ಸಿಹಿ ಸುದ್ದಿ ನೀಡಿದ ವಿರಾಟ್-ಅನುಷ್ಕಾ ಜೋಡಿಗೆ ಕ್ರಿಕೆಟ್ ತಾರೆಯರ ಶುಭಾಶಯ

ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಟ್ವಿಟ್ಟರ್‌ನಲ್ಲಿ ಇಂದು ಅಭಿಮಾನಿಗಳೊಂದಿಗೆ ಸಿಹಿ ಸುದ್ದಿಯನ್ನು ಹಂಚಿಕೊಂಡಿದ್ದಾರೆ. ಮುಂದಿನ ಜನವರಿ ವೇಳೆಗೆ ತಮ್ಮ ಕುಟುಂಬಕ್ಕೆ ಹೊಸ ಸದಸ್ಯನ ಆಗಮನವಾಗಲಿದೆ ಎಂಬುದನ್ನು ಕೊಹ್ಲಿ ಟ್ವೀಟ್ ಮೂಲಕ ತಿಳಿಸಿದ್ದಾರೆ. ಹೀಗಾಗಿ ಅಭಿಮಾನಿಗಳು ಕೊಹ್ಲಿ ಹಾಗೂ ಅನುಷ್ಕಾ ಜೋಡಿಗೆ ಶುಭಾಶಯಗಳ ಸುರಿಮಳೆಯನ್ನೇ ಹರಿಸುತ್ತಿದ್ದಾರೆ.

ಇನ್ನು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ಬಿಸಿಸಿಐ ತನ್ನ ಅಧಿಕೃತ ಖಾತೆಯಲ್ಲಿ ವಿರಾಟ್ ದಂಪತಿಗೆ ಶುಭಾಶಯ ಕೋರಿದೆ. ವಿರಾಟ್ ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿರುವ ಟ್ವೀಟ್‌ಅನ್ನು ರೀಟ್ವೀಟ್ ಮಾಡಿರುವ ಬಿಸಿಸಿಐ ಅಭಿನಂದನೆಗಳು ಎಂದು ವಿರಾಟ್ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮಾ ಟ್ವಿಟ್ಟರ್ ಖಾತೆಗಳನ್ನು ಉಲ್ಲೇಖಿಸಿದೆ.

Congratulations @imVkohli & @AnushkaSharma 💝💝 https://t.co/kHhMeJVoIC

— BCCI (@BCCI) August 27, 2020

ಇನ್ನು ಐಪಿಎಲ್‌ನಲ್ಲಿ ವಿರಾಟ್ ಕೊಹ್ಲಿ ಮುನ್ನಡೆಸುತ್ತಿರುವ ಆರ್‌ಸಿಬಿ ಫ್ರಾಂಚೈಸಿ ತನ್ನ ಅಧಿಕೃತ ಟ್ವಿಟ್ಟರ್‌ ಖಾತೆಯಲ್ಲಿ ಕೊಹ್ಲಿ ದಂಪತಿಗೆ ಅಭಿನಂದನೆಗಳನ್ನು ತಿಳಿಸಿದೆ. ಜನವರಿಯಲ್ಲಿ ಬರಲಿರುವ ಹೊಸ ಕುಟುಂಬ ಸದಸ್ಯನ ಕಾರಣಕ್ಕೆ ಅಭಿನಂದನೆಗಳು ಎಂದು ಶುಭ ಹಾರೈಸಿದೆ.

Congratulations to @imVkohli and @AnushkaSharma on the new family member coming home in Jan! 🥳🥳

We couldn’t be more excited! 🤩

Drop a ❤️ to wish the happy couple! https://t.co/sK0QiROsqZ

— Royal Challengers Bangalore (@RCBTweets) August 27, 2020

ಮತ್ತೊಂದೆಡೆ ಕ್ರಿಕೆಟ್‌ಲೋಕದ ತಾರೆಗಳು ಕೂಡ ವಿರಾಟ್ ಕೊಹ್ಲಿ ದಂಪತಿಗೆ ಶುಭಾಶಯಗಳನ್ನು ತಿಳಿಸುತ್ತಿದ್ದಾರೆ. ಭಾರತೀಯ ಹಿರಿಯ ಆಫ್ ಸ್ಪಿನ್ನರ್ ಹರ್ಭಜನ್ ಸಿಂಗ್, ಯುಜುವೇಂದ್ರ ಚಾಹಲ್, ದಕ್ಷಿಣ ಆಫ್ರಿಕಾದ ಬ್ಯಾಟ್ಸ್‌ಮನ್ ಫಾಪ್ ಡು ಪ್ಲೆಸಿಸ್, ವೆಸ್ಟ್ ಇಂಡೀಸ್‌ನ ದೈತ್ಯ ಕ್ರಿಸ್ ಗೇಲ್, ವೇಗಿ ಇಶಾಂತ್ ಶರ್ಮಾ ಹಾಗೂ ಇಂಗ್ಲೆಂಡ್ ಕ್ರಿಕೆಟ್ ತಂಡದ ಮಾಜಿ ನಾಯಕ ಕೆವಿನ್ ಪಿಟರ್‌ಸನ್ ವಿರಾಟ್ ಅನುಷ್ಕಾ ಜೋಡಿಗೆ ಶುಭಾಶಯಗಳನ್ನು ತಿಳಿಸಿದ್ದಾರೆ.

ವಿರಾಟ್ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮಾ 2017ರ ಡಿಸೆಂಬರ್‌ 11 ರಂದು ಇಟೆಲಿಯಲ್ಲಿ ವಿವಾಹ ಬಂಧನಕ್ಕೆ ಒಳಗಾದರು. ಮೂರು ವರ್ಷಗಳ ನಂತರ ಈ ತಾರಾ ಜೋಡಿ ಅಪ್ಪ-ಅಮ್ಮನಾಗಿ ಭಡ್ತಿಯನ್ನು ಪಡೆದುಕೊಳ್ಳುತ್ತಿದ್ದಾರೆ.