ಪಲ್ಲೆಕೆಲೆ, ಆಗಸ್ಟ್ 25: ಟೀಂ ಇಂಡಿಯಾದ ಮಾಜಿ ನಾಯಕ, ವಿಕೆಟ್ ಕೀಪರ್ ಎಂಎಸ್ ಧೋನಿ ಅವರು ಏಕದಿನ ಅಂತಾರಾಷ್ಟ್ರೀಯ ಕ್ರಿಕೆಟ್ ನಲ್ಲಿ ಮತ್ತೊಂದು ಮೈಲಿಗಲ್ಲು ದಾಟಿದ್ದಾರೆ. ಅತಿಹೆಚ್ಚು ಸ್ಟಂಪಿಂಗ್ ಮಾಡಿರುವ ದಾಖಲೆ ಹೊಂದಿರುವ ಶ್ರೀಲಂಕಾದ ಕುಮಾರ ಸಂಗಕ್ಕಾರ ಅವರ ದಾಖಲೆ ಸಮಕ್ಕೆ ನಿಂತಿದ್ದಾರೆ.
ದ್ವಿತೀಯ ಏಕದಿನ: ಭಾರತಕ್ಕೆ ಜಯ ತಂದುಕೊಟ್ಟ ಭುವಿ, ಧೋನಿ
ಶ್ರೀಲಂಕಾ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಆರಂಭಿಕ ಆಟಗಾರ ಗುಣತಿಲಕ ಅವರನ್ನು ಸ್ಟಂಪ್ ಮಾಡುವ ಮೂಲಕ, ಧೋನಿ ಅವರು 99ನೇ ಸ್ಟಂಪಿಂಗ್ ದಾಖಲಿಸಿದರು.
ಸಂಗಕ್ಕಾರ ಅವರು 404 ಪಂದ್ಯಗಳಲ್ಲಿ 99 ಸ್ಟಂಪಿಂಗ್ ಸಾಧಿಸಿದರೆ, ಜಾರ್ಖಂಡ್ ನ ವಿಕೆಟ್ ಕೀಪರ್ ಧೋನಿ 298 ಪಂದ್ಯಗಳಲ್ಲೇ ಈ ಸಾಧನೆ ಮಾಡಿದ್ದಾರೆ.
ಧೋನಿ, ಧವನ್, ರೋಹಿತ್ ಸಾಧನೆಗೆ ವೇದಿಕೆಯಾದ 2ನೇ ಏಕದಿನ
ಮಿಕ್ಕಂತೆ ಟಾಪ್ ವಿಕೆಟ್ ಕೀಪರ್ ಗಳಲ್ಲಿ ಶ್ರೀಲಂಕಾದ ಮಾಜಿ ಆಟಗಾರ ರೊಮೆಶ್ ಕಲುವಿಥರಣ ಅವರು 189 ಪಂದ್ಯಗಳಲ್ಲಿ 75 ಸ್ಟಂಪಿಂಗ್ಸ್ ಗಳಿಸಿದ್ದಾರೆ. ಪಾಕಿಸ್ತಾನದ ಮಾಜಿ ಆಟಗಾರ ಮೊಯಿನ್ ಖಾನ್ ಅವರು 219 ಪಂದ್ಯಗಳಲ್ಲಿ 73 ಸ್ಟಂಪಿಂಗ್ಸ್ ಹಾಗೂ ಆಡಂ ಗಿಲ್ ಕ್ರಿಸ್ಟ್ ಅವರು 287 ಪಂದ್ಯಗಳಲ್ಲಿ 55 ಸ್ಟಂಪಿಂಗ್ಸ್ ಗಳಿಸಿದ್ದಾರೆ.