ವಿಶ್ವಕಪ್ ನಲ್ಲಿ ಸಿಕ್ಸರ್ ಸುರಿಮಳೆಗೈಯುವ ಪಣ ತೊಟ್ಟ ರಸೆಲ್

ರಸೆಲ್ ವಾರ್ನಿಂಗ್..! ಫೋರ್, ಸಿಕ್ಸರ್ ಗಳ ಸುರಿಮಳೆ ಫಿಕ್ಸ್..?! | Oneindia Kannada
Hungry to smash sixes in World Cup: Andre Russell

ಕೋಲ್ಕತ್ತಾ, ಏಪ್ರಿಲ್ 28: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2019ರಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ಬ್ಯಾಟಿಂಗ್ ಬಲ ಎನಿಸಿರುವ ಸ್ಫೋಟಕ ಬ್ಯಾಟ್ಸಮನ್ ಆಂಡ್ರೆ ರಸೆಲ್ ಅವರು ತಮ್ಮ ವಿಶ್ವಕಪ್ ಕನಸು ಬಿಚ್ಚಿಟ್ಟಿದ್ದಾರೆ. ವಿಶ್ವಕಪ್ ನಲ್ಲಿ ಸಿಕ್ಸರ್ ಸುರಿಮಳೆ ಹರಿಸುವ ಹಸಿವಿದೆ ಎಂದು ವೆಸ್ಟ್ ಇಂಡೀಸ್ ನ ಆಲ್ ರೌಂಡರ್ ತಮ್ಮ ಆಸೆ ಹಂಚಿಕೊಂಡಿದ್ದಾರೆ.

ಯುಕೆಯಲ್ಲಿ ಮೇ 30ರಿಂದ ಆರಂಭವಾಗಲಿರುವ ವಿಶ್ವಕಪ್ 2019ರಲ್ಲಿ ಆಡಲಿರುವ ವೆಸ್ಟ್ ಇಂಡೀಸ್ ತಂಡದ 15 ಮಂದಿ ಪ್ರಾಥಮಿಕ ತಂಡದಲ್ಲಿ ರಸೆಲ್ ಅವರಿಗೂ ಸ್ಥಾನ ಸಿಕ್ಕಿದೆ. ಜುಲೈ 2018ರಲ್ಲಿ ಕಳೆದ ಬಾರಿಗೆ ಏಕದಿನ ಅಂತಾರಾಷ್ಟ್ರೀಯ ಪಂದ್ಯವಾಡಿದ್ದ ರಸೆಲ್ ಅವರ ಇತ್ತೀಚಿನ ಫಾರ್ಮ್ ನಿಂದಾಗಿ ತಂಡದಲ್ಲಿ ಸ್ಥಾನ ಸಿಕ್ಕಿದೆ.

ವಿಶ್ವಕಪ್ ಅಂತಿಮ ತಂಡ ಪ್ರಕಟಿಸಿದ ವೆಸ್ಟ್ ಇಂಡೀಸ್, ಆ್ಯಂಡ್ರೆ ರಸೆಲ್‌ಗೆ ಸ್ಥಾನ

ಸದ್ಯ ಐಪಿಎಲ್ 12ರಲ್ಲಿ ಕೆಕೆಆರ್ ಪರ ಆಡುತ್ತಿರುವ ರಸೆಲ್ 10 ಇನ್ನಿಂಗ್ಸ್ ಗಳಲ್ಲಿ 209.27 ಸ್ಟ್ರೈಕ್ ರೇಟ್ ನಂತೀ 406 ರನ್ ಚೆಚ್ಚಿದ್ದಾರೆ. ವೆಸ್ಟ್ ಇಂಡೀಸ್ ಪರ ಕೂಡಾ ಸಿಕ್ಸ್ ಸಿಡಿಸಲು ನಾನು ಕಾದಿದ್ದೇನೆ ಎಂದಿದ್ದಾರೆ. ವಿಂಡೀಸ್ ಪರ 52 ಏಕದಿನ ಪಂದ್ಯಗಳಿಂದ 28ರನ್ ಸರಾಸರಿ ಹೊಂದಿದ್ದು, 65 ವಿಕೆಟ್ ಪಡೆದಿದ್ದಾರೆ.

ಕೆರಿಬಿಯನ್ ನಲ್ಲಿ ಬಾಂಗ್ಲಾದೇಶ ವಿರುದ್ಧದ ಏಕದಿನ ಸರಣಿಯಲ್ಲಿ ಒಂದು ಪಂದ್ಯವಾಡಿ ನಂತರ ಮೊಣಕಾಲಿನ ನೋವಿನಿಂದ ಸರಣಿಯಿಂದ ಹೊರಗುಳಿದಿದ್ದರು. ಕಳೆದ ವರ್ಷ ಇಂಗ್ಲೆಂಡ್ ವಿರುದ್ಧದ ಎರಡು ಪಂದ್ಯಕ್ಕೆ ಆಯ್ಕೆಯಾದರೂ ಗಾಯದ ಸಮಸ್ಯೆಯಿಂದ ಕಣಕ್ಕಿಳಿದಿರಲಿಲ್ಲ.

ನನ್ನನ್ನು ಕೆಳ ಕ್ರಮಾಂಕದಲ್ಲಿ ಯಾಕೆ ಇಳಿಸುತ್ತಿದ್ದೀರಿ?: ಕೆಕೆಆರ್‌ಗೆ ರಸೆಲ್ ಪ್ರಶ್ನೆ

'ವಿಶ್ವಕಪ್ ತಂಡಕ್ಕೆ ಆಯ್ಕೆಯಾಗಿದ್ದರ ಬಗ್ಗೆ ನನಗೆ ಯಾವುದೇ ರೀತಿ ಅಚ್ಚರಿಯಾಗಿಲ್ಲ. ನಾನು ಉತ್ತಮ ಲಯದಲ್ಲಿದ್ದೇನೆ. ಸದ್ಯ ಕೆಕೆಆರ್ ಪರ ಉತ್ತಮವಾಗಿ ಆಡುವುದು ನನ್ನ ಗುರಿ, ಪ್ರತಿ ಪಂದ್ಯದಲ್ಲೂ ನನ್ನ ಶ್ರೇಷ್ಠ ಪ್ರದರ್ಶನ ನೀಡಲು ಯತ್ನಿಸುವೆ' ಎಂದಿದ್ದಾರೆ.

ಆಂಡ್ರೆ ರಸೆಲ್ ಸೇರಿದಂತೆ ಕೆಕೆಆರ್ ಆಟಗಾರರ ಅಂಕಿ ಅಂಶ

ಕೆರಬಿಯನ್ ತಂಡದ ಭಾಗವಾಗಿ ಇರಲು ಹೆಚ್ಚು ಇಷ್ಟಪಡುತ್ತೇನೆ. ಟಿ20, ಫ್ರಾಂಚೈಸಿ ಕ್ರಿಕೆಟ್ ಖುಷಿ, ದುಡ್ಡು ತರುತ್ತದೆ. ಆದರೆ, ವಿಂಡೀಸ್ ತಂಡದ ಪರ ಆಡುವುದು ಹೆಮ್ಮೆಯ ವಿಚಾರ, ನಾನು ನಾನಾಗಿ ಉಳಿಯಬಹುದು, ಉತ್ತಮ ಪ್ರದರ್ಶನ ನೀಡಿದರೆ ಎಲ್ಲಾ ಗೊಂದಲಗಳು ಮರೆಯಾಗಲಿವೆ ಎಂದರು.

ಮೇ 31ರಂದು ಪಾಕಿಸ್ತಾನದ ವಿರುದ್ಧ ವೆಸ್ಟ್ ಇಂಡೀಸ್ ತನ್ನ ಮೊದಲ ಪಂದ್ಯವನ್ನಾಡಲಿದೆ.

For Quick Alerts
ALLOW NOTIFICATIONS
For Daily Alerts

ಕ್ರಿಕೆಟನ್ನು ಪ್ರೀತಿಸುತ್ತೀರಾ? ಋಜುವಾತುಪಡಿಸಿ! ಮೈಖೇಲ್ ಫ್ಯಾಂಟಸಿ ಕ್ರಿಕೆಟ್ ಆಟವಾಡಿ

Story first published: Sunday, April 28, 2019, 10:05 [IST]
Other articles published on Apr 28, 2019
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more