ಸನ್ಶೈನ್ ಕೋಸ್ಟ್ ಪರ ಕಣಕ್ಕಿಳಿಯಲಿರುವ ಸಕಾರಿಯಾ
ಆಸ್ಟ್ರೇಲಿಯಾದ ಮ್ಯಾಕ್ಸ್ ಟಿ20 ಸರಣಿಯಲ್ಲಿ ಸನ್ಶೈನ್ ಕೋಸ್ಟ್ ಪರ ಚೇತನ್ ಸಕಾರಿಯಾ ಕಣಕ್ಕಿಳಿಯಲು ಸಜ್ಜಾಗಿದ್ದಾರೆ. ಇದೇ ವೇಳೆಯಲ್ಲಿ ಮುಕೇಶ್ ಚೌಧರಿ ವೈನ್ನಮ್-ಮ್ಯಾನ್ಲಿ ಪರ ಅಖಾಡಕ್ಕಿಳಿಯಲು ಮುಂದಾಗಿದ್ದಾರೆ.
ಎಂಆರ್ಎಫ್ ಪೇಸ್ ಫೌಂಡೇಶನ್ ಮತ್ತು ಕ್ರಿಕೆಟ್ ಆಸ್ಟ್ರೇಲಿಯಾ ನಡುವಿನ ವಿನಿಮಯ ಉಪಕ್ರಮದ ಭಾಗವಾಗಿ, ಜೋಡಿಯು ಈ ಟಿ20 ಸ್ಪರ್ಧೆಯಲ್ಲಿ ಭಾಗವಹಿಸುತ್ತದೆ ಮತ್ತು ಬುಪಾ ರಾಷ್ಟ್ರೀಯ ಕ್ರಿಕೆಟ್ ಕೇಂದ್ರದಲ್ಲಿ ಅಭ್ಯಾಸ ಮಾಡುತ್ತದೆ ಮತ್ತು ಪ್ರಿ ಸೀಸನ್ನಲ್ಲಿ ಕ್ವೀನ್ಸ್ಲ್ಯಾಂಡ್ ಬುಲ್ಸ್ ನೊಂದಿಗೆ ಸಹಕಾರ ಹೊಂದಿದೆ.
ಜಿಂಬಾಬ್ವೆ ವಿರುದ್ಧದ ಏಕದಿನ ಸರಣಿಗೆ ಟೀಂ ಇಂಡಿಯಾ ಸಂಭಾವ್ಯ ಸ್ಕ್ವಾಡ್
|
ಕಳೆದ 20 ವರ್ಷಗಳಿಂದ ಆಟಗಾರರ ವಹಿವಾಟು ನಡೆಯುತ್ತಿದೆ!
"ಎಂಆರ್ಎಫ್ ಪೇಸ್ ಫೌಂಡೇಶನ್ ಮತ್ತು ಕ್ರಿಕೆಟ್ ಆಸ್ಟ್ರೇಲಿಯಾ ನಡುವಿನ ಆಟಗಾರ ಮತ್ತು ಕೋಚಿಂಗ್ ವಿನಿಮಯವು ಸುಮಾರು 20 ವರ್ಷಗಳಿಂದ ಜಾರಿಯಲ್ಲಿದೆ, ಕೋವಿಡ್ ಕಾರಣದಿಂದಾಗಿ ವಿರಾಮಗೊಂಡ ಸಂಬಂಧವನ್ನು ಇಬ್ಬರು ಭಾರತೀಯ ಆಟಗಾರರು ಪುನರಾರಂಭಿಸಿದ್ದಾರೆ" ಎಂದು ಕ್ರಿಕೆಟ್ ಆಸ್ಟ್ರೇಲಿಯಾ ಹೇಳಿಕೆಯಲ್ಲಿ ತಿಳಿಸಿದೆ.
T20 World Cup: ಭಾರತದ ಈ ಇಬ್ಬರು ಸ್ಟಾರ್ಗಳು ಟಿ20 ವಿಶ್ವಕಪ್ ತಂಡದಲ್ಲಿರಬೇಕು; ರಿಕಿ ಪಾಂಟಿಂಗ್
ಟಿ20ಯಲ್ಲಿ ಯುವ ಪ್ರತಿಭೆಗಳಾಗಿ ಗುರುತಿಸಿಕೊಂಡಿರುವ ಬೌಲರ್ಸ್
ಐಪಿಎಲ್ನಲ್ಲಿ ಡೆಲ್ಲಿ ಕ್ಯಾಪಿಲಟ್ಸ್ ಪರ ಆಡುವ ಚೇತನ್ ಸಕಾರಿಯಾ ಭಾರತ ಪರ ಒಡಿಐ ಮತ್ತು T20 ಪಂದ್ಯಗಳನ್ನು ಸಹ ಆಡಿದ್ದಾರೆ. ಇದುವರೆಗೂ ಈ ಬೌಲರ್ ಐಪಿಎಲ್ ಸೇರಿದಂತೆ ಒಟ್ಟಾರೆ 41 ಟಿ20 ಪಂದ್ಯಗಳನ್ನ ಆಡಿದ್ದಾರೆ.
ಕಳೆದ ಶ್ರೀಲಂಕಾ ವಿರುದ್ದದ ಪ್ರವಾಸದಲ್ಲಿ ಭಾರತ ಪರ ಆಡಿದ್ದ ಚೇತನ್ ಸಕಾರಿಯಾ, ಮತ್ತೆ ಅವಕಾಶ ಪಡೆಯಲು ಆಸೆ ವ್ಯಕ್ತಪಡಿಸಿದ್ದಾರೆ.
ಇನ್ನು ಚೊಚ್ಚಲ ಸೀಸನ್ನಲ್ಲಿ ಸಿಎಸ್ಕೆ ಪರ ಮಿಂಚಿದ ಮುಕೇಶ್ ಚೌಧರಿ 25 ಟಿ20 ಪಂದ್ಯಗಳನ್ನಾಡಿದ್ದು 32 ವಿಕೆಟ್ಗಳನ್ನ ಕಬಳಿಸಿದ್ದಾರೆ. ಇನ್ನೂ ಭಾರತದ ಪರ ಆಡಲು ಮುಕೇಶ್ ಚೌಧರಿಗೆ ಅವಕಾಶ ಸಿಕ್ಕಿಲ್ಲ.
ಕ್ರಿಕೆಟ್ ಆಸ್ಟ್ರೇಲಿಯಾ ಮತ್ತು ಎಂಆರ್ಎಫ್ ಪೇಸ್ ಫೌಂಡೇಶನ್ ನಡುವೆ ಆಟಗಾರರ ವಹಿವಾಟು ನಡೆಸುತ್ತಿರುವುದು ಇದೇ ಮೊದಲಲ್ಲ. 20 ವರ್ಷಗಳಿಗೂ ಹೆಚ್ಚಿನ ಅವಧಿಯಲ್ಲಿ, ಎರಡು ಸಂಸ್ಥೆಗಳು ಆಟಗಾರರನ್ನು ವ್ಯಾಪಾರ ಮಾಡಿವೆ. ಆದರೆ 2019 ರ ನಂತರ ಕೋವಿಡ್-19 ಕಾರಣದಿಂದಾಗಿ ಏಕಾಏಕಿ ಈ ಕ್ರಮವನ್ನ ಕೈಬಿಡಲಾಯಿತು.