ವಿಶಾಖಪಟ್ಟಣ, ಮೇ 11: ಐಪಿಎಲ್ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಚೊಚ್ಚಲ ಫೈನಲ್ ಪ್ರವೇಶದ ಕನಸನ್ನು ನುಚ್ಚುನೂರು ಮಾಡಿದ ಚೆನ್ನೈ ಸೂಪರ್ ಕಿಂಗ್ಸ್, ಐಪಿಎಲ್ 100ನೇ ಗೆಲುವಿನ ಸಂಭ್ರಮಾಚರಿಸಿದೆ. ವಿಶಾಖಪಟ್ಟಣದಲ್ಲಿ ಶುಕ್ರವಾರ (ಮೇ 10) ನಡೆದ ಕ್ವಾಲಿಫೈಯರ್-2ರ ಗೆಲುವಿನೊಂದಿಗೆ ಸಿಎಸ್ಕೆ ಐಪಿಎಲ್ ಜಯದ ಸೆಂಚುರಿ ಬಾರಿಸಿತು.
IPL: CSKಗೆ ಗೆಲುವಿನ ಫಾರ್ಮುಲಾ ಹೇಳಿಕೊಟ್ಟ ವಿವಿಯನ್ ರಿಚರ್ಡ್ಸ್!
ವಿಶಾಖಪಟ್ಟಣದ ಡಾ. ವೈಎಸ್ ರಾಜಶೇಖರ್ ರೆಡ್ಡಿ ಎಸಿಎ-ವಿಡಿಸಿಎ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 6 ವಿಕೆಟ್ ಜಯ ಗಳಿಸಿ 8ನೇ ಬಾರಿಗೆ ಐಪಿಎಲ್ ಫೈನಲ್ಗೆ ಪ್ರವೇಶಿಸಿದೆ. ಪ್ರಶಸ್ತಿ ಸುತ್ತಿನಲ್ಲಿ ಚೆನ್ನೈ, ಮುಂಬೈ ಇಂಡಿಯನ್ಸ್ ಎದುರು ಕಾದಾಡಲಿದೆ.
.@ChennaiIPL reach their 8th #VIVOIPL final, what a team 🔥#CSKvDC pic.twitter.com/mMpGkNTJEb
— IndianPremierLeague (@IPL) May 10, 2019
ಈ ಬಾರಿಯ ಐಪಿಎಲ್ ಫೈನಲ್ನಲ್ಲಿ ಮುಖಾಮುಖಿಯಾಗುತ್ತಿರುವ ಎಂಐ ಮತ್ತು ಸಿಎಸ್ಕೆ ಎರಡೂ ತಂಡಗಳು ಐಪಿಎಲ್ 100 ಗೆಲುವಿನ ಸಂಭ್ರಮಾಚರಿಸಿಕೊಂಡಿವೆ. ಎರಡೂ ತಂಡಗಳೂ ತಲಾ ಮೂರು ಬಾರಿ ಐಪಿಎಲ್ ಟ್ರೋಫಿ ಗೆದ್ದಿರುವುದು ಮತ್ತೊಂದು ವಿಶೇಷ. ಹೀಗಾಗಿ 12ನೇ ಆವೃತ್ತಿಯ ಈ ಫೈನಲ್ ಪಂದ್ಯ ಸಾಕಷ್ಟು ಕುತೂಹಲ ಮೂಡಿಸಿದೆ.