ಗೌತಮ್ ಗಂಭೀರ್ ಅವರನ್ನು ಡೆಲ್ಲಿ ತಂಡ 2008ರಲ್ಲಿ ತನ್ನದಾಗಿಸಿಕೊಂಡಿತ್ತು
154 ಪಂದ್ಯ, 152 ಇನ್ನಿಂಗ್ಸ್ ಮೂಲಕ, 17 ಬಾರಿ ನಾಟೌಟ್ ಆಗಿ, 4217 ರನ್ ಹೊಡೆದಿರುವ ಗೌತಮ್ ಗಂಭೀರ್ ಅವರ, ಅತಿಹೆಚ್ಚು ವೈಯಕ್ತಿಕ ಸ್ಕೋರ್ 93. 36 ಅರ್ಧಶತಕ ಸಿಡಿಸಿರುವ ಗೌತಮ್ ಗಂಭೀರ್ ಅವರನ್ನು, 725,000 ಸಾವಿರ ಅಮೆರಿಕನ್ ಡಾಲರ್ ಗೆ ಬಿಡ್ ನಲ್ಲಿ ಡೆಲ್ಲಿ ತಂಡ 2008ರಲ್ಲಿ ತನ್ನದಾಗಿಸಿಕೊಂಡಿತ್ತು. (ಚಿತ್ರ:ಪಿಟಿಐ)
|
ಗಂಭೀರ್ ಟ್ವೀಟ್
ರಾಜಸ್ಥಾನ ರಾಯಲ್ಸ್ ತಂಡದ ವಿಕೆಟ್ ಕೀಪರ್ ಕಮ್ ಬ್ಯಾಟ್ಸ್ ಮ್ಯಾನ್ ಸಂಜು ಸ್ಯಾಮ್ಸನ್ ಈಗಾಗಲೇ ತಮ್ಮ ಬಿರುಗಾಳಿ ಬ್ಯಾಟಿಂಗ್ ನಿಂದ ಹೆಸರುವಾಸಿಯಾಗಿದ್ದಾರೆ. "ಈತ ಬರೀ ಅತ್ಯುತ್ತಮ ವಿಕೆಟ್ ಕೀಪರ್ ಮಾತ್ರ ಅಲ್ಲ, ಈತ ಭಾರತದ ಬೆಸ್ಟ್ ಯುವ ಬ್ಯಾಟ್ಸ್ ಮ್ಯಾನ್ ಕೂಡಾ. ಯಾರಾದಾರೂ ಈ ವಿಚಾರದಲ್ಲಿ ಡಿಬೇಟ್ ಗೆ ಬರುತ್ತೀರಾ" ಎಂದು ಗಂಭೀರ್ ಟ್ವೀಟ್ ಮಾಡಿದ್ದಾರೆ.
ಈ ಸಲ ಕಪ್ ಗೆಲ್ಲಲು ಆರ್ಸಿಬಿಗೆ ಪ್ರಮುಖ ಸಲಹೆ ಕೊಟ್ಟ ಗೌತಮ್ ಗಂಭೀರ್
ಸ್ಯಾಮ್ಸನ್ ಎದುರಾಳಿ ಬೌಲರ್ ಗಳನ್ನು ಹಣ್ಣುಗಾಯಿ ನೀರುಗಾಯಿ ಮಾಡಿದ್ದರು
ಚೆನ್ನೈ ಸೂಪರ್ ಕಿಂಗ್ಸ್ ಜೊತೆಗಿನ ಪಂದ್ಯದಲ್ಲಿ ಸ್ಯಾಮ್ಸನ್ ಎದುರಾಳಿ ಬೌಲರ್ ಗಳನ್ನು ಹಣ್ಣುಗಾಯಿ ನೀರುಗಾಯಿ ಮಾಡಿದ್ದರು. ಕೇವಲ ಹತ್ತೊಂಬತ್ತು ಬಾಲ್ ಗಳಲ್ಲಿ ಅರ್ಧ ಶತಕ ಸಿಡಿಸಿದ್ದ ಸ್ಯಾಮ್ಸನ್, ಒಂಬತ್ತು ಸಿಕ್ಸರ್ ಗಳನ್ನು ಎತ್ತಿದ್ದರು. ಆ ಪಂದ್ಯದಲ್ಲಿ ರಾಜಸ್ಥಾನ ತಂಡ ಹತ್ತೊಂಬತ್ತು ರನ್ ಗಳಿಂದ ಜಯ ಸಾಧಿಸಿತ್ತು. (ಚಿತ್ರ:ಪಿಟಿಐ)
ಕೇರಳ ಮೂಲದ ಸಂಜು ಸ್ಯಾಮ್ಸನ್
ಕೇರಳ ಮೂಲದ ಸಂಜು ಸ್ಯಾಮ್ಸನ್ ಇದುವರೆಗೆ 94 ಪಂದ್ಯಗಳನ್ನು ಆಡಿ, 2283 ರನ್ ಗಳನ್ನು ಹೊಡೆದಿದ್ದಾರೆ. ಚೆನ್ನೈ ಜೊತೆಗಿನ ಪಂದ್ಯದಲ್ಲಿ ವಿಕೆಟ್ ಹಿಂದೆಯೂ ಉತ್ತಮ ಕೆಲಸ ಮಾಡಿದ್ದ ಸ್ಯಾಮ್ಸನ್ ಎರಡು ಕ್ಯಾಚ್ ಹಿಡಿದು, ಇಬ್ಬರನ್ನು ಸ್ಟಂಪ್ ಔಟ್ ಮಾಡಿದ್ದರು. ಆ ಪಂದ್ಯದಲ್ಲಿ ಸಂಜು ಸ್ಯಾಮ್ಸನ್ ಮ್ಯಾನ್ ಆಫ್ ದಿ ಮ್ಯಾಚ್ ಕೂಡಾ ಆಗಿದ್ದರು. (ಚಿತ್ರ:ಪಿಟಿಐ)