ಬೆಂಗಳೂರು, ಡಿಸೆಂಬರ್ 13: ಮಹಿಳಾ ಕ್ರಿಕೆಟ್ ತಂಡಕ್ಕೆ ಕೋಚ್ ಆಯ್ಕೆ ಗೊಂದಲ ಮುಂದುವರೆದಿದೆ. ಈ ನಡುವೆ ಆಯ್ಕೆ ಪ್ರಕ್ರಿಯೆಯಲ್ಲಿ ಪ್ರಮುಖ ಪಾತ್ರವಹಿಸಲಿರುವ ಬಿಸಿಸಿಐ ಆಡಳಿತ ಮಂಡಳಿ(ಸಿಒಎ) ಸದಸ್ಯೆ ಡಯಾನಾ ಎಡುಲ್ಜಿ ಅವರು ಹೊಸ ಬಾಂಬ್ ಸಿಡಿಸಿದ್ದಾರೆ.
ಕುಂಬ್ಳೆ ನಿರ್ಗಮನದ ಬಗ್ಗೆ ವಿರಾಟ್ ಕೊಹ್ಲಿ ಹೇಳಿದ್ದೇನು?
ಅಂದು ಟೀಂ ಇಂಡಿಯಾ ಕೋಚ್ ಆಗಿ ಆಯ್ಕೆಯಾಗಿದ್ದ ಕನ್ನಡಿಗ ಅನಿಲ್ ಕುಂಬ್ಳೆ ಅವರನ್ನು ತಂಡದ ಮುಖ್ಯ ಕೋಚ್ ಹುದ್ದೆಯಿಂದ ಕೆಳಗಿಳಿಸಲು ಕ್ಯಾಪ್ಟನ್ವಿರಾಟ್ ಕೊಹ್ಲಿ ಅವರ ಒಂದು ಎಸ್ಎಂಎಸ್ ಸಾಕಾಯಿತು. ಆ ಒಂದು ಎಸ್ಎಂಎಸ್ ಆಧಾರದ ಮೇಲೆ ಬಿಸಿಸಿಐ ನಿರ್ಧಾರ ಕೈಗೊಂಡಿತ್ತು.
ಕ್ರಿಕೆಟ್ ಮೈದಾನದಲ್ಲಿನ ಕೆಟ್ಟ ವರ್ತನೆಗೆ ಕಠಿಣ ಶಿಕ್ಷೆ: ಸಮಿತಿ ಶಿಫಾರಸು
ಮಹಿಳಾ ತಂಡದ ಕೋಚ್ ರಮೇಶ್ ಪವಾರ್ ವಿಚಾರವಾಗಿ ಮಾತನಾಡಿರುವ ಡಯಾನಾ ಎಡುಲ್ಜಿ, ಪುರುಷರ ತಂಡದ ಕೋಚ್ ಅವರನ್ನ ಆ ತಂಡದ ಕ್ಯಾಪ್ಟನ್ ಹೇಳಿದ್ದಕ್ಕೆ ತೆಗೆದು ಹಾಕುವುದಾದರೆ ಇದೀಗ ತಂಡಕ್ಕೆ ಪವಾರ್ ಕೋಚ್ ಆಗಿರಬೇಕು ಎಂದು ಕ್ಯಾಪ್ಟನ್ ಹರ್ಮನ್ಪ್ರೀತ್ ಕೌರ್ ಹಾಗೂ ಸ್ಮೃತಿ ಮಂದಾನಾ ಹೇಳುತ್ತಿದ್ದು, ಅವರನ್ನ ಮುಂದುವರೆಸಿಕೊಂಡು ಹೋಗದಿರಲು ಕಾರಣವೇನು ಎಂದು ಪ್ರಶ್ನೆ ಮಾಡಿದ್ದಾರೆ.
ಆಟಗಾರರನ್ನು ಕುಂಬ್ಳೆ ಶಾಲಾ ಮಕ್ಕಳಂತೆ ನಡೆಸಿಕೊಳ್ತಾ ಇದ್ರಾ?
2017ರ ಜೂನ್ ತಿಂಗಳಲ್ಲಿ ಅನಿಲ್ ಕುಂಬ್ಳೆ ತಮ್ಮ ಕೋಚ್ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದರು. ಕುಂಬ್ಳೆ- ಕೊಹ್ಲಿ ಅವರ ಮನಸ್ತಾಪದ ಬಗ್ಗೆ ಊರೆಲ್ಲ ಸುದ್ದಿಯಾದರೂ ಹಾಗೇನಿಲ್ಲ ಎಂದು ಬಿಸಿಸಿಐ ಸ್ಪಷ್ಟನೆ ನೀಡಿತ್ತು.