ಅಜ್ಮಲ್ ಎಸೆತಕ್ಕೆ ಎಲ್ಬಿಡಬ್ಲ್ಯೂ
ಆವತ್ತಿನ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡಿದ್ದ ಭಾರತದ ಪರ ಆರಂಭಿಕ ಬ್ಯಾಟ್ಸ್ಮನ್ ಸಚಿನ್ ತೆಂಡೂಲ್ಕರ್, 23 ರನ್ ಬಾರಿಸಿದ್ದಾಗ ಅಜ್ಮಲ್ ಎಸೆತಕ್ಕೆ ಎಲ್ಬಿಡಬ್ಲ್ಯೂ ಆಗಿದ್ದರು. ಆಗ ಅಂಪೈರ್ ಆಗಿದ್ದ ಗೌಲ್ಡ್ ಇದಕ್ಕೆ ಔಟ್ ತೀರ್ಪಿತ್ತಿದ್ದರು. ಆದರೆ ರಿವ್ಯೂ ಪರಿಶೀಲಿಸಿದ ಥರ್ಡ್ ಅಂಪೈರ್ ಬಿಲ್ಲಿ ಬೌಡೆನ್, ಚೆಂಡು ಲೈನ್ನಲ್ಲಿ ಇರಲಿಲ್ಲ ಎಂದು ಔಟ್ ತೀರ್ಪನ್ನು ಬದಲಾಯಿಸಿದ್ದರು.
ನಿರ್ಧಾರ ಸರಿ ಎಂದ ಗೌಲ್ಡ್
ಆವತ್ತಿನ ಘಟನೆಯನ್ನು ಇತ್ತೀಚೆಗೆ ನೆನಪಿಸಿಕೊಂಡಿದ್ದ ಐಸಿಸಿ ಎಲೈಟ್ ಪ್ಯಾನೆಲ್ನ ಅಂಪೈರ್ ಗೌಲ್ಡ್, ತನ್ನ ನಿರ್ಧಾರವೇ ಸರಿ. ತೆಂಡೂಲ್ಕರ್ ಆವತ್ತು ಔಟಾಗಿದ್ದರು ಎಂದಿದ್ದರು. ಅದೇ ಘಟನೆಯ ಬಗ್ಗೆ ಮಾತನಾಡಿರುವ ಅಜ್ಮಲ್ ಕೂಡ ಅಂದು ಸಚಿನ್ 100 ಶೇ. ಔಟ್ ಎಂದು ಹೇಳಿದ್ದಾರೆ.
ವಿಕೆಟ್ ಮುರಿದಿದ್ದು ಇದೇ ಅಜ್ಮಲ್
ಅಂದ್ಹಾಗೆ ಅಂದು 85 ರನ್ ಬಾರಿಸಿದ ಬಳಿಕ ಸಚಿನ್ ಔಟಾಗಿದ್ದು ಇದೇ ಸಯೀದ್ ಅಜ್ಮಲ್ ಅವರ ಎಸೆತಕ್ಕೆ ಅಂದರೆ 36.6ನೇ ಓವರ್ನಲ್ಲಿ. ಪಾಕ್ ಆಲ್ ರೌಂಡರ್ ಶಾಹಿದ್ ಅಫ್ರಿದಿ ಕ್ಯಾಚ್ ಮಾಡಿ ಸಚಿನ್ ಅವರನ್ನು ಪೆವಿಲಿಯನ್ಗೆ ಅಟ್ಟಿದ್ದರು. ಆವತ್ತು ಭಾರತ 260-9 (50) ಸ್ಕೋರ್ ಮಾಡಿದ್ದರೆ, ಪಾಕಿಸ್ತಾನ 231-10 (49.5) ಸ್ಕೋರ್ ಮಾಡಿತ್ತು.
ನಾಟೌಟ್ ತೀರ್ಪು ಶಾಕ್ ನೀಡಿತ್ತು
'ಇದು ನನ್ನ ಕಣ್ಣಮುಂದೆಯೇ ನಡೆದಿದ್ದು. ಸಚಿನ್ ಆವತ್ತು ಶೇ. 100ರಷ್ಟು ಔಟಾಗಿದ್ದರು. ಶಾಹಿದ್ ಅಫ್ರಿದಿ, ಕಮ್ರನ್ ಅಕ್ಮಲ್, ವಹಾಬ್ ಎಲ್ಲರೂ ನನ್ನಲ್ಲಿ ಸಚಿನ್ ಔಟಲ್ಲವೆ ಎಂದು ಕೇಳಿದ್ದರು, ನಾನದಕ್ಕೆ ಹೌದು ಔಟ್ ಎಂದೇ ಹೇಳಿದ್ದೆ. ಆದರೆ ಥರ್ಡ್ ಅಂಪೈರ್ ಅವರ ನಾಟೌಟ್ ತೀರ್ಪು ನನಗೆ ಶಾಕ್ ನೀಡಿತ್ತು,' ಎಂದು ಸಯೀದ್ ಅಜ್ಮಲ್ ಹೇಳಿಕೊಂಡಿದ್ದಾರೆ.