ಸನ್ರೈಸರ್ಸ್ ಹೈದ್ರಾಬಾದ್ ತಂಡದ ನಾಯಕ, ಆಸ್ಟ್ರೇಲಿಯಾ ಕ್ರಿಕೆಟಿಗ ಡೇವಿಡ್ ವಾರ್ನರ್ಗೆ ಇಂದು ಬರ್ತ್ಡೇ ಸಂಭ್ರಮ. 34ನೇ ವಸಂತಕ್ಕೆ ಕಾಲಿಟ್ಟ ಡೇವಿಡ್ ವಾರ್ನರ್ ಇಂದು ತಮ್ಮ ತಂಡದ ಸಹ ಆಟಗಾರರೊಂದಿಗೆ ದುಬೈನಲ್ಲಿ ಬರ್ತ್ಡೇ ಆಚರಿಸಿಕೊಂಡಿದ್ದಾರೆ.
ದುಬೈ ಅಂತಾರಾಷ್ಟ್ರೀಯ ಕ್ರಿಕೆಟ್ ಮೈದಾನದಲ್ಲಿ ಇಂದು ಸನ್ರೈಸರ್ಸ್ ಹೈದ್ರಾಬಾದ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ಸೆಣಸಾಟ ನಡೆಸಲಿವೆ. ಹೀಗಾಗಿ ಸ್ಟೇಡಿಯಂಗೆ ತೆರಳುವುದಕ್ಕೂ ಮೊದಲು ಡೇವಿಡ್ ವಾರ್ನರ್ ಹೋಟೆಲ್ನಲ್ಲಿ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾರೆ.
The captain's birthday in pictures 🥳🎂#HappyBirthdayWarner #OrangeArmy #KeepRising @davidwarner31 pic.twitter.com/C80A2GY3jN
— SunRisers Hyderabad (@SunRisers) October 27, 2020
ಈ ಕುರಿತು ಟ್ವೀಟ್ ಮಾಡಿರುವ ಸನ್ರೈಸರ್ಸ್ ಹೈದ್ರಾಬಾದ್ ಫ್ರಾಂಚೈಸಿಯು ತನ್ನ ಅಧಿಕೃತ ಟ್ವಿಟ್ಟರ್ ಅಕೌಂಟ್ನಲ್ಲಿ ಫೋಟೋಗಳನ್ನು ಹಂಚಿಕೊಂಡಿದ್ದು, 'ಕ್ಯಾಪ್ಟನ್ ಬರ್ತ್ಡೇ ಫೊಟೋಗಳು' ಎಂದು ಶೀರ್ಷಿಕೆ ನೀಡಿದೆ.
'ನಾವು ಸುಲಭವಾಗಿ ರನ್ ಗುರಿ ತಲುಪುತ್ತೇವೆ ಎಂದು ಭಾವಿಸಿದ್ದೆ'
ಡೇವಿಡ್ ವಾರ್ನರ್ ಮೂರು ಫಾರ್ಮೆಟ್ನಲ್ಲಿ ಆಡುವ ಯಶಸ್ವಿ ಕ್ರಿಕೆಟಿಗರಲ್ಲಿ ಒಬ್ಬರಾಗಿದ್ದು, ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಅವರು 2014, 2017 ಮತ್ತು 2019 ರಲ್ಲಿ ಮೂರು ಬಾರಿ ಆರೆಂಜ್ ಕ್ಯಾಪ್ ಗೆದ್ದಿದ್ದಾರೆ. ಅಲ್ಲದೆ ತನ್ನ ಐಪಿಎಲ್ ವೃತ್ತಿಜೀವನದಲ್ಲಿ ಇದುವರೆಗೆ ವಾರ್ನರ್ 137 ಪಂದ್ಯಗಳಲ್ಲಿ ಒಟ್ಟು 5076 ರನ್ ಗಳಿಸಿದ್ದಾರೆ. ಜೊತೆಗೆ ಅತಿ ಹೆಚ್ಚು ಅರ್ಧಶತಕ (46) ದಾಖಲಿಸಿರುವ ಹೆಗ್ಗಳಿಕೆ ಇವರದು.