ಉತ್ಸಾಹ ಹೆಚ್ಚಿಸಿದೆ
ವಿರಾಟ್ ಕೊಹ್ಲಿಯ ನಾಯಕತ್ವದಲ್ಲಿ ನಾನು ಮೊದಲ ಬಾರಿಗೆ ಆಡುತ್ತಿರುವುದು ನನ್ನ ಉತ್ಸಾಹವನ್ನು ಹೆಚ್ಚಿಸಿದೆ. ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಕಳೆದ ಹಲವು ವರ್ಷಗಳಿಂದ ಎದುರಾಳಿಯಾಗಿ ಕಣಕ್ಕಿಳಿದು ಈಗ ಒಂದೇ ತಂಡದಲ್ಲಿ ಆಡುತ್ತಿದ್ದೇವೆ. ಈ ಮೂಲಕ ಕೊಹ್ಲಿಯೊಂದಿಗೆ ಉತ್ತಮ ಬಾಂಧವ್ಯ ಹೊಂದುವ ಭರವಸೆಯಿದೆ ಎಂದು ಫಿಂಚ್ ಹೇಳಿದ್ದಾರೆ.
ನಾಯಕನಿಗೆ ನೆರವಾಗುತ್ತೇನೆ
ನನ್ನ ಅನುಭವದ ಕಾರಣದಿಂದಾಗಿ ಐಪಿಎಲ್ನಲ್ಲಿ ನನ್ನಿಂದಾಗುವ ಸಹಾಯದ ಅಗತ್ಯವಿದ್ದಾಗ ಖಂಡಿತಾ ನೆರವಾಗುತ್ತೇನೆ. ನಾಯಕ ವಿರಾಟ್ ಕೊಹ್ಲಿಯ ಒತ್ತಡವನ್ನು ಕಡಿಮೆ ಮಾಡಲು ಸಾಧ್ಯವಿರುವ ನೆರವನ್ನು ನಾನು ನೀಡಲು ಸಿದ್ದನಿದ್ದೇನೆ. ನನ್ನಿಂದಾಗುವ ಎಲ್ಲಾ ನೆರವನ್ನು ನಾನು ನಾಯಕ ಹಾಗೂ ತಂಡಕ್ಕೆ ನೀಡುತ್ತೇನೆ ಎಂದು ಆರೋನ್ ಫಿಂಚ್ ಹೇಳಿದ್ದಾರೆ.
ವಿಶ್ವ ಶ್ರೇಷ್ಠ ಆಟಗಾರರನ್ನು ಹೊಂದಿರುವ ತಂಡ
ವಿಶ್ವದ ಶ್ರೇಷ್ಠ ಆಟಗಾರರನ್ನು ಹೊಂದಿರುವ ತಂಡಕ್ಕಾಗಿ ಆಡುವುದು ನಿಜಕ್ಕೂ ಖುಷಿಯ ಸಂಗತಿ. ಚಿನ್ನಸ್ವಾಮಿಯಲ್ಲಿ ತವರು ಪ್ರೇಕ್ಷಕರ ಮುಂದೆ ಆಡುವುದು ಸಂಭ್ರಮದ ವಿಚಾರವಾಗಿತ್ತು. ಆದರೆ ಈ ಬಾರಿ ಯುಎಇನಲ್ಲಿ ನಡೆಯುತ್ತಿದೆ. ಇದು ನನ್ನ ಪಾಲಿಗೆ ದೊಡ್ಡ ಸಂಗತಿಯಾಗಿದೆ ಎಂದು ಆರೋನ್ ಫಿಂಚ್ ಹೇಳಿದ್ದಾರೆ.