ಎಲ್ಲಾ ಮಾದರಿಯಲ್ಲೂ ಶ್ರೇಷ್ಠ
ಪ್ರಸಕ್ತ ಸಂದರ್ಭದಲ್ಲಿ ಕ್ರಿಕೆಟ್ನಲ್ಲಿ ಹಲವಾರು ಉತ್ಕೃಷ್ಟ ಮಟ್ಟದ ಆಟಗಾರರಿದ್ದಾರೆ. ರೋಹಿತ್ ಶರ್ಮಾ, ಜೋ ರೂಟ್, ಸ್ಟೀವ್ ಸ್ಮಿತ್, ಕೇನ್ ವಿಲಿಯಮ್ಸನ್ ರಂತಾ ಆಟಗಾರರಿದ್ದಾರೆ. ಆದರೆ ವಿರಾಟ್ ಕೊಹ್ಲಿ ಎಲ್ಲಾ ಮಾದರಿಯ ಕ್ರಿಕೆಟ್ನಲ್ಲೂ ಅತ್ಯಂತ ಉನ್ನತ ಮಟ್ಟದ ಕ್ರಿಕೆಟಿಗ ಎಂದು ಮೊಹಮದ್ ಯೂಸುಪ್ ಹೇಳಿದ್ದಾರೆ.
ಒತ್ತಡ ನಿಭಾಯಿಸುವ ರೀತಿ
ಆತ ಬ್ಯಾಟಿಂಗ್ ಮಾಡುವ ಶೈಲಿ, ಪ್ರತಿ ಇನ್ನಿಂಗ್ಸ್ನಲ್ಲೂ ಒತ್ತಡವನ್ನು ನಿಭಾಯಿಸುವ ರೀತಿ ಶತಕಗಳನ್ನು ಭಾರಿಸುವ ರೀತಿ ಅಥವಾ ಆಡುವ ಬಗೆ ನಿಜಕ್ಕೂ ನಂಬುವುದು ಕಷ್ಟ ಎಂದು ಮೊಹಮದ್ ಯೂಸುಫ್ ಹೇಳಿದ್ದಾರೆ. ಹೀಗೆ ವಿರಾಟ್ ಕೊಹ್ಲಿ ಆಟವನ್ನು ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ವಿರಾಟ್ ಕೊಹ್ಲಿಯ ಬ್ಯಾಟಿಂಗ್ ಬಗ್ಗೆ ಮನಸಾರೆ ಮಾತನಾಡಿದ್ದಾರೆ.
ಬಾಬರ್ ಜೊತೆ ಹೋಲಿಕೆ ಬೇಡ
ಇನ್ನು ಇದೇ ಸಂದರ್ಭದಲ್ಲಿ ಯೂಸುಫ್ ಕೊಹ್ಲಿ ಮತ್ತು ಬಾಬರ್ ಅಜಂ ಹೋಲಿಕೆಯ ಬಗ್ಗೆಯೂ ಮಾತನಾಡಿದ್ದಾರೆ. ಈ ಹೋಲಿಕೆ ನಿಜಕ್ಕೂ ನ್ಯಾಯಯುತ ಅಲ್ಲ. ವಿರಾಟ್ ಕೊಹ್ಲಿ ಸಾಕಷ್ಟು ಅನುಭವ ಇರುವ ಆಟಗಾರ, ಆತ 2008-09 ರಿಂದಗಲೂ ಕ್ರಿಕೆಟ್ ಆಡುತ್ತಿದ್ದಾರೆ. ಆಡಿದ ಪಂದ್ಯಗಳ ಸಂಖ್ಯೆಯಲ್ಲೂ ವಿರಾಟ್ ಸಾಕಷ್ಟು ಅನುಭವಿಯಾಗಿದ್ದಾರೆ. ಆದರೆ ಬಾಬರ್ ಕೂಡ ಸಾಕಷ್ಟು ಪ್ರತಿಭೆಯನ್ನು ಹೊಂದಿರುವ ಆಟಗಾರ ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ ಎಂದು ಮೊಹಮದ್ ಯೂಸುಫ್ ಹೇಳಿದ್ದಾರೆ.