ಲಂಡನ್: ಜಾಲತಾಣಗಳಲ್ಲಿ ನಿಂದನೆಗೆ ಪ್ರತಿಭಟನಾರ್ಥವಾಗಿ ಜಾಲತಾಣವನ್ನು ಬಹಿಷ್ಕರಿಸಲು ಇಂಗ್ಲೆಂಡ್ ಕ್ರಿಕೆಟ್ ತಂಡ ಸಿದ್ಧವಿದೆ ಎಂದು ಇಂಗ್ಲೆಂಡ್ ವೇಗಿ ಸ್ಟುವರ್ಟ್ ಬ್ರಾಡ್ ಹೇಳಿದ್ದಾರೆ. ಇಂಗ್ಲೆಂಡ್ನ ಜೋಫ್ರಾ ಆರ್ಚರ್ ಮತ್ತು ಮೊಯೀನ್ ಅಲಿಗೆ ಸಾಮಾಜಿಕ ಜಾಲತಾಣದಲ್ಲಿ ನಿಂದಿಸಲಾಗಿತ್ತು. ಈ ಪ್ರಕರಣಕ್ಕೆ ಸಂಬಂಧಿಸಿ ಬ್ರಾಡ್ ಪ್ರತಿಕ್ರಿಯಿಸಿದ್ದಾರೆ.
'ಸಾಮಾಜಿಕ ಜಾಲತಾಣದಲ್ಲಿ ಸಕಾರಾತ್ಮಕವಾದಂತಹ ಸಾಕಷ್ಟು ಸಂಗತಿಗಳಿವೆ. ಆದರೆ ನಾವು ಅವೆಲ್ಲವನ್ನೂ ಬಿಡುತ್ತಿದ್ದೇವೆ. ಸಾಮಾಜಿಕ ಜಾಲತಾಣದಲ್ಲಿ ನಾವು ಸಕಾರಾತ್ಮಕ ಸಂಗತಿಗಳನ್ನು ಕಳೆದುಕೊಳ್ಳುವುದಾದರೆ, ನಾವು ಆ ನಿಲುವಿನ ವಿರುದ್ಧ ನಿಲ್ಲಬೇಕಾಗುತ್ತದೆ,' ಎಂದು ಸ್ಟುವರ್ಟ್ ಬ್ರಾಡ್ ಹೇಳಿದ್ದಾರೆ.
'ಡ್ರೆಸ್ಸಿಂಗ್ ರೂಮ್ನಲ್ಲಿ ನಾಯಕ ಕ್ರಮ ತೆಗೆದುಕೊಂಡರೆ ನಾವು ಬದಲಾವಣೆಗೆ ತಯಾರಾಗಬೇಕಿರುತ್ತೆ. ನಮ್ಮ ತಂಡದಲ್ಲಿ ಒಳ್ಳೆಯ ಅಟಗಾರರಿದ್ದಾರೆ. ಹೀಗಾಗಿ ನಾವು ತಂಡದ ನಂಬಿಕೆ ಕಡೆಗೆ ನಿಲ್ಲಬೇಕಾಗುತ್ತದೆ,' ಎಂದು ಬ್ರಾಡ್ ಹೇಳಿದ್ದಾರೆ. ಅಂದ್ಹಾಗೆ ಮೊಯೀನ್ ಅಲಿ ಈಗ ಐಪಿಎಲ್ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಪರ ಅಡುತ್ತಿದ್ದಾರೆ. ರಾಜಸ್ಥಾನ್ ತಂಡದಲ್ಲಿರುವ ಜೋಫ್ರಾ ಆರ್ಚರ್ ಗಾಯಗೊಂಡು ತಂಡದಿಂದ ಹೊರಗಿದ್ದಾರೆ.
ಫುಟ್ಬಾಲ್ನಲ್ಲೂ ಇಂಥದ್ದೇ ಪ್ರಕರಣಕ್ಕಾಗಿ ಸ್ಕಾಟಿಶ್ ಚಾಂಪಿಯನ್ಸ್ ರೇಂಜರ್ಸ್ ಮತ್ತು ಸ್ವಾನ್ಸೀ ಸಿಟಿ ಕೂಡ ಸಾಮಾಜಿಕ ಜಾಲತಾಣವನ್ನು ಬಹಿಷ್ಕರಿಸುವ ನಿರ್ಧಾರ ತಾಳಿತ್ತು. ಸಾಮಾಜಿಕ ಜಾಲತಾಣದಲ್ಲಿ ಆಟಗಾರರ ನಿಂದನೆ ನಡೆಯುತ್ತಿರುವುದು ಈ ಬೆಳವಣಿಗೆಗೆ ಕಾರಣ.