ಲಂಡನ್, ಜುಲೈ 8: ಪ್ರೇಕ್ಷಕರಿಲ್ಲದೆ, ಪ್ರೇಕ್ಷಕರ ಸದ್ದುಗದ್ದಲವಿಲ್ಲದೆ ಕ್ರಿಕೆಟ್ ನಡೆಯುವುದನ್ನು ಊಹಿಸಲೂ ಸಾಧ್ಯವಿಲ್ಲ. ಕ್ರಿಕೆಟ್ ಮಾತ್ರವಲ್ಲ, ವೀಕ್ಷಕರಿಲ್ಲದ ಕ್ರೀಡಾಕೂಟಗಳೇ ಅರ್ಥಹೀನ ಅನ್ನಿಸುತ್ತವೆ. ಕ್ರೀಡಾಪಟುಗಳಿಗೆ ಉತ್ಸಾಹ ಬರುವುದೇ ವೀಕ್ಷಕರ ಉಪಸ್ಥಿತಿಯಿಂದ, ಅವರ ಚೀರಾಟ, ಕೇಕೆಯಿಂದ. ಆದರೆ ವೀಕ್ಷಕರಿಲ್ಲದೆ ಕ್ರೀಡಾಕೂಟಗಳನ್ನು ನಡೆಸಬೇಕಾದ ಅನಿವಾರ್ಯತೆಯನ್ನು ಕೊರೊನಾವೈರಸ್ ತಂದೊಡ್ಡಿದೆ (ಚಿತ್ರಕೃಪೆ: ಇಂಗ್ಲೆಂಡ್ ಕ್ರಿಕೆಟ್).
ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಹಿಂದಿಕ್ಕಿದ ಕನ್ನಡಿಗ ರಾಹುಲ್ ದ್ರಾವಿಡ್!
ಕೊರೊನಾ ವೈರಸ್ ಭೀತಿ ಶುರುವಾದ ಬಳಿಕ ನಡೆಯುತ್ತಿರುವ ಮೊದಲ ಅಂತಾರಾಷ್ಟ್ರೀಯ ಕ್ರಿಕೆಟ್ ಪಂದ್ಯವಾಗಿ ಜುಲೈ 8ರ ಬುಧವಾರ ನಡೆಯುತ್ತಿರುವ ಇಂಗ್ಲೆಂಡ್-ವೆಸ್ಟ್ ಇಂಡೀಸ್ ನಡುವಿನ ಮೊದಲ ಟೆಸ್ಟ್ ಪಂದ್ಯ ಗುರುತಿಸಿಕೊಳ್ಳುತ್ತಿದೆ. ಆದರೆ ಈ ಪಂದ್ಯ ಪ್ರೇಕ್ಷಕರಿಲ್ಲದೆ ನಡೆಯಲಿದೆ.
ಇಂಗ್ಲೆಂಡ್ vs ವೆಸ್ಟ್ ಇಂಡೀಸ್, 1ನೇ ಟೆಸ್ಟ್ ಪಂದ್ಯ, Live ಸ್ಕೋರ್ಕಾರ್ಡ್
ಟೆಸ್ಟ್ ಕ್ರಿಕೆಟ್ ಶುರುವಾಗಿ ಸುಮಾರು 143 ವರ್ಷಗಳು ಕಳೆದಿವೆ. ಆದರೆ ಇಡೀ ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲೇ ವೀಕ್ಷಕರಿಲ್ಲದೆ ಪಂದ್ಯ ನಡೆಯುತ್ತಿರುವುದು ಇದೇ ಮೊದಲ ಸಾರಿ. ಮೈದಾನ ಪ್ರವೇಶಿಸುವಾಗ ಈ ಬಾರಿ ಇಂಗ್ಲೆಂಡ್-ವೆಸ್ಟ್ ಇಂಡೀಸ್ ಆಟಗಾರರನ್ನು ಸ್ವಾಗತಿಸಲು ಅಭಿಮಾನಿಗಳೇ ಇಲ್ಲದ ವಿಚಿತ್ರ ಪರಿಸ್ಥಿತಿ ಕಾಣಸಿಗುತ್ತಿದೆ.
ಕಾಲು ಕೆರೆಯೋದು ನಿಲ್ಲಿಸದ ಅಫ್ರಿದಿ: ಸಚಿನ್-ಅಖ್ತರ್ ಉಲ್ಲೇಶಿಸಿ ಮತ್ತೆ ವಿವಾದ
ಕೊರೊನಾವೈರಸ್ ಕಾರಣ ಈ ಪಂದ್ಯದಲ್ಲಿ ಅಥವಾ ಈ ಸರಣಿಯಲ್ಲಿ ಒಂದಿಷ್ಟು ಬದಲಾವಣೆಗಳು ಕಾಣಸಿಗಲಿವೆ. ಮುಖ್ಯವಾಗಿ ಆಟಗಾರರು ಚೆಂಡಿಗೆ ಎಂಜಲು ಸವರುವಂತಿಲ್ಲ. ಆಟಗಾರರು ಚೆಂಡಿಗೆ ಎಂಜಲು ಸವರಿದ್ದು ಕಂಡುಬಂದರೆ ಇನ್ನಿಂಗ್ಸ್ನಲ್ಲಿ 2 ಬಾರಿ ಅಂಪೈರ್ ಎಚ್ಚರಿಸುತ್ತಾರೆ. ಮತ್ತೂ ಆಟಗಾರರು ಎಂಜಲು ಮೆತ್ತಿದರೆ ಪೆನಾಲ್ಟಿಯಾಗಿ ಬ್ಯಾಟಿಂಗ್ ಮಾಡುವ ತಂಡಕ್ಕೆ 5 ರನ್ ನೀಡಲಾಗುತ್ತದೆ.