Click it and Unblock the Notifications
ಯಾರು ಆ ಅನುಭವಿ ಭಾರತೀಯ ಕ್ರಿಕೆಟಿಗ ?
ಈ ಬಾರಿಯ ಐಪಿಎಲ್‌ನಿಂದ ಹಿಂದಕ್ಕೆ ಸರಿಯುತ್ತಿರುವ ಸಿಎಸ್‌ಕೆ ತಂಡದ ಹಿರಿಯ ಆಟಗಾರ ಬೇರೆ ಯಾರೂ ಅಲ್ಲ, ಅದು ಹರ್ಭಜನ್ ಸಿಂಗ್. ವೈಯಕ್ತಿಕ ಕಾರಣಗಳಿಂದಾಗಿ ಹರ್ಭಜನ್ ಸಿಂಗ್ ತಡವಾಗಿ ಸಿಎಸ್‌ಕೆ ತಂಡವನ್ನು ಸೇರಿಕೊಳ್ಳಲು ಅನುಮತಿಯನ್ನು ಪಡೆದುಕೊಂಡಿದ್ದರು. ಆದರೆ ಈಗ ಸಂಪೂರ್ಣವಾಗಿ ಐಪಿಎಲ್‌ಗೆ ಅಲಭ್ಯರಾಗುತ್ತಿರುವುದನ್ನು ಸ್ಪಷ್ಟಪಡಿಸಿದ್ದಾರೆ.
ಅಭ್ಯಾಸ ಶಿಬಿರದಿಂದಲೂ ಭಜ್ಜಿ ದೂರ
ಸಿಎಸ್‌ಕೆ ತಂಡ ಚೆನ್ನೈನಲ್ಲಿ ಯುಎಇಗೆ ಪ್ರವಾಸ ತೆರಳುವುದಕ್ಕೂ ಮುನ್ನ ಅಭ್ಯಾಸ ಶಿಬಿರವನ್ನು ಆಯೋಜಿಸಿತ್ತು. ಬಹುತೇಕ ಎಲ್ಲಾ ಆಟಗಾರರು ಈ ಶಿಬಿರದಲ್ಲಿ ಪಾಳ್ಗೊಂಡಿದ್ದರು. ಆದರೆ ಹರ್ಭಜನ್ ಸಿಂಗ್ ಇದಕ್ಕೂ ಹಾಜರಾಗಿರಲಿಲ್ಲ. ಸಿಎಸ್‌ಕೆ ಮ್ಯಾನೇಜ್‌ಮೆಂಟ್‌ನಿಂದ ಅನುಮತಿಯನ್ನು ಪಡೆದು ತಡವಾಗಿ ಸೇರಿಕೊಳ್ಳಲು ಅವಕಾಶವನ್ನು ಪಡೆದುಕೊಂಡಿದ್ದರು.
ಅನಾರೋಗ್ಯ ಪೀಡಿತರಾಗಿದ್ದಾರೆ ಭಜ್ಜಿ ತಾಯಿ
ಹರ್ಭಜನ್ ಸಿಂಗ್ ಅವರ ತಾಯಿ ಅನಾರೋಗ್ಯ ಪೀಡಿತರಾಗಿದ್ದು ಚಿಕಿತ್ಸೆಯನ್ನು ಪಡೆದುಕೊಳ್ಳುತ್ತಿದ್ದಾರೆ. ಇದೇ ಕಾರಣವನ್ನು ನೀಡಿ ಹರ್ಭಜನ್ ಸಿಂಗ್ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಅಭ್ಯಾಸ ಶಿಬಿರದಿಂದ ದೂರ ಉಳಿದಿದ್ದರು. ಇದೀಗ ಸಂಪೂರ್ಣ ಐಪಿಎಲ್‌ನಿಂದ ಹೊರಗುಳಿಯುವ ನಿರ್ಧಾರವನ್ನು ಅವರು ಮಾಡಿದ್ದು ವೈಯಕ್ತಿಕ ಕಾರಣವನ್ನು ಅವರು ನೀಡಿದ್ದಾರೆ.
ಕೊರೊನಾ ಭೀತಿಯೂ ಕಾರಣವಾಯಿತಾ?
ಹರ್ಭಜನ್ ಸಿಂಗ್ ತಾಯಿಗೆ ಅನಾರೋಗ್ಯ ಉಂಟಾಗಿರುವ ಕಾರಣವೇ ಅನುಭವಿ ಸ್ಪಿನ್ನರ್ ಐಪಿಎಲ್‌ನಿಂದ ದೂರ ಉಳಿಯಲು ಕಾರಣ ಎನ್ನಲಾಗುತ್ತಿದೆ. ಇದೇ ಸಂದರ್ಭದಲ್ಲಿ ಸಿಎಸ್‌ಕೆ ತಂಡದಲ್ಲಿ ಕೊರೊನಾ ವೈರಸ್ ಪ್ರಕರಣವೂ ಕಂಡು ಬಂದಿದ್ದು ಸಹಜವಾಗಿಯೇ ಹರ್ಭಜನ್ ಸಿಂಗ್ ಆತಂಕಕ್ಕೆ ಕಾರಣವಿರಬಹುದು. ಈ ಎಲ್ಲಾ ಕಾರಣಗಳಿಂದಾಗಿ ಹರ್ಭಜನ್ ಸಿಂಗ್ ಈ ಬಾರಿಯ ಐಪಿಎಲ್‌ನಿಂದ ದೂರ ಉಳಿಯುವುದೇ ಸೂಕ್ತ ಎಂದು ನಿರ್ಧರಿಸಿರುವ ಸಾಧ್ಯತೆಯಿದೆ.
