100 ಕ್ಯಾಚ್ಗಳ ಸರದಾರ
ಐಪಿಎಲ್ನಲ್ಲಿ ಒಟ್ಟು 99 ಕ್ಯಾಚ್ಗಳನ್ನು ಪಡೆದ ದಾಖಲೆ ರೈನಾ ಹೆಸರಿನಲ್ಲಿದೆ. ಅತ್ಯಧಿಕ ಕ್ಯಾಚ್ ಯಾದಿಯಲ್ಲಿ ರೈನಾ ಮೊದಲ ಸ್ಥಾನದಲ್ಲಿದ್ದಾರೆ. ಹೀಗಾಗಿ ಶುಕ್ರವಾರ ಮುಂಬೈ ವಿರುದ್ಧದ ಪಂದ್ಯದಲ್ಲಿ ಇನ್ನೊಂದೇ ಕ್ಯಾಚ್ ಲಭಿಸಿದರೂ ರೈನಾ ಐಪಿಎಲ್ 100 ಕ್ಯಾಚ್ ಮಾಡಿದ ಭಾರತದ ಮೊದಲ ಆಟಗಾರರಾಗಿ ಗುರುತಿಸಿಕೊಳ್ಳಲಿದ್ದಾರೆ.
ಎರಡನೇ ಸ್ಥಾನದಲ್ಲಿ ಎಬಿಡಿ
ಐಪಿಎಲ್ ಅತ್ಯಧಿಕ ಕ್ಯಾಚ್ ಸರದಾರರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಸೂಪರ್ ಮ್ಯಾನ್, ಮಿಸ್ಟರ್ 360 ಖ್ಯಾತಿಯ ಎಬಿ ಡಿ ವಿಲಿಯರ್ಸ್ ದ್ವಿತೀಯ ಸ್ಥಾನದಲ್ಲಿದ್ದಾರೆ. ಎಬಿಡಿ ಒಟ್ಟು 84 ಕ್ಯಾಚ್ಗಳನ್ನು ಪಡೆದಿದ್ದಾರೆ. ಇದೇ ಯಾದಿಯಲ್ಲಿರುವ ಮುಂಬೈ ಇಂಡಿಯನ್ಸ್ ನಾಯಕ ರೋಹಿತ್ ಶರ್ಮಾ (82 ಕ್ಯಾಚ್ಸ್) ತೃತೀಯ ಸ್ಥಾನಿಗ.
ರೇಸ್ನಲ್ಲಿ ಪೊಲಾರ್ಡ್, ಕೊಹ್ಲಿ
ಮುಂಬೈ ಇಂಡಿಯನ್ಸ್ ಮತ್ತೊಬ್ಬ ಆಟಗಾರ ಕೀರನ್ ಪೊಲಾರ್ಡ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಾಯಕ ವಿರಾಟ್ ಕೊಹ್ಲಿ ಕೂಡ ಐಪಿಎಲ್ ಅತ್ಯಧಿಕ ಕ್ಯಾಚ್ ಗಾಗಿ ರೇಸ್ನಲ್ಲಿದ್ದಾರೆ. ಪೊಲಾರ್ಡ್ ಒಟ್ಟು 79 ಕ್ಯಾಚ್ ಪಡೆದಿದ್ದರೆ, ಕೊಹ್ಲಿ 71 ಕ್ಯಾಚ್ ದಾಖಲೆ ಹೊಂದಿದ್ದಾರೆ.
ಚೆನ್ನೈ ಸೂಪರ್!
ಸದ್ಯ ಐಪಿಎಲ್ ಅಂಕಪಟ್ಟಿಯಲ್ಲಿ ಅಗ್ರ ಸ್ಥಾನದಲ್ಲಿರುವ ಸಿಎಸ್ಕೆ ಒಟ್ಟು 16 ಅಂಕಗಳನ್ನು ಕಲೆ ಹಾಕಿದೆ. ಚೆನ್ನೈ ಈಗಾಗಲೇ ಪ್ಲೇ ಆಫ್ ಪ್ರವೇಶಿಸಿದೆ. ಆದರೆ ಮುಂಬೈ ಇಂಡಿಯನ್ಸ್ ಪಾಲಿಗೆ ಶುಕ್ರವಾರದ ಪಂದ್ಯ ಹೆಚ್ಚು ಪ್ರಮುಖವಾದುದು. ಅಂಕಪಟ್ಟಿಯಲ್ಲಿ ದ್ವಿತೀಯ ಸ್ಥಾನದಲ್ಲಿರುವ ಡೆಲ್ಲಿ ಕ್ಯಾಪಿಟಲ್ಸ್ ಕೆಳಗಿಳಿಸಿ ಜಿಗಿತ ಕಾಣುವ ತವಕ ಎಂಐದು.