ಬ್ಲ್ಯಾಕ್ಪೂಲ್, ಆಗಸ್ಟ್ 15: ಇಂಗ್ಲೆಂಡ್ನ ಸ್ಟೇನ್ಲಿ ಪಾರ್ಕ್ ಕ್ರೀಡಾಂಗಣದಲ್ಲಿ ನಡೆದ ಮಹಿಳಾ ಕ್ರಿಕೆಟ್ ಸೂಪರ್ ಲೀಗ್ ಟಿ20 ಪಂದ್ಯದಲ್ಲಿ ಭಾರತದ ಹರ್ಮನ್ ಪ್ರೀತಿ ಕೌರ್ ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶನ ನೀಡಿದರು.
ಯಾರ್ಕ್ಶೈರ್ ಡೈಮಂಡ್ಸ್ ವಿರುದ್ಧ ನಡೆದ ಪಂದ್ಯದಲ್ಲಿ ಲಂಕಾಶೈರ್ ಥಂಡರ್ ತಂಡದ ಹರ್ಮನ್ ಪ್ರೀತ್ ಕೌರ್ ಕೇವಲ 44 ಎಸೆತಗಳಲ್ಲಿ 74 ರನ್ ಚಚ್ಚಿದರು. ಇದರಲ್ಲಿ 4 ಬೌಂಡರಿಗಳಿದ್ದರೆ, 6 ಭರ್ಜರಿ ಸಿಕ್ಸರ್ಗಳಿದ್ದವು.
ಪಾದಾರ್ಪಣೆ ಪಂದ್ಯದಲ್ಲೇ ಧೋನಿ ಸ್ಟೈಲ್ನಲ್ಲಿ ಫಿನಿಶ್ ಮಾಡಿದ ಕೌರ್
ಹರ್ಮನ್ ಅವರ ಭರ್ಜರಿ ಬ್ಯಾಟಿಂಗ್ ನೆರವಿನಿಂದಾಗಿ ಲಂಕಾಶೈರ್ ಒಂಬತ್ತು ರನ್ಗಳ ಗೆಲುವು ಸಾಧಿಸಿತು.
ಲಂಕಾಶೈರ್ ಪರವಾಗಿ ಹರ್ಮನ್ ಮತ್ತು ಆರಂಭಿಕ ಆಟಗಾರ್ತಿ ನಿಕೋಲ್ ಬೋಲ್ಟನ್ (46) ಹೊರತುಪಡಿಸಿ ಉಳಿದ ಆಟಗಾರರಿಂದ ಉತ್ತಮ ಪ್ರದರ್ಶನ ಕಂಡುಬರಲಿಲ್ಲ.
ಮಹಿಳೆಯರ ಚಾಲೆಂಜರ್ಸ್ ಟಿ 20 ಕ್ರಿಕೆಟ್: ಇಂಡಿಯಾ ರೆಡ್ ತಂಡಕ್ಕೆ ಗೆಲುವು
155 ರನ್ಗಳ ಗುರಿ ಬೆನ್ನತ್ತಿದ ಯಾರ್ಕ್ಶೈರ್ ತಂಡವು ಕ್ಯಾಥರಿನ್ ಬ್ರಂಟ್ ಅವರ ಆಲ್ರೌಂಡ್ ಪ್ರದರ್ಶನದ ಹೊರತಾಗಿಯೂ (25 ಎಸೆತಗಳಲ್ಲಿ ಅಜೇಯ 44 ರನ್ ಮತ್ತು ಮೂರು ವಿಕೆಟ್) ಗೆಲುವು ಸಾಧಿಸಲು ವಿಫಲವಾಯಿತು.
ಮಹಿಳಾ ಕ್ರಿಕೆಟ್ ಲೀಗ್: ಮೊದಲ ಶತಕ ಸಿಡಿಸಿದ ಸ್ಮೃತಿ ಮಂದಾನ
ಮಹಿಳಾ ಲೀಗ್ನ ಪಾದಾರ್ಪಣೆಯ ಪಂದ್ಯದಲ್ಲಿ ಸಿಕ್ಸರ್ ಸಿಡಿಸಿ ಗೆಲುವು ತಂದುಕೊಟ್ಟಿದ್ದ ಹರ್ಮನ್ ಪ್ರೀತ್, ನಂತರದ ಎರಡು ಪಂದ್ಯಗಳಲ್ಲಿ ವಿಫಲರಾಗಿದ್ದರು.
Brilliant innings from Harmanpreet Kaur. 74 of just 44 balls with 4 fours and 6 sixes. Imagine her at one end,Smriti at the other and both on form in the Caribbean! 😍
— Kartik Dimri (@kartikdimri27) 14 August 2018
ಸಂಕ್ಷಿಪ್ತ ಸ್ಕೋರ್
ಲಂಕಾಶೈರ್ ಥಂಡರ್: 154/9 (20) ನಿಕೋಲ್ ಬೋಲ್ಟನ್ 46 , ಹರ್ಮನ್ ಪ್ರೀತ್ ಕೌರ್ 74, ಕ್ಯಾಥರಿನ್ ಬ್ರಂಟ್ 22/3, ಬೆತ್ ಲಾಂಗ್ಸ್ಟನ್ 12/2
ಯಾರ್ಕ್ಶೈರ್ ಡೈಮಂಡ್ಸ್: 145/8 (20) ಅಲೈಸ್ ಡೇವಿಡ್ಸನ್ ರಿಚರ್ಡ್ಸ್ 33, ಕ್ಯಾಥರಿನ್ ಬ್ರಂಟ್ 44*, ಬೆತ್ ಮೂನಿ 25, ಅಲೆಕ್ಸ್ ಹಾರ್ಟ್ಲಿ, 27/2
ಫಲಿತಾಂಶ: ಲಂಕಾಶೈರ್ ಥಂಡರ್ ತಂಡಕ್ಕೆ 9 ರನ್ ಗೆಲುವು