ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
For Quick Alerts
ALLOW NOTIFICATIONS  
For Daily Alerts
 

'AB ಸರ್' ನಾನು ನಿಮ್ಮ ಬಹುದೊಡ್ಡ ಅಭಿಮಾನಿ: ಎಬಿಡಿ ನಿವೃತ್ತಿ ಬಳಿಕ ಯುಜವೇಂದ್ರ ಚಹಾಲ್ ಭಾವನಾತ್ಮಕ ಪೋಸ್ಟ್‌

Yuzvendra chahal

ಆರ್‌ಸಿಬಿ ಸೂಪರ್‌ಸ್ಟಾರ್ ಎಬಿ ಡಿವಿಲಿಯರ್ಸ್‌ ಎಲ್ಲಾ ಮಾದರಿಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ್ದಾರೆ. ಈ ಮೂಲಕ ಇನ್ಮುಂದೆ ಐಪಿಎಲ್‌ನಲ್ಲಿ ಆರ್‌ಸಿಬಿ ಜೆರ್ಸಿಯಲ್ಲಿ ಎಬಿಡಿಯನ್ನ ನೋಡಲು ಅಭಿಮಾನಿಗಳಿಗೆ ಸಾಧ್ಯವಾಗುವುದಿಲ್ಲ.

ನವೆಂಬರ್ 19(ಶುಕ್ರವಾರ) ಎಬಿ ಡಿವಿಲಿಯರ್ಸ್ ನಿವೃತ್ತಿಯ ಘೋಷಣೆ ಮಾಡಿದ ಬಳಿಕ ಆರ್‌ಸಿಬಿ ಅಭಿಮಾನಿಗಳ ಹಾರ್ಟ್‌ ಬ್ರೇಕ್ ಆಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಬೀಳ್ಕೊಡುಗೆಯ ಸಂದೇಶಗಳ ಮಹಾಪೂರವೇ ಹರಿದು ಬಂದಿದೆ. ಎಬಿಡಿ ''ವಿ ವಿಲ್ ಮಿಸ್‌ ಯು'' ಎಂಬ ಸಂದೇಶಗಳೇ ರಾರಾಜಿಸುತ್ತಿವೆ.

ಕ್ರಿಕೆಟ್‌ಗೆ ಗುಡ್‌ಬೈ ಹೇಳಿದ RCBಯ ಪ್ರೀತಿಯ ಎಬಿಡಿ: 10 ವಿಶೇಷ ದಾಖಲೆಗಳು ಇಲ್ಲಿವೆಕ್ರಿಕೆಟ್‌ಗೆ ಗುಡ್‌ಬೈ ಹೇಳಿದ RCBಯ ಪ್ರೀತಿಯ ಎಬಿಡಿ: 10 ವಿಶೇಷ ದಾಖಲೆಗಳು ಇಲ್ಲಿವೆ

ಅಭಿಮಾನಿಗಳಷ್ಟೇ ಅಲ್ಲದೆ ಅನೇಕ ಪ್ರೊಫೆಷನಲ್ ಕ್ರಿಕೆಟರ್ಸ್‌ ಕೂಡ ಎಬಿಡಿ ಫ್ಯಾನ್‌ಗಳಿದ್ದಾರೆ. ಇದ್ರಿಂದ ಚೇಸಿಂಗ್ ಮಾಸ್ಟರ್ ವಿರಾಟ್ ಕೊಹ್ಲಿ ಕೂಡ ಹೊರತಾಗಿಲ್ಲ. ಕೊಹ್ಲಿ ಭಾವನಾತ್ಮಕ ಸಂದೇಶದ ಮೂಲಕ ಎಬಿಡಿಯನ್ನ ಬೀಳ್ಕೊಟ್ಟರು, ಜೊತೆಗೆ ಟೀಮ್‌ಮೇಟ್‌ ಯುಜವೇಂದ್ರ ಚಹಾಲ್ ಮೂಲಕ ಎಬಿಡಿಗೆ ಸಂದೇಶ ನೀಡಿದ್ದು, ಮೊದಲ ಭೇಟಿಯ ಸಂಭಾಷಣೆ ಕುರಿತು ಹಂಚಿಕೊಂಡಿದ್ದಾರೆ.

ಯುಜವೇಂದ್ರ ಚಹಾಲ್‌ ಅವರು ಡಿವಿಲಿಯರ್ಸ್ ಅವರೊಂದಿಗೆ ಅದ್ಭುತ ಬಾಂಧವ್ಯವನ್ನು ಹಂಚಿಕೊಂಡಿದ್ದಾರೆ ಎಂದು ಹೇಳಿದರು. ಸ್ಟಾರ್ ಬ್ಯಾಟ್ಸ್‌ಮನ್ ಎಬಿಡಿ ಅವರನ್ನು ಹೇಗೆ ಉತ್ತಮವಾಗಿ ಅರ್ಥಮಾಡಿಕೊಳ್ಳುತ್ತಾರೆ ಎಂಬುದನ್ನು ಅವರು ಬಹಿರಂಗಪಡಿಸಿದರು. ಅವರೊಂದಿಗೆ ಆಟವಾಡುವುದನ್ನು ಕಳೆದುಕೊಳ್ಳಲಿದ್ದೇನೆ ಎಂದು ಚಹಾಲ್ ಬೇಸರದಿಂದ ಇನ್‌ಸ್ಟಾಗ್ರಾಮ್‌ನಲ್ಲಿ ಬರೆದುಕೊಂಡಿದ್ದಾರೆ.

31 ವರ್ಷ ವಯಸ್ಸಿನ ಚಹಾಲ್ ಅವರನ್ನು ಮೈದಾನದಲ್ಲಿ ಮತ್ತು ಹೊರಗೆ ಎರಡೂ ಬೆಂಬಲಿಸಿದ್ದಕ್ಕಾಗಿ ನಾನು ಯಾವಾಗಲೂ ಕೃತಜ್ಞರಾಗಿರುತ್ತೇನೆ ಎಂದು ಹೇಳಿದ್ದಾರೆ. ನಾನು ಯಾವಾಗಲೂ ಎಬಿಡಿಯ ದೊಡ್ಡ ಅಭಿಮಾನಿಯಾಗಿರುತ್ತೇನೆ ಎಂದು ಸೇರಿಸುವ ಮೂಲಕ ಮಾತು ಕೊನೆಗೊಳಿಸಿದ್ದಾರೆ.

''ಎಬಿ ಸರ್... ನಿಮ್ಮ ಬಗ್ಗೆ ನನಗಿರುವ ಗೌರವ ಮತ್ತು ಪ್ರೀತಿಗೆ ಪದಗಳು ಖಂಡಿತವಾಗಿ ನ್ಯಾಯವನ್ನು ನೀಡುವುದಿಲ್ಲ. ಆದರೆ ಇಂದು ಮಾತನಾಡಲು ಪ್ರಯತ್ನಿಸುತ್ತೇನೆ. ನನ್ನ ವೃತ್ತಿಪರ ಜೀವನಕ್ಕೆ ಬಂದಾಗಲೂ ನಾನು ಕಡಿಮೆ ಅಭಿವ್ಯಕ್ತಿಶೀಲ ವ್ಯಕ್ತಿ ಎಂದು ಎಲ್ಲರಿಗೂ ತಿಳಿದಿದೆ. ಆದರೆ ನನಗೆ ಇನ್ನೂ ನೆನಪಿದೆ. ಹಲವು ವರ್ಷಗಳ ಹಿಂದೆ ನಮ್ಮ ಸಂವಾದದ ಮೊದಲ ದಿನ ಅದು ಗಂಟೆಗಟ್ಟಲೇ ನಡೆಯಿತು."

"ಓ ದೇವರೇ, ನಾನು ಲೆಜೆಂಡ್ ಎಬಿ ಡೆವೆಲಿಯರ್ಸ್ ಮತ್ತು ಸರ್ ಅವರೊಂದಿಗೆ ಕುಳಿತಿದ್ದೇನೆ ಎಂಬ ಆಲೋಚನೆಗಳು ಒಳಗೆ ಮತ್ತು ಹೊರಗೆ ಹರಿಯುತ್ತಿದ್ದವು, ನನಗೆ ಬಹಳ ಸಂತಸವೆಂದ್ರೆ ನಿಮ್ಮೊಂದಿಗೆ ಬಲವಾದ ಬಂಧವನ್ನು ಹಂಚಿಕೊಂಡಿದ್ದರೂ ಸಹ ನಾನು ಅದೇ ರೀತಿ ಭಾವಿಸುತ್ತೇನೆ ... ಓಹ್ ನಾನು ಎಬಿ ಸರ್ ಅವರೊಂದಿಗೆ ಕುಳಿತಿದ್ದೇನೆ. "

ಎಲ್ಲಾ ಮಾದರಿಯ ಕ್ರಿಕೆಟ್‍ಗೂ ಎಬಿಡಿ ನಿವೃತ್ತಿ: ಮಿಸ್ಟರ್ 360ಗೆ ಧನ್ಯವಾದ ತಿಳಿಸಿದ ಕ್ರಿಕೆಟ್ ಜಗತ್ತುಎಲ್ಲಾ ಮಾದರಿಯ ಕ್ರಿಕೆಟ್‍ಗೂ ಎಬಿಡಿ ನಿವೃತ್ತಿ: ಮಿಸ್ಟರ್ 360ಗೆ ಧನ್ಯವಾದ ತಿಳಿಸಿದ ಕ್ರಿಕೆಟ್ ಜಗತ್ತು

''ನೀವು ಚಿನ್ನದ ಹೃದಯವನ್ನು ಹೊಂದಿದ್ದೀರಿ ಮತ್ತು ನೀವು ನನ್ನನ್ನು ಅತ್ಯುತ್ತಮವಾಗಿ ಅರ್ಥಮಾಡಿಕೊಂಡಿದ್ದೀರಿ ಎಂದು ನನಗೆ ತಿಳಿದಿದೆ. ಖಂಡಿತವಾಗಿಯೂ ನಿಮ್ಮನ್ನು ನಾವು ಮಿಸ್‌ ಮಾಡಿಕೊಳ್ಳುತ್ತೇವೆ. ನೀವು ನನಗೆ ಜೀವನದಲ್ಲಿ ಅನೇಕ ವಿಷಯಗಳನ್ನು ಜಯಿಸಲು ಶಕ್ತಿ ಮತ್ತು ಧೈರ್ಯವನ್ನು ನೀಡಿದ್ದೀರಿ ಮತ್ತು ನಾನು ನಿಮಗೆ ಯಾವಾಗಲೂ ಕೃತಜ್ಞರಾಗಿರುತ್ತೇನೆ. ನಾನು ನಿಮ್ಮೊಂದಿಗೆ ಹಂಚಿಕೊಂಡ ಪ್ರತಿ ಕ್ಷಣಕ್ಕೆ ನಾನು ನಿಜವಾಗಿಯೂ ಕೃತಜ್ಞನಾಗಿದ್ದೇನೆ ಸರ್. ನೀವು ಅದ್ಭುತ ಕುಟುಂಬವನ್ನು ಹೊಂದಿದ್ದೀರಿ ಮತ್ತು ನಾನು ಇದನ್ನು ಹೆಚ್ಚು ಹೇಳುವುದಿಲ್ಲ ಆದರೆ ನಾನು ಯಾವಾಗಲೂ ಅಲ್ಲಿಯೇ ಇರುತ್ತೇನೆ , ನಿಮ್ಮನ್ನು ಪ್ರೀತಿಸುತ್ತೇನೆ ಸರ್. ನೀವು ನನ್ನ ದಂತಕಥೆ ಮತ್ತು ನಾನು ಎಂದೆಂದಿಗೂ ನಿಮ್ಮ ದೊಡ್ಡ ಅಭಿಮಾನಿ'' ಎಂದು ಯುಜವೇಂದ್ರ ಚಹಾಲ್ ಮನಬಿಚ್ಚಿ ಮಾತನಾಡಿದ್ದಾರೆ.

ಯುಜವೇಂದ್ರ ಚಹಾಲ್ 2014ರಿಂದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ಫ್ರಾಂಚೈಸಿ ಪರ ಆಡುತ್ತಿದ್ದು, 2021ರವರೆಗೆ ಒಟ್ಟು ಏಳು ಸೀಸನ್‌ಗಳಲ್ಲಿ ಎಬಿ ಡಿವಿಲಿಯರ್ಸ್ ಆಡಿದ್ದಾರೆ. ಎಬಿ ಡಿವಿಲಿಯರ್ಸ್‌ ಇಂದು (ನ. 19) ತಮ್ಮ ಅಧಿಕೃತ ಟ್ವಿಟ್ಟರ್ ಹ್ಯಾಂಡಲ್‌ನಲ್ಲಿ ತಮ್ಮ ನಿವೃತ್ತಿಯ ಸುದ್ದಿಯನ್ನು ಟ್ವೀಟ್ ಮಾಡುವ ಮೂಲಕ ಎಲ್ಲಾ ಮಾದರಿಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದರು.

Story first published: Saturday, November 20, 2021, 9:45 [IST]
Other articles published on Nov 20, 2021
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X