ಐಪಿಎಲ್‌ನಿಂದ ಸುರೇಶ್ ರೈನಾ ಹಿಂದೆ ಸರಿದಿದ್ದಕ್ಕೆ ಅಸಲಿ ಕಾರಣ ಬಹಿರಂಗ!

ರೈನಾ ಅತ್ತೆಗೆ ಗಂಭೀರ ಗಾಯ

ವರದಿಯಂತೆ, ದಾಳಿ ನಡೆದಿದ್ದು ಆಗಸ್ಟ್ 19ರಂದು. ಮನೆಯ ಟೆರೆಸ್‌ನಲ್ಲಿ ಕುಟುಂಬಸ್ಥರು ಮಲಗಿರುವಾಗ ಅಪರಿಚಿತರಾರೋ ಮಾರಕಾಯುಧಗಳಿಂದ ದಾಳಿ ನಡೆಸಿದ್ದರು. ದಾಳಿಯಿಂದಾಗಿ ರೈನಾ ಮಾವ ಮೃತರಾಗಿದ್ದರೆ, ರೈನಾ ಅವರ ಅತ್ತೆ ಗಂಭೀರವಾಗಿ ಗಾಯಗೊಂಡಿದ್ದಾರೆ.

ಸೋದರ ಸಂಬಂಧಿಗಳಿಗೂ ಗಾಯ

ರೈನಾ ಅವರ ತಂದೆಯ ತಂಗಿ ಆಶಾ ದೇವಿ ಈಗ ಗಂಭೀರ ಸ್ಥಿತಿಯಲ್ಲಿದ್ದಾರೆ. ಅವರು ಜೀವನ್ಮರಣ ಹೋರಾಟ ನಡೆಸುತ್ತಿದ್ದಾರೆ. ರೈನಾ ಅವರ 58ರ ಹರೆಯದ ಮಾವ ಅಶೋಕ್ ಕುಮಾರ್ ಸಾವನ್ನಪ್ಪಿದ್ದಾರೆ. ಇನ್ನು, ರೈನಾ ಸೋದರ ಸಂಬಂಧಿಗಳಾದ 32ರ ಹರೆಯದ ಕೌಶಲ್ ಕುಮಾರ್ ಮತ್ತು 24ರ ಹರೆಯದ ಅಪಿನ್ ಕುಮಾರ್‌ಗೂ ಗಾಯಗಳಾಗಿವೆ ಎಂದು ತಿಳಿದು ಬಂದಿದೆ.

ಅಭಿಮಾನಿಗಳಿಗೆ ನಿರಾಸೆ

ಆಗಸ್ಟ್ 15ರಂದು ಸ್ವಾತಂತ್ರ್ಯೋತ್ಸವ ದಿನ ಭಾರತದ ಮಾಜಿ ನಾಯಕ, ಸಿಎಸ್‌ಕೆ ಕ್ಯಾಪ್ಟನ್ ಎಂಎಸ್ ಧೋನಿ ಜೊತೆಗೆ ರೈನಾ ಕೂಡ ಅಂತಾರಾಷ್ಟ್ರೀಯ ನಿವೃತ್ತಿ ಘೋಷಿಸಿದ್ದರು. ಅಂತಾರಾಷ್ಟ್ರೀಯ ನಿವೃತ್ತಿ ನೀಡಿರುವ ಧೋನಿ-ರೈನಾರ ಆಟವನ್ನು ಐಪಿಎಲ್‌ನಲ್ಲಾದರೂ ಕಣ್ತುಂಬಿಕೊಳ್ಳಲು ಅಭಿಮಾನಿಗಳು ಬಯಸಿದ್ದರು. ಆದರೆ ಅಭಿಮಾನಿಗಳ ಆಸೆ ನಿರಾಸೆಯಾಗಿದೆ.

ವೇಳಾಪಟ್ಟಿ ಘೋಷಣೆ ವಿಳಂಬ

ಐಪಿಎಲ್‌ನಲ್ಲಿ ಕೊರೊನಾ ಪ್ರಕರಣಗಳು ಕಾಣಿಸಿಕೊಂಡಿವೆ. ಸಿಎಸ್‌ಕೆಯ 2 ಆಟಗಾರರು (ದೀಪಕ್ ಚಹಾರ್, ರುತುರಾಜ್ ಗಾಯಕ್ವಾಡ್) ಮತ್ತು 11 ಮಂದಿ ಸಿಬ್ಬಂದಿಗೆ ಕೊರೊನಾ ಪಾಸಿಟಿವ್ ಬಂದಿದೆ. ಹೀಗಾಗಿ ಘೋಷಣೆಯಾಗುವುದರಲ್ಲಿದ್ದ ಐಪಿಎಲ್ ಸಂಪೂರ್ಣ ವೇಳಾಪಟ್ಟಿ ವಿಳಂಬಗೊಂಡಿದೆ. 'ಪರಿಸ್ಥಿತಿಯನ್ನು ನಿಭಾಯಿಸಲು ಸಾಕಷ್ಟು ಕ್ರಮಗಳು ಜಾರಿಯಲ್ಲಿವೆ ಮತ್ತು ಪಂದ್ಯಾವಳಿಗೆ ಕೊರೊನಾದಿಂದ ತಕ್ಷಣದ ಬೆದರಿಕೆ ಇಲ್ಲ. ಆದರೆ ಈ ಬೆಳವಣಿಗೆಯಿಂದಾಗಿ ಐಪಿಎಲ್ ವೇಳಾಪಟ್ಟಿ ಘೋಷಣೆ ವಿಳಂಬವಾಗಿದೆ,' ಎಂದು ಬಿಸಿಸಿಐ ಮೂಲವೊಂದು ತಿಳಿಸಿದೆ.