ಪಾಕ್ ತಂಡದ ಭರ್ಜರಿ ಬ್ಯಾಟಿಂಗ್
ಟಾಸ್ ಸೋತು ಮೊದಲು ಬ್ಯಾಟಿಂಗ್ಗೆ ಇಳಿದ ಪಾಕಿಸ್ತಾನ ತಂಡಕ್ಕೆ ನಾಯಕ ಬಾಬರ್ ಅಜಂ(44 ಎಸೆತ 56 ರನ್) ಹಾಗೂ ಫಖರ್ ಜಮಾನ್(22 ಎಸೆತ 36 ರನ್) ಉತ್ತಮ ಆರಂಭ ಒದಗಿಸಿದರು. ಮೊದಲ ವಿಕೆಟ್ಗೆ 72 ರನ್ಗಳ ಉತ್ತಮ ಜೊತೆಯಾಟ ನೀಡಿದ ಬಳಿಕ ಈ ಜೋಡಿ ಬೇರ್ಪಟ್ಟಿತು. ಬಳಿಕ ಹಫೀಜ್ ಸ್ಪೋಟಕ ಆಟ ಪಾಕ್ ಇನ್ನಿಂಗ್ಸ್ಗೆ ಮೆರುಗು ನೀಡಿತು.
ಹಫೀಜ್ ಸ್ಪೋಟಕ ಆಟ
ಅನುಭವಿ ಮೊಹಮದ್ ಹಫೀಜ್ ಸ್ಪೋಟಕ ಆಟದಿಂದಾಗಿ ಪಾಕಿಸ್ತಾನ ಬೃಹತ್ ಮೊತ್ತವನ್ನು ಪೇರಿಸುವಲ್ಲಿ ಯಶಸ್ವಿಯಾಯಿತು. 36 ಎಸೆತಗಳನ್ನು ಎದುರಿಸಿದ ಹಫೀಜ್ ಭರ್ಜರಿ 69 ರನ್ ದಾಖಲಿಸುವಲ್ಲಿ ಯಶಸ್ವಿಯಾದರು. ಅಂತಿಮ ಓವರ್ನಲ್ಲಿ ಹಫೀಜ್ ಔಟಾಗುವ ಮುನ್ನ ಇಂಗ್ಲೆಂಡ್ಗೆ ದೊಡ್ಡ ಗುರಿಯನ್ನು ನಿಗದಿ ಮಾಡುವಲ್ಲಿ ಹಫೀಸ್ ಪ್ರಮುಖ ಪಾತ್ರವನ್ನು ವಹಿಸಿದ್ದರು.
ಇಂಗ್ಲೆಂಡ್ ಭರ್ಜರಿ ಆರಂಭ
ಪಾಕಿಸ್ತಾನ ನೀಡಿದ ಬೃಹತ್ ಗುರಿಯನ್ನು ಬೆನ್ನಟ್ಟಿದ ಇಂಗ್ಲೆಂಡ್ಗೆ ಉತ್ತಮ ಆರಂಭ ದೊರೆಯಿತು. ಆರಮಭಿಕ ಆಟಗಾರರು ಉತ್ತಮ ಪ್ರದರ್ಶನ ನೀಡುವ ಮೂಲಕ ಮಿಂಚಿದರು. ಮೊದಲ ವಿಕೆಡ್ಗೆ ಬೈರ್ಸ್ಟೋವ್(44) ಹಾಗೂ ಟಾಮ್ ಬ್ಯಾಂಟನ್(20) 66 ರನ್ಗಳ ಜೊತೆಯಾಟವನ್ನು ನೀಡಿದರು.
ಮಲನ್-ಮಾರ್ಗನ್ ಭರ್ಜರಿ ಆಟ
ಇಂಗ್ಲೆಂಡ್ ತನ್ನ 2 ವಿಕೆಟ್ ಕಳೆದುಕೊಂಡ ನಂತರ ಜೊತೆಯಾದ ಡೇವಿಡ್ ಮಲನ್ ಹಾಗೂ ನಾಯಕ ಮಾರ್ಗನ್ ಭರ್ಜರಿಯಾಗಿ ಪಾಕಿಸ್ತಾನ ತಂಡಕ್ಕೆ ತಿರುಗೇಟು ನೀಡಿದರು. ಪಾಕ್ ಬೌಲರ್ಗಳನ್ನು ಭರ್ಜರಿಯಾಗಿ ದಂಡಿಸಿದ ಈ ಒಬ್ಬರು ಆಟಗಾರರು ತಲಾ ಅರ್ಧ ಶತಕದ ಸಾಧನೆಯನ್ನು ಮಾಡಿದರು. 33 ಎಸತಗಳನ್ನು ಎದುರಿಸಿದ ನಾಯಕ ಇಯಾನ್ ಮಾರ್ಗನ್ 66 ರನ್ ಗಳಿಸಿದರೆ ಮಲನ್ ಔಟಾಗದೆ 54 ರನ್ ಗಳಿಸಿ ತಂಡವನ್ನು ಗೆಲುವಿನ ದಡ ಮುಟ್ಟಿಸುವಲ್ಲಿ ಯಶಸ್ವಿಯಾದರು.
ಪಾಕ್ ಬೌಲರ್ಗಳ ವೈಫಲ್ಯ
ಪಾಕಿಸ್ತಾನ ತಂಡ ತನ್ನ ಬೌಲಿಂಗ್ ಅಸ್ತ್ರವನ್ನು ಹೆಚ್ಚಾಗಿ ನೆಚ್ಚಿಕೊಂಡಿದೆ. ಯುವ ಬೌಲರ್ಗಳ ತಂಡ ಚುಟುಕು ಕ್ರಿಕೆಟ್ನಲ್ಲಿ ಯಶಸ್ಸು ಸಾಧಿಸುವ ನಿರೀಕ್ಷೆಯನ್ನು ಹೊಂದಿತ್ತು. ಆದರೆ ನಿನ್ನೆಯ ಪಂದ್ಯದಲ್ಲಿ ಪಾಕ್ ಬೌಲರ್ಗಳು ಸಂಪೂರ್ಣವಾಗಿ ವಿಫಲರಾಗಿದ್ದಾರೆ. ನಾಲ್ವರು ಬೌಲರ್ಗಳು 10ಕ್ಕೂ ಹೆಚ್ಚಿನ ಸರಾಸರಿಯಲ್ಲಿ ರನ್ ನೀಡಿ ತಂಡಕ್ಕೆ ದುಬಾರಿಯಾರು.
ಅಂತಿಮ ಪಂದ್ಯದಲ್ಲಿ ಗೆಲ್ಲಬೇಕಾದ ಒತ್ತಡ
ಪಾಕಿಸ್ತಾನ ತಂಡ ಟೆಸ್ಟ್ ಸರಣಿಯನ್ನು ಇಂಗ್ಲೆಂಡ್ಗೆ ಬಿಟ್ಟುಕೊಟ್ಟ ಬಳಿಕ ಇದೀಗ ಟೆ20 ಸರಣಿಯಲ್ಲೂ ಹಿನ್ನೆಡೆಯನ್ನು ಕಂಡಿದೆ. ಆದರೆ ಚುಟುಕು ಸರಣಿಯಲ್ಲಿ ಇನ್ನು ಒಂದು ಪಂದ್ಯವಿದ್ದು ಗೆದ್ದರೆ ಸರಣಿ ಸಮಬಲವಾಗಲಿದೆ. ಟಿ20 ಸರಣಿಯ ಮೊದಲ ಪಂದ್ಯ ಮಳೆಗೆ ಆಹುತಿಯಾಗಿತ್ತು.