ದಿನಕ್ಕೆರಡು ಪಂದ್ಯಗಳಾ?
ಏಪ್ರಿಲ್ 15ರ ಬಳಿಕ ಐಪಿಎಲ್ ಪಂದ್ಯಗಳನ್ನು ದಿನಕ್ಕೆರಡರಂತೆ ಮಾಡುವ ಆಲೋಚನೆ ಇದೆಯೇ ಎಂಬ ಪ್ರಶ್ನೆಗೆ ಉತ್ತರಿಸಿದ 'ಬಂಗಾಳ ಹುಲಿ' ಗಂಗೂಲಿ, 'ಏನಾಗಲಿದೆ ಎಂದು ಕೊಂಚ ಕಾದು ನೋಡೋಣ. ಈಗಲೇ ಉತ್ತರಿಸುವುದು ಸರಿಯಾಗಲ್ಲ,' ಎಂದರು.
ದ.ಆಫ್ರಿಕಾ ವಿರುದ್ಧದ ಸರಣಿ ರದ್ದು
ವಿಶ್ವದಾದ್ಯಂತ ಆತಂಕಕಾರಿಯಾಗಿ ಕಂಡು ಬರುತ್ತಿರುವ ಕೊರೊನಾ ವೈರಸ್ನಿಂದಾಗಿ ವಿಶ್ವದ ಪ್ರಮುಖ ಕ್ರೀಡಾಕೂಟಗಳೆಲ್ಲ ರದ್ದಾಗುತ್ತಿವೆ ಇಲ್ಲವೆ ಮುಂದೂಡಲ್ಪಡುತ್ತಿವೆ. ಭಾರತಕ್ಕೆ ದಕ್ಷಿಣ ಆಫ್ರಿಕಾದ ಪ್ರವಾಸ ಸರಣಿಯೂ ರದ್ದಾಗಿದೆ. ಆರಂಭಿಕ ಪಂದ್ಯ ಮಳೆಯಿಂದ ರದ್ದಾಗಿತ್ತು. ಇನ್ನೆರಡು ಪಂದ್ಯಗಳು ವೈರಸ್ ಸೋಂಕಿನ ಭೀತಿಯ ತೀವ್ರತೆಗೆ ರದ್ದಾದವು.
ಫ್ರಾಂಚೈಸಿಗಳು ಏನನ್ನುತ್ತವೆ?
ಐಪಿಎಲ್ ಟೂರ್ನಿ ಈ ಮೊದಲು ನಿಗದಿಯಾಗಿದ್ದ ದಿನಾಂಕಕ್ಕೆ ಆರಂಭವಾಗುತ್ತಿಲ್ಲ, ಬೇರೆ ದಿನಾಂಕಕ್ಕೆ ಮುಂದೂಡಿರುವ ಬಗ್ಗೆ ಫ್ರಾಂಚೈಸಿಗಳಿಗೆ ಖುಷಿಯಿದೆಯೆ ಎಂಬ ಪ್ರಶ್ನೆಗೆ, 'ಇದನ್ನು ಒಪ್ಪಿಕೊಳ್ಳದ ಹೊರತಾಗಿ ಯಾರಿಗೂ ಬೇರೆ ಆಯ್ಕೆಗಳೇ ಇಲ್ಲ,' ಎಂದು ಗಂಗೂಲಿ ಉತ್ತರಿಸಿದರು.
ಮುಂದೂಡಿಕೆಗೆ ಅಸಲಿ ಕಾರಣ
ಕೊರೊನಾ ವೈರಸ್ ಬಗ್ಗೆ ನಿಗಾವಹಿಸುತ್ತೇವೆ ಆದರೆ ಐಪಿಎಲ್ ಬದಲಾವಣೆಯಿಲ್ಲದೆ ನಡೆಯಲಿದೆ ಎಂದು ಗಂಗೂಲಿ ಈ ಮೊದಲು ಹೇಳಿದ್ದರು. ಆದರೆ ಭಾರತದ ಕೇಂದ್ರ, ದೆಹಲಿ ಸರ್ಕಾರ ತನ್ನ ರಾಜ್ಯದಲ್ಲಿ ನಡೆಯಲಿದ್ದ ಎಲ್ಲಾ ಕ್ರೀಡಾಕೂಟಗಳನ್ನು ರದ್ದುಗೊಳಿಸಿತ್ತು. ಆ ಬಳಿಕ ಐಪಿಎಲ್ ಅನ್ನು ಕೂಡ ಬಿಸಿಸಿಐ ಮುಂದೂಡಿತ್ತು. ಅಂದ್ಹಾಗೆ, ಬಿಸಿಸಿಐ ಹಿರಿಯ ಅಧಿಕಾರಿಯೊಬ್ಬರು ಹೇಳಿರುವ ಪ್ರಕಾರ; ಐಪಿಎಲ್ ಆರಂಭದ ದಿನಾಂಕ ಸದ್ಯ ಬದಲಾಗಿದೆಯಷ್ಟೇ. ಇನ್ನೆಲ್ಲಾ ಸಂಗತಿಗಳು ಹಿಂದಿನ ಯೋಜನೆಯಂತೆಯೇ ನಡೆಯಲಿವೆಯಂತೆ.