ಮುಂಬೈ: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಗೆಲುವಿನೋಟ ಮುಂದುವರೆದಿದೆ. ಗುರುವಾರ (ಏಪ್ರಿಲ್ 22) ನಡೆದ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 16ನೇ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಆರ್ಸಿಬಿ ಭರ್ಜರಿ 10 ವಿಕೆಟ್ ಜಯ ದಾಖಲಿಸಿದೆ. ಇದು ಈ ಟೂರ್ನಿಯಲ್ಲಿ ವಿರಾಟ್ ಕೊಹ್ಲಿ ಪಡೆಗೆ ಲಭಿಸಿದ ಸತತ 4ನೇ ಗೆಲುವು.
ಚೆನ್ನೈ ವಿರುದ್ಧ ಸೋಲಿನ ಜತೆ ಇಯಾನ್ ಮಾರ್ಗನ್ಗೆ 12 ಲಕ್ಷ ದಂಡದ ಬರೆ
ಆರಂಭಿಕ ಬ್ಯಾಟ್ಸ್ಮನ್ಗಳಾದ ದೇವದತ್ ಪಡಿಕ್ಕಲ್ ಶತಕ (101 ರನ್), ವಿರಾಟ್ ಕೊಹ್ಲಿ ಅರ್ಧ ಶತಕ (72)ದೊಂದಿಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಸುಲಭ ಜಯ ಕಂಡಿದೆಯಲ್ಲದೆ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ. +1.009 ನೆಟ್ ರನ್ರೇಟ್ಕೂಡ ಗಳಿಸಿದೆ.
ಗುರುವಾರದ ಪಂದ್ಯದಲ್ಲಿ ಕೊಹ್ಲಿ ಬಾರಿಸಿದ 72 ರನ್ನೊಂದಿಗೆ ಕೊಹ್ಲಿ 196 ಐಪಿಎಲ್ ಪಂದ್ಯಗಳಲ್ಲಿ 6021 ರನ್ ಗಳಿಸಿದಂತಾಗಿದೆ. ಹೀಗಾಗಿ ಐಪಿಎಲ್ ನಲ್ಲಿ 6000 ರನ್ ಬಾರಿಸಿದ ಮೊದಲ ಬ್ಯಾಟ್ಸ್ಮನ್ ಆಗಿ ಕೊಹ್ಲಿ ದಾಖಲೆಪಟ್ಟಿ ಸೇರಿದ್ದಾರೆ. ಮೊದಲ 1000 ರನ್ ದಾಖಲೆ ಆ್ಯಡಂ ಗಿಲ್ಕ್ರಿಸ್ ಹೆಸರಿನಲ್ಲಿದೆ.
ಐಪಿಎಲ್ 2021: ನಾಯಕನಾಗಿ ಕೊಹ್ಲಿಯಲ್ಲಿನ ವಿಶೇಷ ಸಾಮರ್ಥ್ಯದ ಬಗ್ಗೆ ಸುಂದರ್ ಮಾತು
ಐಪಿಎಲ್ನಲ್ಲಿ ಮೊದಲ 1000 ರನ್ ಬಾರಿಸಿದ ದಾಖಲೆಗಳು
* 1000 ರನ್, ಆ್ಯಡಂ ಗಿಲ್ಕ್ರಿಸ್ಟ್
* 2000 ರನ್, ಸುರೇಶ್ ರೈನಾ
* 3000 ರನ್, ಸುರೇಶ್ ರೈನಾ
* 4000 ರನ್, ವಿರಾಟ್ ಕೊಹ್ಲಿ
* 5000 ರನ್, ಸುರೇಶ್ ರೈನಾ
* 6000 ರನ್, ವಿರಾಟ್ ಕೊಹ್ಲಿ