ನವದೆಹಲಿ, ಏಪ್ರಿಲ್ 20: ದೆಹಲಿಯ ಫಿರೋಜ್ ಶಾ ಕೋಟ್ಲಾ ಮೈದಾನದಲ್ಲಿ ಶನಿವಾರ (ಏಪ್ರಿಲ್ 20) ನಡೆದ ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡಗಳ ನಡುವಣ ಐಪಿಎಲ್ 37ನೇ ಪಂದ್ಯದಲ್ಲಿ ಡೆಲ್ಲಿ 5 ವಿಕೆಟ್ ಜಯ ಸಾಧಿಸಿದೆ. ಶಿಖರ್ ಧವನ್-ಶ್ರೇಯಸ್ ಐಯ್ಯರ್ ಅರ್ಧಶತಕ, ಕಾಗಿಸೋ ರಬಾಡ ಅವರ ಬೌಲಿಂಗ್ ಬೆಂಬಲದೊಂದಿಗೆ ಡಿಸಿ ಐಪಿಎಲ್ 6ನೇ ಗೆಲುವು ದಾಖಲಿಸಿದೆ.
ಐಪಿಎಲ್ ಸ್ಟೋರಿಗಳು, ಪಾಯಿಂಟ್ ಟೇಬಲ್ ಇನ್ನಿತರ ಕುತೂಹಲಕಾರಿ ಅಂಕಿ-ಅಂಶಗಳು 'ಮೈಖೇಲ್ ಕನ್ನಡ-ಐಪಿಎಲ್ ವಿಶೇಷ ಮುಖಪುಟ'ದಲ್ಲಿದೆ
ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಪಂಜಾಬ್ನ ಆರಂಭಿಕ ಆಟಗಾರ ಕೆಎಲ್ ರಾಹುಲ್ ಕೇವಲ 12 ರನ್ಗೆ ವಿಕೆಟ್ ಒಪ್ಪಿಸಿದರು. ಮುಂದೆ ಮಯಾಂಕ್ ಅಗರ್ವಾಲ್ 2, ಡೇವಿಡ್ ಮಿಲ್ಲರ್ 7, ಮನ್ದೀಪ್ ಸಿಂಗ್ 30, ರವಿಚಂದ್ರನ್ ಅಶ್ವಿನ್ (ಸಿ), ಸ್ಯಾಮ್ ಕರನ್ 0, ಹರ್ಪ್ರೀತ್ ಬ್ರಾರ್ ಅಜೇಯ 20 ರನ್ ಬೆಂಬಲ ಮಾತ್ರ ತಂಡಕ್ಕೆ ಲಭಿಸಿತು.
ಐಪಿಎಲ್ 2019: ಪಂಜಾಬ್ vs ಡೆಲ್ಲಿ ಪಂದ್ಯ, ಸ್ಕೋರ್ಕಾರ್ಡ್ ಕೆಳಗಿದೆ
ಆದರೆ 37 ಎಸೆತಗಳಿಗೆ 69 ರನ್ ಸಿಡಿಸಿದ ಗೇಲ್ ಪಂಜಾಬ್ 150+ ರನ್ ಸೇರಿಸುವಲ್ಲಿ ಗಮನಾರ್ಹ ರನ್ ಕೊಡುಗೆ ನೀಡಿದರು. ಕೆXIಪಿ 20 ಓವರ್ಗೆ 7 ವಿಕೆಟ್ ನಷ್ಟದಲ್ಲಿ 163 ರನ್ ಗಳಿಸಿತು. ಪಂಜಾಬ್ ಬ್ಯಾಟಿಂಗ್ ವೇಳೆ ಡೆಲ್ಲಿ ವೇಗಿ ಕಾಗಿಸೋ ರಬಾಡಾ 2, ಅಕ್ಸರ್ ಪಟೇಲ್ 2, ಸಂದೀಪ್ ಲಮಿಚಾನೆ 3 (40 ರನ್) ಉರುಳಿಸಿ ತಂಡವನ್ನು ಬೆಂಬಲಿಸಿದರು.
ಕಾಲಿನ್ ಇಂಗ್ರಾಮ್ ಅದ್ಭುತ ಕ್ಯಾಚ್, ಪೆಚ್ಚಾಗಿ ನಿರ್ಗಮಿಸಿದ ಗೇಲ್-ವಿಡಿಯೋ
ಗುರಿ ಬೆನ್ನಟ್ಟಿದ ಡೆಲ್ಲಿಗೆ ಧವನ್ 56 (41 ಎಸೆತ), ಶ್ರೇಯಸ್ ಐಯ್ಯರ್ 58 (49) ರನ್ ಗಣನೀಯವಾಗಿ ನೆರವಿಗೆ ಬಂತು. ಡಿಡಿ 19.4ನೇ ಓವರ್ಗೆ 5 ವಿಕೆಟ್ ನಷ್ಟದಲ್ಲಿ 166 ರನ್ನೊಂದಿಗೆ ಗುರಿ ಮುಟ್ಟಿತು. ಪಂಜಾಬ್ ಪರ ಹಾರ್ಡ್ನಸ್ ವಿಲ್ಜೊಯೆನ್ 2 ವಿಕೆಟ್ ಪಡೆದು ಮಿಂಚಿದರು.
ಐಸಿಸಿ ಕ್ರಿಕೆಟ್ ವಿಶ್ವಕಪ್ 2019: ಎಲ್ಲ ತಂಡಗಳ ಸಂಪೂರ್ಣ ವಿವರ ಇಲ್ಲಿದೆ
ಡೆಲ್ಲಿ ಕ್ಯಾಪಿಟಲ್ಸ್ ತಂಡ: ಪೃಥ್ವಿ ಶಾ, ಶಿಖರ್ ಧವನ್, ಶ್ರೇಯಾಸ್ ಅಯ್ಯರ್ (ಸಿ), ರಿಷಬ್ ಪಂತ್ (ವಿಕೆ), ಕಾಲಿನ್ ಇಂಗ್ರಾಮ್, ಶೇರ್ಫೇನ್ ರುದರ್ಫೋರ್ಡ್, ಅಕ್ಸರ್ ಪಟೇಲ್, ಕಾಗಿಸೊ ರಬಾಡಾ, ಅಮಿತ್ ಮಿಶ್ರಾ, ಸಂದೀಪ್ ಲಮಿಖಾನೆ, ಇಶಾಂತ್ ಶರ್ಮಾ.
ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ: ಲೋಕೇಶ್ ರಾಹುಲ್ (ವಿಕೆಟ್), ಕ್ರಿಸ್ ಗೇಲ್, ಮಯಾಂಕ್ ಅಗರ್ವಾಲ್, ಡೇವಿಡ್ ಮಿಲ್ಲರ್, ಮನ್ದೀಪ್ ಸಿಂಗ್, ರವಿಚಂದ್ರನ್ ಅಶ್ವಿನ್ (ಸಿ), ಸ್ಯಾಮ್ ಕರನ್, ಹರ್ಪ್ರೀತ್ ಬ್ರಾರ್, ಹಾರ್ದಸ್ ವಿಲ್ಜೊಯೆನ್, ಮುರುಗನ್ ಅಶ್ವಿನ್, ಮೊಹಮ್ಮದ್ ಶಮಿ