ಮುಂಬೈ ತಂಡ ಗೆಲ್ಲುವ ಕನಸು ಕಾಣುತ್ತಿದ್ದೀರಾ? ಸಚಿನ್ ತೆಂಡೂಲ್ಕರ್ ಗೆ ಲೇವಡಿ

ಮುಂಬೈ ಇಂಡಿಯನ್ಸ್ ತಂಡವನ್ನು ಮುನ್ನಡೆಸಿದ್ದ ತೆಂಡೂಲ್ಕರ್

ಐಪಿಎಲ್ ಆರಂಭ ಆದಾಗಿನಿಂದ ಸತತ ಆರು ಸೀಸನ್ ಗೆ ಮುಂಬೈ ಇಂಡಿಯನ್ಸ್ ತಂಡವನ್ನು ಮುನ್ನಡೆಸಿದ್ದ ಸಚಿನ್ ತೆಂಡೂಲ್ಕರ್, ಅದಾದ ನಂತರ ತಂಡದ ಕೋಚ್ ಆಗಿದ್ದವರು. ತೆಂಡೂಲ್ಕರ್ ಅವರನ್ನು ಟೆಸ್ಟ್ ಕ್ರಿಕೆಟ್ ನಲ್ಲಿ ಔಟ್ ಮಾಡಿದ್ದ ನನ್ನ ವೃತ್ತಿ ಜೀವನದ ಹೈಲೆಟ್ಸ್ ಎಂದು ಮಾಂಟೆ ಪಾನೆಸರ್ ಹೇಳಿದ್ದರು. (ಚಿತ್ರ:ಪಿಟಿಐ)

ಐಪಿಎಲ್ 2020 ಗೆಲ್ಲುವ ಕನಸು ಕಾಣುತ್ತಿದ್ದೀರಾ

ಸಚಿನ್ ತಂಡೂಲ್ಕರ್ ಟ್ವೀಟ್ ಮಾಡಿ, "ಮೇಕಿಂಗ್ ಎ ಟ್ರಿಪ್ ಟು ಡ್ರೀಮ್ ಲ್ಯಾಂಡ್" ಎಂದು ಟ್ವೀಟ್ ಮಾಡಿ ಅದಕ್ಕೆ ವಿಶ್ವ ಪ್ರವಾಸೋದ್ಯಮ ದಿನದ ಹ್ಯಾಷ್ ಟ್ಯಾಗ್ ಹಾಕಿದ್ದರು. ಈ ಟ್ವೀಟಿಗೆ ಲೇವಡಿ ಮಾಡಿರುವ ಪಾನೆಸರ್, "ಮುಂಬೈ ಇಂಡಿಯನ್ಸ್ ತಂಡ ಈ ಬಾರಿಯ ಐಪಿಎಲ್ 2020 ಗೆಲ್ಲುವ ಕನಸು ಕಾಣುತ್ತಿದ್ದೀರಾ"ಎಂದು ಪ್ರಶ್ನಿಸಿದ್ದಾರೆ.

ಈ ಬಗ್ಗೆ ಹೇಳಲು ನನಗೆ ಯಾವುದೇ ಮುಜುಗರವಿಲ್ಲ

ಈ ಬಾರಿಯ ಐಪಿಎಲ್ ಪಂದ್ಯಾವಳಿಯಲ್ಲಿ ಯಾರು ಜಯ ಸಾಧಿಸಲಿದ್ದಾರೆ ಎನ್ನುವ ಪ್ರಶ್ನೆಯನ್ನು ಮಾಧ್ಯಮದವರು ತೆಂಡೂಲ್ಕರ್ ಬಳಿ ಕೇಳಿದ್ದರು. ಅದಕ್ಕೆ, "ಈ ಬಗ್ಗೆ ಹೇಳಲು ನನಗೆ ಯಾವುದೇ ಮುಜುಗರವಿಲ್ಲ. ಮುಂಬೈ ತಂಡವೇ ಈ ಬಾರಿಯೂ ಟ್ರೋಫಿಯನ್ನು ಗೆಲ್ಲಲಿದೆ" ಎಂದು ತೆಂಡೂಲ್ಕರ್ ಹೇಳಿದ್ದರು. (ಚಿತ್ರ:ಟ್ವಿಟ್ಟರ್)

ರೋಹಿತ್ ಶರ್ಮಾ ಹುಡುಗರೇ ಚಾಂಪಿಯನ್

"ಸ್ವಾಭಾವಿಕವಾಗಿ ನೀಲಿ ಕಲರ್ ಡ್ರೆಸ್ ಹಾಕುವ ಹುಡುಗರೇ ಈ ಬಾರಿಯ ಚಾಂಪಿಯನ್. ಈ ಬಗ್ಗೆ ಏನಾದರೂ ಸಂಶಯವಿದೆಯೇ? ಭಾರತ ಮತ್ತು ಮುಂಬೈ ಸೇರಿದರೆ ಮುಂಬೈ ಇಂಡಿಯನ್ಸ್ ಆಗುತ್ತದೆ"ಎಂದು ತನ್ನ ತಂಡದ ಬಗ್ಗೆ ಸಚಿನ್ ತಂಡೂಲ್ಕರ್ ಭರವಸೆಯ ಮಾತನ್ನಾಡಿದ್ದರು. (ಚಿತ್ರ:ಪಿಟಿಐ)