ಏಕನಾಥ್ ಸೋಲ್ಕರ್ ಮೊದಲಿಗ
ಹರ್ಷ ಭೋಗ್ಲೆಯ ನೆಚ್ಚಿನ ಮೂವರು ಬೆಸ್ಟ್ ಫೀಲ್ಡರ್ಗಳಲ್ಲಿ 2005ರಲ್ಲಿ ಸಾವನ್ನಪ್ಪಿರುವ ಏಕನಾಥ್ ಸೋಲ್ಕರ್ ಮೊದಲ ಸ್ಥಾನದಲ್ಲಿದ್ದಾರೆ. ಸೋಲ್ಕರ್ ಭಾರತದ ಪರ 27 ಟೆಸ್ಟ್ ಮತ್ತು 7 ಏಕದಿನ ಪಂದ್ಯಗಳನ್ನಾಡಿದ್ದರು. ಇನ್ನು ದ್ವಿತೀಯ ಮತ್ತು ತೃತೀಯ ಸ್ಥಾನದಲ್ಲಿ ಕ್ರಮವಾಗಿ ಮಾಜಿ ನಾಯಕ ಮೊಹಮ್ಮದ್ ಅಝರುದ್ದೀನ್ ಮತ್ತು ರವೀಂದ್ರ ಜಡೇಜಾ ಇದ್ದಾರೆ.
5ರಲ್ಲಿ ಟೈಗರ್ ಪಟೌಡಿ
ಭೋಗ್ಲೆ ನೆಚ್ಚಿನ ಬೆಸ್ಟ್ ಫೀಲ್ಡರ್ಗಳಲ್ಲಿ 4ನೇ ಸ್ಥಾನದಲ್ಲಿ ಮಾಜಿ ಕ್ರಿಕೆಟಿಗ ಹೇಮು ಅಧಿಕಾರಿ (21 ಟೆಸ್ಟ್ ಪಂದ್ಯ) ಮತ್ತು 5ನೇ ಸ್ಥಾನದಲ್ಲಿ ದಂತಕತೆ ಮನ್ಸೂರ್ ಅಲಿ ಖಾನ್ ಪಟೌಡಿ (46 ಟೆಸ್ಟ್ ಪಂದ್ಯಗಳು, 310 ಪ್ರಥಮದರ್ಜೆ ಪಂದ್ಯಗಳು), 6ನೇ ಸ್ಥಾನದಲ್ಲಿ ಮಾಜಿ ಕ್ರಿಕೆಟಿಗ ರುಸಿ ಸುರ್ತಿ (26 ಟೆಸ್ಟ್ ಪಂದ್ಯಗಳು, 160 ಪ್ರಥಮದರ್ಜೆ) ಇದ್ದಾರೆ.
ಕಿರ್ಮಾನಿಗೂ ಸ್ಥಾನ
ಹರ್ಷ ಆಯ್ಕೆಯ ಬೆಸ್ಟ್ ಫೀಲ್ಡರ್ಗಳಲ್ಲಿ 7ನೇ ಸ್ಥಾನದಲ್ಲಿ ಬೆಸ್ಟ್ ಕೀಪರ್ ಎನಿಸಿಕೊಂಡಿದ್ದ ಸೈಯ್ಯದ್ ಕಿರ್ಮಾನಿ (88 ಟೆಸ್ಟ್ ಪಂದ್ಯಗಳು, 49 ಏಕದಿನ ಪಂದ್ಯಗಳು), 8ನೇ ಸ್ಥಾನದಲ್ಲಿ ಅಬಿದ್ ಅಲಿ, 9ರಲ್ಲಿ ಬ್ರಿಜೇಶ್ ಪಟೇಲ್, 10ರಲ್ಲಿ ಅಜಯ್ ಜಡೇಜಾ ಇದ್ದಾರೆ.
ಯುವರಾಜ್, ಕೈಫ್
ಹರ್ಷ ಭೋಗ್ಲೆ ಹೆಸರಿಸಿರುವ ಈ ಹತ್ತು ಟಾಪ್ ಫೀಲ್ಡರ್ಗಳು ಆಯಾ ಕಾಲಕ್ಕನುಗುಣವಾಗಿ ಮಿಂಚಿದವರು ಅನ್ನೋದು ಅರಿವಾಗುತ್ತದೆ. ಬೋಗ್ಲೆಯ ಬೆಸ್ಟ್ ಫೀಲ್ಡರ್ ಪಟ್ಟಿಯಲ್ಲಿ 11ನೇ ಹೆಸರಾಗಿ ಸುರೇಶ್ ರೈನಾ, 12ರಲ್ಲಿ ಯುವರಾಜ್ ಸಿಂಗ್ ಮತ್ತು ಕೊನೆಯ ಹೆಸರಾಗಿ ಭಾರತದ ಜಾಂಟಿ ರೋಡ್ಸ್ ಎಂದು ಕರೆಯಲಾಗುತ್ತಿದ್ದ ಮೊಹಮ್ಮದ್ ಕೈಫ್ ಕಾಣಿಸಿಕೊಂಡಿದ್ದಾರೆ.