ವೆಲ್ಲಿಂಗ್ಟನ್, ಫೆಬ್ರವರಿ 6: ವೆಲ್ಲಿಂಗ್ಟನ್ನ ವೆಸ್ಟ್ ಪ್ಯಾಕ್ ಸ್ಟೇಡಿಯಂನಲ್ಲಿ ಬುಧವಾರ (ಫೆಬ್ರವರಿ 6) ನಡೆದ ಭಾರತ-ನ್ಯೂಜಿಲ್ಯಾಂಡ್ ಮೊದಲ ಟಿ20 ಪಂದ್ಯ ಭಾರತದ ಕೃನಾಲ್ ಪಾಂಡ್ಯ-ಮತ್ತು ಹಾರ್ದಿಕ್ ಪಾಂಡ್ಯ ಸಹೋದರರಿಗೆ ವಿಶೇಷವಾಗಿತ್ತು. ಯಾಕೆಂದರೆ ಇಬ್ಬರೂ ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ಜೊತೆಯಾಗಿದ್ದು ಇದೇ ಮೊದಲು.
ಐಪಿಎಲ್ 2019ರ ಕೆಲ ಪಂದ್ಯಗಳನ್ನು ಬಾಂಗ್ಲಾದಲ್ಲಿ ನಡೆಸಲು ಬಿಸಿಸಿಐ ಸಿದ್ಧತೆ!
ಬುಧವಾರದ ಪಂದ್ಯದ ವೇಳೆ ಮೈದಾನದಲ್ಲಿ ಕಾಣಿಕೊಳ್ಳುವ ಮೂಲಕ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಜೊತೆಯಾಗಿ ಆಡಿದ ಭಾರತದ ಮೂರನೆಯ ಸಹೋದರರ ಜೋಡಿಯಾಗಿ ಕೃನಾಲ್-ಹಾರ್ದಿಕ್ ಗುರುತಿಸಿಕೊಂಡರು. ಈ ಹಿಂದೆ ಅಮರ್ನಾಥ್ ಮತ್ತು ಪಠಾಣ್ ಸಹೋದರರು ಇದೇ ವಿಶೇಷತೆಗಾಗಿ ಗಮನ ಸೆಳೆದಿದ್ದರು.
Thank you 🙏 pic.twitter.com/rzIKQX7ELx
— hardik pandya (@hardikpandya7) January 28, 2019
ಮೋಹೀಂದರ್ ಅಮರ್ನಾಥ್ ಮತ್ತು ಸುರೀಂದರ್ ಅಮರ್ನಾಥ್ ಸಹೋದರರು ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಭಾರತವನ್ನು ಮೊದಲ ಬಾರಿಗೆ ಪ್ರತಿನಿಧಿಸಿದ್ದರು. ಈ ಜೋಡಿ 3 ಅಂತಾರಾಷ್ಟ್ರೀಯ ಏಕದಿನ ಪಂದ್ಯಗಳನ್ನು ಆಡಿತ್ತು. ಅನಂತರ ಇರ್ಫಾನ್ ಪಠಾಣ್ ಮತ್ತು ಯೂಸೂಫ್ ಪಠಾಣ್ ಸಹೋದರರು 8 ಏಕದಿನ ಮತ್ತು ಹಲವು ಟಿ20 ಪಂದ್ಯಗಳಲ್ಲಿ ಭಾರತ ಪರ ಆಡಿದ್ದರು.
ವೆಲ್ಲಿಂಗ್ಟನ್, ಟಿ20: ದುರ್ಬಲ ಬ್ಯಾಟಿಂಗ್ನಿಂದ ಕಿವೀಸ್ಗೆ ತಲೆಬಾಗಿದ ಭಾರತ
ಅಂತಾರಾಷ್ಟ್ರೀಯ ಟಿ20ಯಲ್ಲಿ ಭಾರತವನ್ನು ಪ್ರತಿನಿಧಿಸಿದ 2ನೇ ಸಹೋದರರ ಜೋಡಿ ಹಾರ್ದಿಕ್-ಕೃನಾನ್. ಅಂದ್ಹಾಗೆ ಭಾರತ ಬ್ಯಾಟಿಂಗ್ ದೌರ್ಬಲ್ಯ ತೋರಿಕೊಂಡ ಕಾರಣ ಮೊದಲ ಟಿ20 ಪಂದ್ಯದಲ್ಲಿ 80 ರನ್ ಹೀನಾಯ ಸೋಲನುಭವಿಸಿತ್ತಲ್ಲದೆ, ಸರಣಿಯಲ್ಲಿ 1-0ಯ ಹಿನ್ನಡೆ ಅನುಭವಿಸಿತು.