ಮೀಮ್ಸ್ ಮೂಲಕ ಟ್ರೋಲ್
(ಇಲ್ಲಿರುವ ಮೀಮ್ಸ್ ಕೆಳಗೆ ಜಸ್ಟ್ ಮಾಹಿತಿಗಳಿವೆಯಷ್ಟೇ. ಮೀಮ್ಸ್ ಅನ್ನು ಜಸ್ಟ್ ಕಣ್ಣಾಯಿಸಿಕೊಂಡು, ಹಾರ್ದಿಕ್-ನತಾಶಾಗೆ ಸಂಬಂಧಿಸಿದ ಮಾಹಿತಿಗಳನ್ನೂ ಓದಿಕೊಂಡು ಹೋಗಿ)
ವಿರಾಟ್ ಕೊಹ್ಲಿ ವಿಶ್
ವಿವಾಹಕ್ಕೂ ಮೊದಲೇ ಅಪ್ಪನಾಗುತ್ತಿರುವ ಸುದ್ದಿ ಬಹಿರಂಗಪಡಿಸಿರುವ ಹಾರ್ದಿಕ್ ಪಾಂಡ್ಯ-ನತಾಶಾರಿಗೆ ಕ್ರಿಕೆಟ್ ಆಟಗಾರರು, ಅಭಿಮಾನಿಗಳು ಶುಭಾಶಯ ಕೋರಿದ್ದಾರೆ. ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ, ಕೋಚ್ ರವಿ ಶಾಸ್ತ್ರಿ ಕೂಡ ವಿಶ್ ಮಾಡಿದ್ದಾರೆ.
ಇನ್ಸ್ಟಾಗ್ರಾಮ್ನಲ್ಲಿ ಫೋಟೋ
ಭಾನುವಾರ (ಮೇ 31) ಸಂಜೆಯಾಗುವಷ್ಟರಲ್ಲಿ ಹಾರ್ದಿಕ್ ಪಾಂಡ್ಯ ಸುದ್ದಿಯಲ್ಲಿದ್ದರು. ಯಾಕೆಂದರೆ ತಾನು ಅಪ್ಪನಾಗಲಿರುವ ಸಂಗತಿಯನ್ನು ಸ್ವತಃ ಹಾರ್ದಿಕ್ ಅವರೇ ಇನ್ಸ್ಟಾಗ್ರಾಮ್ನಲ್ಲಿ ಹೇಳಿಕೊಂಡಿದ್ದರು. ಹಾರ್ದಿಕ್-ನತಾಶಾಗೆ ಶುಭಾಶಯಗಳ ಮಹಾಪೂರವೇ ಹರಿದುಬರತೊಡಗಿತ್ತು.
ಜೀವಕ್ಕಾಗಿ ಕಾಯುತ್ತಿದ್ದೇವೆ
'ಬದುಕಿನಲ್ಲಿ ನತಾಶಾ ಮತ್ತು ನಾನು ಜೊತೆಯಾಗಿ ಪಯಣಿಸಿದ್ದೇವೆ. ಈಗ ಇನ್ನೂ ಹತ್ತಿರವಾಗುತ್ತಿದ್ದೇವೆ. ಶಿಘ್ರದಲ್ಲಿ ನಮ್ಮ ಜೊತೆಗೆ ಮತ್ತೊಂದು ಜೀವವನ್ನು ಸ್ವಾಗತಿಸಲು ನಾವಿಬ್ಬರೂ ಕಾತರರಾಗಿದ್ದೇವೆ,' ಎಂದು ಇನ್ಸ್ಟಾಗ್ರಾಮ್ನಲ್ಲಿ ಹಾರ್ದಿಕ್ ಬರೆದುಕೊಂಡಿದ್ದರು.
ಜನವರಿ 1ಕ್ಕೆ ನಿಶ್ಚಿತಾರ್ಥ
ಡೇಟಿಂಗ್ನಲ್ಲಿದ್ದ ಹಾರ್ದಿಕ್-ನತಾಶಾ ಮನೆಯವರ ಒಪ್ಪಿಗೆಯ ಮೇರೆಗೆ ಇದೇ ವರ್ಷ ಜನವರಿ 1ರಂದು ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಸ್ಟ್ಯಾಂಕೋವಿಕ್ ಗರ್ಭಿಣಿಯಾಗಿರುವ ಸಂಗತಿಯನ್ನು ಈಗ ಹಾರ್ದಿಕ್ ಬಹಿರಂಗಪಡಿಸಿದ್ದಾರೆ.
ಯಾರೀ ನತಾಶಾ?
ಬಾಲಿವುಡ್ ನಟಿ, ಮೂಲತಃ ಸರ್ಬಿಯಾದ ನತಾಶಾ ಸ್ಟ್ಯಾಂಕೋವಿಕ್ ಡ್ಯಾನ್ಸ್ ಟಿವಿ ಶೋ 'ನಾಚ್ ಬಲಿಯೆ' ಸೀಸನ್ 9ರ ಮೂಲಕ ಜನಪ್ರಿಯತೆ ಗಿಟ್ಟಿಸಿಕೊಂಡಿದ್ದರು.
ಸ್ಟ್ಯಾಂಕೋವಿಕ್ ಜೊತೆ ಸಂಬಂಧ
ಸ್ಟ್ಯಾಂಕೋವಿಕ್ ಜೊತೆ ಸಂಬಂಧವನ್ನಿರಿಸಿಕೊಂಡಿದ್ದ ಕ್ರಿಕೆಟರ್ ಹಾರ್ದಿಕ್, ಈ ವಿಚಾರವನ್ನು ತನ್ನ ಸಹೋದರ ಕೃನಾಲ್ ಪಾಂಡ್ಯ ಮತ್ತು ಕುಟುಂಬಸ್ಥರ ಗಮನಕ್ಕೆ ತಂದಿದ್ದರು, ತಾವಿಬ್ಬರೂ ಮದುವೆಯಾಗುವುದಾಗಿ ಮನೆಯವರನ್ನು ಒಪ್ಪಿಸಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು.
ಅನೇಕರಿಂದ ಶುಭಾಶಯ
ಐಪಿಎಲ್ನಲ್ಲಿ ಮುಂಬೈ ಇಂಡಿಯನ್ಸ್ ಪ್ರತಿನಿಧಿಸುವ ಹಾರ್ದಿಕ್ ಪಾಂಡ್ಯಗೆ ಕೊಹ್ಲಿ, ಶಾಸ್ತ್ರಿಯಲ್ಲದೆ ಮೊಹಮ್ಮದ್ ಶಮಿ, ಯುಜುವೇಂದ್ರ ಚಾಹಲ್ ಮತ್ತು ಮಯಾಂಕ್ ಅಗರ್ವಾಲ್ ಸೇರಿದಂತೆ ಅನೇಕ ಕ್ರಿಕೆಟಿಗರು ಶುಭ ಹಾರೈಸಿದ್ದಾರೆ.