ಳಲಿದೆ. ಬೈಜುಸ್ಗೆ ಜೆರ್ಸಿ ಹಕ್ಕುಗಳು ಮಾರ್ಚ್ 31, 2022ರ ವರೆಗೆ ಲಭಿಸಲಿದೆ. ಹೀಗಾಗಿ ವೆಸ್ಟ್ ಇಂಡೀಸ್ ಸರಣಿಯ ಬಳಿಕ ಅಂದರೆ ಸೆಪ್ಟೆಂಬರ್ನಲ್ಲಿ ಭಾರತಕ್ಕೆ ದಕ್ಷಿಣ ಆಫ್ರಿಕಾದ ಪ್ರವಾಸದ ವೇಳೆ ಭಾರತದ ಜೆರ್ಸಿಯಲ್ಲಿ ಬೈಜುಸ್ ಬ್ರ್ಯಾಂಡ್ ನೇಮ್ ಕಾಣಿಸಿಕೊಳ್ಳಲಿದೆ.
ಬೈಜುಸ್ ವ್ಯವಹಾರಿಕ ಸಂಸ್ಥೆ
ಕೇರಳ ಮೂಲಕ ಉದ್ಯಮಿ ಬೈಜು ರವೀಂದ್ರನ್ ಅವರ ಬೈಜುಸ್ ವ್ಯವಹಾರಿಕ ಉದ್ಯಮ ಸಂಸ್ಥೆಯ ಮೌಲ್ಯ ಸುಮಾರು 38,000 ಕೋ.ರೂ.. ಹೀಗಾಗಿ ಸಂಸ್ಥೆಯು ಟೀಮ್ ಇಂಡಿಯಾ ಜೆರ್ಸಿ ಹಕ್ಕುಗಳನ್ನು ಖರೀದಿಸಲು ಆಸಕ್ತಿ ವಹಿಸಿದೆ ಎಂದು ಉದ್ಯಮ ಮೂಲವೊಂದು ಮಾಹಿತಿ ನೀಡಿದೆ.