ಟೀಮ್ ಇಂಡಿಯಾದ ಮಾಜಿ ವೇಗಿ ಆಶಿಶ್ ನೆಹ್ರಾ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಅವರ ಅದೃಷ್ಠದ ಇನ್ನಿಂಗ್ಸ್ವೊಂದನ್ನು ನೆನಪಿಸಿಕೊಂಡಿದ್ದಾರೆ. ಆ ಪಂದ್ಯದಲ್ಲಿ ಸ್ವತಃ ಸಚಿನ್ ತೆಂಡೂಲ್ಕರ್ ಕೂಡ ತಮ್ಮನ್ನು ಅದೃಷ್ಠಶಾಲಿ ಎಂದುಕೊಂಡಿದ್ದರು ಎಂಬುದನ್ನೂ ಆಶಿಶ್ ನೆಹ್ರಾ ಹೇಳಿಕೊಂಡಿದ್ದಾರೆ.
ಆಶಿಶ್ ನೆಹ್ರಾ ಹೇಳಿದ ಆ ಪಂದ್ಯ 2011ರ ವಿಶ್ವಕಪ್ನ ಭಾರತ ಜಾಗೂ ಪಾಕಿಸ್ತಾನ ಮುಖಾಮುಖಿಯಾದ ಸೆಮಿ ಫೈನಲ್ ಪಂದ್ಯವಾಗಿತ್ತು. ಈ ಪಂದ್ಯದಲ್ಲಿ ಸಚಿನ್ ತೆಂಡೂಲ್ಕರ್ 85 ರನ್ಗಳ ಮಹತ್ವದ ಕಾಣಿಕೆಯನ್ನು ನೀಡಿ ವಿಕೆಟ್ ಒಪ್ಪಿಸಿದ್ದರು. ಸಚಿನ್ ತೆಂಡೂಲ್ಕರ್ ಆಟದ ನೆರವಿನಿಂದ ಟೀಮ್ ಇಂಡಿಯಾ 260/9 ರನ್ಗಳ ಸವಾಲಿನ ಮೊತ್ತವನ್ನು ಗಳಿಸಿತ್ತು.
ಲಂಕಾ ಕ್ರಿಕೆಟ್ನ ಬ್ಯಾಟಿಂಗ್ ದಿಗ್ಗಜನ್ನು ಕಂಗೆಡಿಸಿದ್ದರು ಇಬ್ಬರು ವೇಗಿಗಳು: ಓರ್ವ ಭಾರತೀಯ
ಈ ಪಂದ್ಯದಲ್ಲಿ ಸಚಿನ್ ತೆಂಡೂಲ್ಕರ್ ಔಟಾಗುವ ಮುನ್ನ ನಾಲ್ಕು ಬಾರಿ ಜೀವದಾನವನ್ನು ಪಡೆದುಕೊಂಡಿದ್ದರು. ಇದರಲ್ಲಿ ಮೂರು ಬಾರಿ ಶಾಹಿದ್ ಅಫ್ರಿದಿಗೆ ವಿಕೆಟ್ ಒಪ್ಪಿಸುವ ಸಾಧ್ಯತೆಯಿದ್ದರೆ ಒಂದು ಬಾರಿ ಮೊಹಮ್ಮದ್ ಹಫೀಜ್ ಬೌಲಿಂಗ್ನಲ್ಲಿ ಜೀವದಾನವನ್ನು ಪಡೆದುಕೊಂಡಿದ್ದರು.
'ಸಚಿನ್ ತೆಂಡೂಲ್ಕರ್ ಕೂಡ ತಾನು ಆ ಪಂದ್ಯದಲ್ಲಿ ಅದೆಷ್ಟು ಅದೃಷ್ಠಶಾಲಿ ಎಂದು ಭಾವಿಸಿದ್ದರು. ಅದು ಸಚಿನ್ ತೆಂಡೂಲ್ಕರ್ ಅವರ ಅತ್ಯಂತ ಸ್ಕ್ರ್ಯಾಚಿಯೆಸ್ಟ್ ಇನ್ನಿಂಗ್ಸ್ ಎಂದು ಆಶಿಶ್ ನೆಹ್ರಾ ಹೇಳಿಕೊಂಡಿದ್ದಾರೆ. ಈ ಮೂಲಕ ಸಚಿನ್ ತೆಂಡೂಲ್ಕರ್ ಅವರ ಅದೃಷ್ಠದ ಇನ್ನಿಂಗ್ಸ್ ಬಗ್ಗೆ ಆಶಿಶ್ ನೆಹ್ರಾ ಹೇಳಿಕೆಯನ್ನು ನೀಡಿದ್ದಾರೆ.
4 ತಿಂಗಳ ಐಪಿಎಲ್ ಪ್ರಾಯೋಜಕತ್ವಕ್ಕೆ ಬಿಡ್ ಆಹ್ವಾನಿಸಿದ ಬಿಸಿಸಿಐ
ಸಚಿನ್ ತೆಂಡೂಲ್ಕರ್ ಪಾಕಿಸ್ತಾನದ ವಿರುದ್ಧದ ಆ ಇನ್ನಿಂಗ್ಸ್ನಲ್ಲಿ 27 ರನ್ಗೆ ಮೊದಲ ಬಾರಿಗೆ 45, 70 ಹಾಗೂ 81 ರನ್ಗಳಿಗೆ ಕ್ಯಾಚ್ ಕೈ ಚೆಲ್ಲುವ ಮೈಲಕ ಜೀವದಾನವನ್ನು ಪಡೆದುಕೊಂಡರು. ಈ ಕ್ಯಾಚ್ಗಳನ್ನು ಕ್ರಮವಾಗಿ ಮಿಸ್ಬಾ ಉಲ್ ಹಕ್, ಯೂನಿಸ್ ಖಾನ್, ಕಮ್ರಾನ್ ಅಕ್ಮಲ್ ಹಾಗೂ ಉಮರ್ ಅಕ್ಮಲ್ ಕೈಚೆಲ್ಲಿದ್ದರು.