ಲಂಕಾಗೆ ಸೋಲು
462 ರನ್ಗಳ ಬೃಹತ್ ಗುರಿ ಬೆನ್ನತ್ತಿದ ಶ್ರೀಲಂಕಾಕ್ಕೆ ಡ್ರಾ ಸಾಧಿಸುವುದೊಂದೇ ಎದುರಿಗಿದ್ದ ಅವಕಾಶವಾಗಿತ್ತು. ಕೊನೆಯ ದಿನವಾದ ಶುಕ್ರವಾರ ಇಂಗ್ಲೆಂಡ್ ಬೌಲರ್ಗಳು ಅದಕ್ಕೆ ಅವಕಾಶ ನೀಡಲಿಲ್ಲ.
250 ರನ್ಗಳಿಗೆ ಎಲ್ಲ ವಿಕೆಟ್ ಕಳೆದುಕೊಂಡ ಆತಿಥೇಯರು 211 ರನ್ ಗಳ ಹೀನಾಯ ಸೋಲು ಅನುಭವಿಸಿತು. ತಮ್ಮ ಅಂತಿಮ ಪಂದ್ಯದಲ್ಲಿ ಕೊನೆಯವರಾಗಿ ಬ್ಯಾಟಿಂಗ್ಗೆ ಇಳಿದ ರಂಗನಾ ಹೆರಾತ್, ಐದು ರನ್ ಗಳಿಸಿದ್ದಾಗ ದುರದೃಷ್ಟಕರ ರೀತಿಯಲ್ಲಿ ರನೌಟ್ ಆಗಿ, ತಮ್ಮ ವೃತ್ತಿ ಜೀವನವನ್ನು ಅಂತ್ಯಗೊಳಿಸಿದರು.
ಇದೇ ಮೊದಲ ಬಾರಿಗೆ ಇಂಗ್ಲೆಂಡ್ ತಂಡ ಗಾಲ್ಲೆ ಮೈದಾನದಲ್ಲಿ ಟೆಸ್ಟ್ ಗೆಲುವು ಸಾಧಿಸಿತು.
ಹೆರಾತ್ ಸಾಧನೆಗಳು
* 400 ಟೆಸ್ಟ್ ವಿಕೆಟ್ ಪಡೆದ ಮೊದಲ ಎಡಗೈ ಸ್ಪಿನ್ನರ್
* ಅತಿ ಹೆಚ್ಚು ಟೆಸ್ಟ್ ವಿಕೆಟ್ ಪಡೆದ ಎಡಗೈ ಬೌಲರ್
* 35 ವರ್ಷವಾದ ಬಳಿಕ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್
* ಮೈದಾನವೊಂದರಲ್ಲಿ 100 ವಿಕೆಟ್ ಪಡೆದ ಸಾಧನೆ ಮಾಡಿದ ಮೂರನೇ ಬೌಲರ್
* ಶ್ರೀಲಂಕಾ ಪರ ಅತ್ಯಂತ ಸುದೀರ್ಘ ಕಾಲ ಕ್ರಿಕೆಟ್ ಆಡಿದವರು
* ಟೆಸ್ಟ್ ನಾಲ್ಕನೆಯ ಇನ್ನಿಂಗ್ಸ್ನಲ್ಲಿ ಹೆಚ್ಚು ಬಾರಿ 5 ವಿಕೆಟ್ ಪಡೆದವರು
* ಟೆಸ್ಟ್ ಇನ್ನಿಂಗ್ಸ್ನಲ್ಲಿ 5 ವಿಕೆಟ್ ಪಡೆದ ಏಷ್ಯಾದ ಅತಿ ಹಿರಿಯ ಬೌಲರ್
ಅಭಿಮಾನಿಗಳ ಆಕ್ರೋಶಕ್ಕೆ ವಿರಾಟ್ ಕೊಹ್ಲಿ ತಣ್ಣನೆಯ ಪ್ರತಿಕ್ರಿಯೆ
|
ಗಾಲ್ಲೆ ಮೈದಾನ ಅಚ್ಚುಮೆಚ್ಚು
ಟೆಸ್ಟ್ ಕ್ರಿಕೆಟ್ನಲ್ಲಿ 400 ವಿಕೆಟ್ ಪಡೆದ ಮೊದಲ ಎಡಗೈ ಬೌಲರ್ ಎಂಬ ಕೀರ್ತಿಗೆ ಪಾತ್ರರಾಗಿರುವ ಹೆರಾತ್, 93 ಪಂದ್ಯಗಳಿಂದ 433 ವಿಕೆಟ್ ಪಡೆದಿದ್ದಾರೆ.
ಗಾಲ್ಲೆ ಮೈದಾನದಲ್ಲಿಯೇ ತಮ್ಮ ಮೊದಲ ಟೆಸ್ಟ್ ಆಡಿದ್ದ ಹೆರಾತ್, ಅದೇ ಮೈದಾನದಲ್ಲಿಯೇ ತಮ್ಮ ಕ್ರಿಕೆಟ್ ಜೀವನ ಮುಕ್ತಾಯಗೊಳಿಸಿದ್ದಾರೆ. ಈ ಮೈದಾನದಲ್ಲಿ ಅವರು ನೂರು ವಿಕೆಟ್ ಕಿತ್ತಿರುವುದು ವಿಶೇಷ. ಮತ್ತೊಂದು ವಿಶೇಷವೆಂದರೆ, ಪಾದಾರ್ಪಣೆಯ ಟೆಸ್ಟ್ನಲ್ಲಿಯೂ ಹೆರಾತ್ ರನೌಟ್ ಆಗಿದ್ದರು.
ಸಂಕ್ಷಿಪ್ತ ಸ್ಕೋರ್
ಇಂಗ್ಲೆಂಡ್
ಮೊದಲ ಇನ್ನಿಂಗ್ಸ್: 342/10 (97) ಬೆನ್ ಫೋಕ್ಸ್ 107, ಸ್ಯಾಮ್ ಕುರ್ರನ್ 48, ಕೀಟನ್ ಜೆನ್ನಿಂಗ್ಸ್ 46, ದಿಲ್ರುವಾನ್ ಪೆರೇರಾ 75/3, ಸುರಂಗಾ ಲಕ್ಮಲ್ 73/3
ಎರಡನೆಯ ಇನ್ನಿಂಗ್ಸ್: 322/6 (93) ಕೀಟನ್ ಜೆನ್ನಿಂಗ್ಸ್ 146*, ಬೆನ್ ಸ್ಟೋಕ್ಸ್ 62, ಬೆನ್ ಫೋಕ್ಸ್ 37, ದಿಲ್ರುವಾನ್ ಪೆರೇರಾ 94/2, ರಂಗನಾ ಹೆರಾತ್ 59/2
ಶ್ರೀಲಂಕಾ
ಮೊದಲ ಇನ್ನಿಂಗ್ಸ್: 203/10 (68) ಆಂಜೆಲೋ ಮ್ಯಾಥ್ಯೂಸ್ 52, ದಿನೇಶ್ ಚಂಡಿಮಾಲ್ 33, ನಿರೋಶನ್ ಡಿಕ್ವೆಲ್ಲಾ 28, ಮೊಯೀನ್ ಅಲಿ 66/4, ಆದಿಲ್ ರಶೀದ್ 30/2, ಜ್ಯಾಕ್ ಲೀಚ್ 41/2
ಎರಡನೆಯ ಇನ್ನಿಂಗ್ಸ್: 250/10 (85.1) ಆಂಜೆಲೋ ಮ್ಯಾಥ್ಯೂಸ್ 53, ಕುಸಾಲ್ ಮೆಂಡಿಸ್ 45, ದಿಲ್ರುವಾನ್ ಪೆರೇರಾ 30, ಮೊಯೀನ್ ಅಲಿ 71/4, ಜ್ಯಾಕ್ ಲೀಚ್ 60/3
ಫಲಿತಾಂಶ: ಇಂಗ್ಲೆಂಡ್ಗೆ 211 ರನ್ ಗೆಲುವು, ಸರಣಿಯಲ್ಲಿ 1-0 ಮುನ್ನಡೆ.
ಭಾರತದಲ್ಲಿ ಏಕಿದ್ದೀರಾ? ಬೇರೆ ದೇಶಕ್ಕೆ ಹೋಗಿ: ಕೊಹ್ಲಿ ಮಾತಿಗೆ ಟ್ವಿಟ್ಟಿಗರ ಆಕ್ರೋಶ