ಭಜ್ಜಿ, ಮ್ಯಾಕ್ಸ್ವೆಲ್, ಸ್ಮಿತ್ಗೆ ಭರ್ಜರಿ ಬೆಲೆ
ಹರಾಜಿಗಾಗಿ ಶಾರ್ಟ್ಲಿಸ್ಟ್ ಮಾಡಲಾಗಿರುವ ಆಟಗಾರರ ಪಟ್ಟಿಯಲ್ಲಿರುವ ಭಾರತದ ಸ್ಪಿನ್ನರ್ ಹರ್ಭಜನ್ ಸಿಂಗ್, ಕೇದಾರ್ ಜಾಧವ್, ಆಸ್ಟ್ರೇಲಿಯಾದ ಗ್ಲೆನ್ ಮ್ಯಾಕ್ಸ್ವೆಲ್, ಸ್ಟೀವ್ ಸ್ಮಿತ್, ಬಾಂಗ್ಲಾದೇಶದ ಶಕೀಬ್ ಅಲ್ ಹಸನ್, ಇಂಗ್ಲೆಂಡ್ ಮೊಯೀನ್ ಅಲಿ, ಸ್ಯಾಮ್ ಬಿಲ್ಲಿಂಗ್ಸ್, ಲಿಯಾಮ್ ಪ್ಲಂಕೆಟ್, ಜೇಸನ್ ರಾಯ್, ಮಾರ್ಕ್ವುಡ್ ಅತ್ಯಧಿಕ ಬೆಲೆಗೆ ಅಂದರೆ 2 ಕೋ.ರೂ. ಮೂಲಬೆಲೆಗೆ ಹೆಸರಿಸಲ್ಪಟ್ಟಿದ್ದಾರೆ.
ಮೂಲ ಬೆಲೆ, ಅಂಕಿ-ಅಂಶಗಳು
* ಆರಂಭದಲ್ಲಿ 14ನೇ ಐಪಿಎಲ್ ಆವೃತ್ತಿಯ ಆಟಗಾರರ ಹರಾಜಿಗಾಗಿ ಒಟ್ಟು 1114 ಮಂದಿ ನೋಂದಾಯಿಸಿಕೊಂಡಿದ್ದರು.
* ಇದರಲ್ಲಿ ಮತ್ತೆ ಚುಟುಕು ಪಟ್ಟಿ ಮಾಡಲಾಗಿದೆ. ಒಟ್ಟು 10 ಮಂದಿ ಆಟಗಾರರ ಮೂಲಬೆಲೆ 1.5 ಕೋ.ರೂ. ಆಗಿದೆ.
* ಭಾರತದ ಹನುಮ ವಿಹಾರಿ ಮತ್ತು ಉಮೇಶ್ ಯಾದವ್ ಮೂಲಬೆಲೆ 1 ಕೋ.ರೂ. ಆಗಿದೆ.
* ಶಾರ್ಟ್ ಲಿಸ್ಟ್ನಲ್ಲಿರುವ ಆಟಗಾರರಲ್ಲಿ 164 ಮಂದಿ ಭಾರತೀಯರು, 125 ಮಂದಿ ವಿದೇಶಿಯರು ಮತ್ತು 3 ಆಟಗಾರರು ಸಹ ರಾಷ್ಟ್ರಗಳ ಆಟಗಾರರು.
ನಯನ್ ದೋಶಿ ಹಿರಿಯ ಆಟಗಾರ
ಫೆಬ್ರವರಿ 18ರಂದು ಮಧ್ಯಾಹ್ನ 3 ಗಂಟೆಗೆ ಚೆನ್ನೈನ ಖಾಸಗಿ ಹೋಟೆಲ್ ನಲ್ಲಿ ನಡೆಯಲಿರುವ ಆಟಗಾರರ ಹರಾಜು ಪ್ರಕ್ರಿಯೆಯಲ್ಲಿ 8 ಫ್ರಾಂಚೈಸಿಗಳು ವಿವಿಧ ಸ್ಲಾಟ್ ಗಳಲ್ಲಿರುವ ಆಟಗಾರರನ್ನು ಆಯ್ಕೆ ಮಾಡಲಿವೆ.
ಟೀಂ ಇಂಡಿಯಾದ ಮಾಜಿ ಸ್ಪಿನ್ನರ್ ದಿಲೀಪ್ ದೋಶಿ ಅವರ ಪುತ್ರ ನಯನ್ ದೋಶಿ ಅವರು ಐಪಿಎಲ್ 2021ರ ಹರಾಜಿಗೆ ನೋಂದಣಿ ಮಾಡಿಕೊಂಡಿದ್ದು, ಪಟ್ಟಿಯಲ್ಲಿರುವ ಅತ್ಯಂತ ಹಿರಿಯ ಆಟಗಾರ ಎನಿಸಿಕೊಂಡಿದ್ದಾರೆ.