ಟಾಪ್ 5: ಇಸಾ ಗುಹಾ
ಇಂಗ್ಲೆಂಡ್ ಕ್ರಿಕೆಟ್ ತಂಡದ ಮಾಜಿ ಕ್ರಿಕೆಟ್ ಆಟಗಾರ್ತಿ ಇಸಾ ಗುಹಾ ಕ್ರಿಕೆಟ್ ತೊರೆದ ಬಳಿಕ ನಿರೂಪಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಸದ್ಯ ಕ್ರಿಕೆಟ್ ಲೋಕದ ಜನಪ್ರಿಯ ನಿರೂಪಕಿಯರಲ್ಲಿ ಇಸಾ ಒಬ್ಬರಾಗಿದ್ದಾರೆ. 19ರ ಐಸಿಸಿ ಏಕದಿನ ಕ್ರಿಕೆಟ್ ವಿಶ್ವಕಪ್ನಲ್ಲಿ ಇಂಗ್ಲೆಂಡ್ ತಂಡ ಪ್ರಶಸ್ತಿ ಮುಡಿಗೇರಿಸಿದ ಸಂದರ್ಭದಲ್ಲಿ ಗುಹಾ ಪ್ರಸಾರ ಮಾಧ್ಯಮದ ತಂಡದಲ್ಲಿ ಇದ್ದರು. ಟೆಸ್ಟ್ ಮ್ಯಾಚ್ ಸ್ಪೆಷಲಿಸ್ಟ್ ಕಾಮೆಂಟೇಟರ್ ಕೂಡ ಆಗಿರುವ ಇಸಾ, ಬಿಬಿಸಿ ಸ್ಪೋರ್ಟ್ಸ್ನಲ್ಲಿ ಲೇಖನಗಳನ್ನೂ ಬರೆಯುತ್ತಾರೆ. ಈಕೆ ಭಾರತೀಯ ಸಂಜಾತೆ ಎಂಬುದು ವಿಶೇಷ.
ಟಾಪ್ 4: ಎರಿನ್ ಹಾಲ್ಯಾಂಡ್
ಕ್ರಿಕೆಟ್ ಲೋಕದ ಮತ್ತೋರ್ವ ಪ್ರಖ್ಯಾತ ನಿರೂಪಕಿ ಎಂದರೆ ಅದು ಎರಿನ್ ಹಾಲ್ಯಾಂಡ್. ಕ್ರಿಕೆಟ್ ಆಸ್ಟ್ರೇಲಿಯಾದ ಮಹಿಳಾ ನಿರೂಪಕಿಯರ ಸಾಲಿನಲ್ಲಿ ಮುಂಚೂಣಿಯಲ್ಲಿದ್ದಾರೆ. ಈಕೆ 2013ರಲ್ಲಿ ಮಿಸ್ ವರ್ಲ್ಡ್ ಆಸ್ಟ್ರೇಲಿಯಾ ಪ್ರಶಸ್ತಿ ಮುಡಿಗೇರಿಸಿಕೊಂಡಿದ್ದರು. ಬಿಗ್ ಬ್ಯಾಗ್ ಬ್ಯಾಷ್ಲೀಗ್ನ ಪ್ರಮುಖ ಆಕರ್ಷಣೆಯಲ್ಲಿ ಎರಿನ್ ಕೂಡ ಒಬ್ಬರು. ಈಕೆ ಆಸಿಸ್ ಕ್ರಿಕೆಟರ್ ಬೆನ್ ಕಟ್ಟಿಂಗ್ ಅವರ ಪ್ರೇಯಸಿಯೂ ಹೌದು.
ಟಾಪ್ 3: ಝೈನಬ್ ಅಬ್ಬಾಸ್
ಖ್ಯಾತ ನಿರೂಪಕಿಯರ ಪಟ್ಟಿಯಲ್ಲಿರುವ ಮೂರನೇ ಹೆಸರು ಪಾಕಿಸ್ತಾನದ ನಿರೂಪಕಿ ಝೈನಬ್ ಅಬ್ಬಾಸ್ ಅವರದ್ದು. ಮೇಕಪ್ ಕಲಾವಿದೆಯಾಗಿದ್ದ ಝೈನಬ್ 2015ರಲ್ಲಿ ಮೊದಲ ಬಾರಿ ಕ್ರಿಕೆಟ್ ವಿಶ್ವಕಪ್ ಟೂರ್ನಿಯಲ್ಲಿ ನಿರೂಪಣೆಯ ಅವಕಾಶ ಪಡೆದು ಸೈ ಎನಿಸಿಕೊಂಡರು. ಪಾಕಿಸ್ತಾನ್ ಸೂಪರ್ ಲೀಗ್ನಲ್ಲಿ 2017ರ ಬಳಿಕ ನಿರೂಪಕಿಯಾಗಿ ಕಾಣಿಸಿಕೊಂಡ ಝೈನಬ್, 2019ರ ವಿಶ್ವಕಪ್ನಲ್ಲಿ ಪಾಕಿಸ್ತಾನದ ಎಲ್ಲಾ ಪಂದ್ಯಗಳಿಗೆ ನಿರೂಪಣೆ ಒದಗಿಸಿದ್ದರು.
ಟಾಪ್ 2: ಜನ್ನುತಲ್ ಪೇಯಾ
ಪ್ರಖ್ಯಾತ ಕ್ರಿಕೆಟ್ ನಿರೂಪಕಿಯರ ಪಟ್ಟಿಯಲ್ಲಿ ಎರಡನೇ ಸ್ಥಾನವನ್ನು ಪಡೆದುಕೊಂಡಿರುವುದು ಬಾಂಗ್ಲಾದೇಶ ಮೂಲದ ನಿರೂಪಕಿ ಜನ್ನುತಲ್ ಪೇಯಾ. ಈಕೆ 2007ರಲ್ಲಿ ಮಿಸ್ ಬಾಂಗ್ಲಾದೇಶ ಪಟ್ಟವನ್ನು ಗೆದ್ದಿದ್ದರು. ಬಾಂಗ್ಲಾದೇಶ ಪ್ರೀಮಿಯರ್ನಲ್ಲಿ ನಿರೂಪಣೆ ಮಾಡಿ ಸೈ ಎನಿಸಿಕೊಂಡ ಜನ್ನುತಲ್ ಪೇಯಾ 2019ರಲ್ಲಿ ಇಂಗ್ಲೆಂಡ್ ಮತ್ತು ವೇಲ್ಸ್ ಆತಿಥ್ಯದಲ್ಲಿ ನಡೆದ ಐಸಿಸಿ ಕ್ರಿಕೆಟ್ ವಿಶ್ವಕಪ್ ಟೂರ್ನಿಯಲ್ಲೂ ನಿರೂಪಣೆ ಮಾಡುವ ಅವಕಾಶ ಗಿಟ್ಟಿಸಿಕೊಂಡರು. ಈ ಮೂಲಕ ವಿಶ್ವಕಪ್ ಟೂರ್ನಿಯಲ್ಲಿ ನಿರೂಪಣೆ ಮಾಡಿದ ಬಾಂಗ್ಲಾದೇಶದ ಮೊತ್ತ ಮೊದಲ ಮಹಿಳಾ ಆಂಕರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.
ಟಾಪ್ 1: ಮಯಾಂತಿ ಲ್ಯಾಂಗರ್
ಈ ಪಟ್ಟಿಯಲ್ಲಿ ಮೊದಲ ಸ್ಥಾನವನ್ನು ಪಡೆದುಕೊಂಡಿರುವ ನಿರೂಪಕಿ ಭಾರತದ ಮಯಾಂತಿ ಲ್ಯಾಂಗರ್. ಐಪಿಎಲ್ನಲ್ಲಿ ನಿರೂಪಣೆ ಮಾಡಿ ಮಯಾಂತಿ ಕ್ರಿಕೆಟ್ ಲೋಕದಲ್ಲಿ ಸಾಕಷ್ಟು ಪ್ರಖ್ಯಾತಿಯನ್ನು ಪಡೆದುಕೊಂಡಿದ್ದಾರೆ. ದಿಲ್ಲಿ ಕಾಮನ್ವೆಲ್ತ್ ಗೇಮ್ಸ್ ಸೇರಿದಂತೆ ಅನೇಕ ಕ್ರೀಡಾಕೂಟಗಳಿಗೆ ನಿರೂಪಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಪ್ರಸಕ್ತ ಐಪಿಎಲ್ ಸೇರಿದಂತೆ ಭಾರತ ಕ್ರಿಕೆಟ್ ತಂಡ ಪಾಲ್ಗೊಳ್ಳುವ ಎಲ್ಲಾ ಟೂರ್ನಿಗೂ ನಿರೂಪಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಟೀಮ್ ಇಂಡಿಯಾ ಮಾಜಿ ಕ್ರಿಕೆಟಿಗ ಸ್ಟುವರ್ಟ್ ಬಿನ್ನಿ ಅವರನ್ನು ಮಯಾಂತಿ 2012ರಲ್ಲಿ ವಿವಾಹವಾಗಿದ್ದಾರೆ.