ಸೇಂಟ್ ಲೂಸಿಯಾ 111 ರನ್
ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಡ್ಯಾರೆನ್ ಸಾಮಿ ನಾಯಕತ್ವದ ಸೇಂಟ್ ಲೂಸಿಯಾ ಝೌಕ್ಸ್ ತಂಡ, ಆಂಡ್ರೆ ಫ್ಲೆಚರ್ 10, ರಹಕೀಮ್ ಕಾರ್ನ್ವಾಲ್ 18, ಮಾರ್ಕ್ ಡಯಾಲ್ 16, ರೋಸ್ಟನ್ ಚೇಸ್ 7, ನಜೀಬುಲ್ಲಾ ಝದ್ರಾನ್ 21, ಮೊಹಮ್ಮದ್ ನಬಿ 30 ರನ್ ಕೊಡುಗೆಯೊಂದಿಗೆ 17.1 ಓವರ್ಗೆ 6 ವಿಕೆಟ್ ನಷ್ಟದಲ್ಲಿ 111 ರನ್ ಬಾರಿಸಿತು.
ಆಟಕ್ಕೆ ಮಳೆಯ ಕಾಟ
ಸೇಂಟ್ ಝೌಕ್ಸ್ ಇನ್ನಿಂಗ್ಸ್ನ ಕಡೇ ಕ್ಷಣದಲ್ಲಿ ಮಳೆ ಸುರಿಯಿತು. ಬಹಳ ಹೊತ್ತು ಆಟ ನಿಲ್ಲಿಸಲ್ಪಟ್ಟಿತು. ಮಳೆಯಿಂದಾಗಿ ಮೊದಲ ಇನ್ನಿಂಗ್ಸನ್ನು ಅಲ್ಲಿಗೆ ನಿಲ್ಲಿಸಿ ಟ್ರಿನ್ಬಾಗೊ ನೈಟ್ ರೈಡರ್ಸ್ಗೆ ಡಕ್ವರ್ಥ್ ಲೂಯಿಸ್ ನಿಯಮದಂತೆ 9 ಓವರ್ಗೆ 72 ರನ್ ಗುರಿ ನೀಡಲಾಗಿತ್ತು.
ನೈಟ್ ನೈಡರ್ಸ್ಗೆ ಜಯ
ಗುರಿ ಬೆನ್ನಟ್ಟಿದ ನೈಟ್ ರೈಡರ್ಸ್ ತಂಡ, ಕಾಲಿನ್ ಮುನ್ರೋ 17, ಡ್ಯಾರೆನ್ ಬ್ರಾವೋ ಅಜೇಯ 23, ಟಿಮ್ ಸೀಫರ್ಟ್ 15 ರನ್ನೊಂದಿಗೆ 8 ಓವರ್ಗೆ 4 ವಿಕೆಟ್ ಕಳೆದು 72 ರನ್ ಗುರಿ ತಲುಪುವ ಮೂಲಕ 6 ವಿಕೆಟ್ ಗೆಲುವನ್ನಾಚರಿಸಿತು. ಡ್ವೇನ್ ಬ್ರಾವೋ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.
ದಾಖಲೆ ಬರೆದ ಬ್ರಾವೋ
ನೈಟ್ ರೈಡರ್ಸ್ ಪರ ಆಡುವ ವೆಸ್ಟ್ ಇಂಡೀಸ್ ಆಲ್ ರೌಂಡರ್ ಡ್ವೇನ್ ಬ್ರಾವೋ ಟಿ20 ಕ್ರಿಕೆಟ್ನಲ್ಲಿ ವಿಶೇಷ ದಾಖಲೆ ನಿರ್ಮಿಸಿದ್ದಾರೆ. ಟಿ20 ಕ್ರಿಕೆಟ್ನಲ್ಲಿ 500 ವಿಕೆಟ್ ಪಡೆದ ವಿಶ್ವದ ಮೊದಲ ಬೌಲರ್ ಆಗಿ ಬ್ರಾವೋ ಗುರುತಿಸಿಕೊಂಡಿದ್ದಾರೆ. ಸೇಂಟ್ ಲೂಸಿಯಾ ವಿರುದ್ಧದ ಇದೇ ಪಂದ್ಯದಲ್ಲಿ 2 ವಿಕೆಟ್ ಪಡೆಯುವುದರೊಂದಿಗೆ ಬ್ರಾವೋ ಈ ದಾಖಲೆ ಬರೆದಿದ್ದಾರೆ.