ವಿಡಿಯೋದಲ್ಲಿ ಹಾಗ್ ಮಾತು
ವೀಡಿಯೋವೊಂದರಲ್ಲಿ ಬ್ರಾಡ್ ಹಾಗ್, ಐಪಿಎಲ್ ಟಿ20 ಟೂರ್ನಿ ಬಗ್ಗೆ ಮಾತನಾಡಿದ್ದಾರೆ. ಐಪಿಎಲ್ನಲ್ಲಿ ತನ್ನ ನೆಚ್ಚಿನ ಮೂವರು ಪವರ್ಪ್ಲೇ ಬ್ಯಾಟ್ಸ್ಮನ್ ಇವರೆಂದು ಹಾಗ್ ಹೇಳಿಕೊಂಡಿದ್ದಾರೆ. ಅಚ್ಚರಿಯೆಂದರೆ ಹಾಗ್ ಹೆಸರಿಸಿರುವ ಮೂವರು ಬ್ಯಾಟ್ಸ್ಮನ್ಗಳಲ್ಲಿ ಒಬ್ಬನೇ ಭಾರತೀಯನಿರುವುದು, ಅದು ಕೊಹ್ಲಿಯಲ್ಲ, ರೋಹಿತ್ ಅಲ್ಲ.
ಆಸೀಸ್, ಭಾರತ, ಇಂಗ್ಲೆಂಡ್ಗೆ ಸ್ಥಾನ
ಐಪಿಎಲ್ನಲ್ಲಿ ಹಾಗ್ ನೆಚ್ಚಿನ ಮೂವರು ಪವರ್ಪ್ಲೇ ಬ್ಯಾಟ್ಸ್ಮನ್ಗಳಲ್ಲಿ ಆಸ್ಟ್ರೇಲಿಯಾ, ಭಾರತ ಮತ್ತು ಇಂಗ್ಲೆಂಡ್ ಆಟಗಾರರು ಸ್ಥಾನ ಪಡೆದುಕೊಂಡಿದ್ದಾರೆ. ಭಾರತದ ಆಟಗಾರರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ನ ಸುರೇಶ್ ರೈನಾ ಕಾಣಿಸಿಕೊಂಡಿದ್ದಾರೆ.
3 ಪವರ್ಪ್ಲೇ ಬ್ಯಾಟ್ಸ್ಮನ್ಗಳು
ಹಾಗ್ ಮೆಚ್ಚಿನ ಮೂವರು ಪವರ್ಪ್ಲೇ ಬ್ಯಾಟ್ಸ್ಮನ್ಗಳೆಂದರೆ 1. ಆಸ್ಟ್ರೇಲಿಯಾದ ಡೇವಿಡ್ ವಾರ್ನರ್ (ಸನ್ ರೈಸರ್ಸ್ ಹೈದರಾಬಾದ್), 2. ಸುರೇಶ್ ರೈನಾ (ಚೆನ್ನೈ ಸೂಪರ್ ಕಿಂಗ್ಸ್), 3. ಇಂಗ್ಲೆಂಡ್ನ ಜೋಸ್ ಬಟ್ಲರ್ (ರಾಜಸ್ಥಾನ್ ರಾಯಲ್ಸ್). ಇದರಲ್ಲಿ ಡೇವಿಡ್ ವಾರ್ನರ್ ಬ್ಯಾಟಿಂಗ್ ಮತ್ತು ಫೀಲ್ಡಿಂಗ್ ಎರಡರಲ್ಲೂ ಚುರುಕಿದ್ದಾರೆ ಎಂದು ಹಾಗ್ ಹೇಳಿಕೊಂಡಿದ್ದಾರೆ.
ಐಪಿಎಲ್ ನಿಜಕ್ಕೂ ನಡೆಯುತ್ತಾ?
ಸದ್ಯಕ್ಕೆ ಏಪ್ರಿಲ್ 15ರ ಬಳಿಕ ಮುಂದೂಡಲ್ಪಟ್ಟಿರುವ ಐಪಿಎಲ್, ಏಪ್ರಿಲ್ನಲ್ಲಿ ಆರಂಭವಾಗೋದು ಅನುಮಾನ. ಜುಲೈಯಿಂದ ಸೆಪ್ಟೆಂಬರ್ ಮಧ್ಯೆ ನಡೆಯುವ ಸಾಧ್ಯತೆಯಿದೆ ಎಂದು ಹೇಳಲಾಗುತ್ತಿದೆ. ಐಪಿಎಲ್ ರದ್ದಾಗುವ ಭೀತಿಯಿದೆಯಾದರೂ ಬಿಸಿಸಿಐಯೇ ಹೇಳಿರುವಂತೆ ಐಪಿಎಲ್ ರದ್ದಿನ ಬದಲು ತಡವಾಗಿಯಾದರೂ ನಡೆಯಲಿದೆ.