ಕಾಂಗ್ರೆಸ್ ಪಕ್ಷ ಸೇರಿದ ಮೊಹಮ್ಮದ್ ಶಮಿ ಪತ್ನಿ ಹಸೀನ್ ಜಹಾನ್

ಮುಂಬೈ, ಅಕ್ಟೋಬರ್ 17: ಟೀಂ ಇಂಡಿಯಾದ ಪ್ರಮುಖ ವೇಗಿ ಮೊಹಮ್ಮದ್ ಶಮಿ ಅವರ ಪತ್ನಿ ಹಸೀನ್ ಜಹಾನ್ ಅವರು ಮಂಗಳವಾರದಂದು ಅಧಿಕೃತವಾಗಿ ಕಾಂಗ್ರೆಸ್ ಪಕ್ಷವನ್ನು ಸೇರಿದ್ದಾರೆ.

ಶಮಿ ವಿರುದ್ಧ ವಿವಾಹೇತರ ಸಂಬಂಧ, ಕಿರುಕುಳ ನೀಡಿದ ಆರೋಪ ಮಾಡಿ ಹಸೀನ್ ಜಹಾನ್ ಸುದ್ದಿಯಾಗಿದ್ದರು.

'ಅಪ್ಪ ಯಾರು?' ಎಂದಿದ್ದಕ್ಕೆ ಮೊಹಮ್ಮದ್ ಶಮಿ ಕೆರಳಿದ್ದೇಕೆ?

ಮುಂಬೈನಲ್ಲಿ ಕಾಂಗ್ರೆಸ್‌ ಪಕ್ಷದ ಅಧ್ಯಕ್ಷ ಸಂಜಯ್‌ ನಿರುಪಮ್‌ ಅವರ ಸಮ್ಮುಖದಲ್ಲಿ ಹಸೀನ್‌ ಜಹಾನ್‌ ಅವರು ಕಾಂಗ್ರೆಸ್ಸಿಗೆ ಸೇರಿದ್ದಾರೆ.

ಶಮಿ ಹಂಚಿಕೊಂಡ ಚಿತ್ರಕ್ಕೆ ಹೇಗೆ ಪ್ರತಿಕ್ರಿಯಿಸಲಿ?

ಮೂಲತಃ ರೂಪದರ್ಶಿಯಾಗಿರುವ ಜಹಾನ್‌ ಅವರು ತಮ್ಮ ಕುಟುಂಬ ವಿಚಾರವನ್ನು ಹಾದಿ ರಂಪ ಬೀದಿ ರಂಪ ಮಾಡಿದ್ದಲ್ಲದೆ,ಶಮಿ ಅವರನ್ನು ಮ್ಯಾಚ್ ಫಿಕ್ಸರ್ ಎಂದಿದ್ದರು. ಪಾಕಿಸ್ತಾನದ ಮಹಿಳೆಯ ಜತೆ ಶಮಿಗೆ ಸಂಪರ್ಕವಿದ್ದು, ಶಮಿ ದೇಶದ್ರೋಹಿ ಎಂದಿದ್ದರು. ಆದರೆ, ಯಾವುದೇ ಆರೋಪ ಸಾಬೀತಾಗಿರಲಿಲ್ಲ.

ಮಡದಿಯ ಆರೋಪಗಳನ್ನು ಸಾರಾಸಗಟು ತಳ್ಳಿ ಹಾಕಿದ ಶಮಿ

ಕೋಲ್ಕತಾ ಅಲಿಪೊರ್‌ ನ್ಯಾಯಾಲಯದಲ್ಲಿ ಕೌಟುಂಬಿಕ ದೌರ್ಜನ್ಯದ ಪ್ರಕರಣ ದಾಖಲಿಸಿ, ಶಮಿ ಅವರಿಂದ ಕುಟುಂಬ ನಿರ್ವಹಣಾ ವೆಚ್ಚವನ್ನು ಕೋರಿದ್ದರು. ಶಮಿ ಪರ ಎಂಎಸ್ ಧೋನಿ, ಕಪಿಲ್ ದೇವ್ ಸೇರಿದಂತೆ ಹಲವಾರು ಮಂದಿ ಬೆಂಬಲ ವ್ಯಕ್ತಪಡಿಸಿದ್ದರು.