Click it and Unblock the Notifications
ನಿವೃತ್ತಿ ಘೋಷಿಸಲು ಚಿಂತಿಸಿದ್ದೆ ಎಂದ ರವಿಚಂದ್ರನ್ ಅಶ್ವಿನ್
"ನಾನು ಹಲವಾರು ಕಾರಣಗಳಿಂದ ಕ್ರಿಕೆಟ್ ನಿವೃತ್ತಿ ಪಡೆಯುವ ಚಿಂತನೆಯನ್ನು ನಡೆಸಿದ್ದೆ. ನಾನೂ ಗಾಯಕ್ಕೊಳಗಾಗಿದ್ದರು ಸಹ ಯಾರೊಬ್ಬರೂ ನನ್ನ ಬೆಂಬಲಕ್ಕೆ ಬರಲಿಲ್ಲ, ಹೀಗಾಗಿ ಜನರಿಗೆ ನನ್ನ ಗಾಯದ ಸಮಸ್ಯೆ ಸೂಕ್ಷ್ಮವಾದ ವಿಚಾರವಲ್ಲ ಎಂದು ನನಗೆ ಅನಿಸಿತ್ತು. ಹೀಗೆ ಗಾಯದ ಸಮಸ್ಯೆಗೆ ಒಳಗಾದ ಹಲವಾರು ಆಟಗಾರರನ್ನು ಬೆಂಬಲಿಸಿದ್ದ ಸದಸ್ಯರು ನನಗೇಕೆ ಬೆಂಬಲ ನೀಡಲಿಲ್ಲ ಎಂಬ ಪ್ರಶ್ನೆಯೂ ಕಾಡಿತ್ತು" ಎಂದು ರವಿಚಂದ್ರನ್ ಅಶ್ವಿನ್ ಬೇಸರ ವ್ಯಕ್ತಪಡಿಸಿದರು.
ನಾನು ತಂಡಕ್ಕೆ ಅಪಾರ ಕೊಡುಗೆ ನೀಡಿದ್ದೆ, ಆದರೆ ತಂಡದಿಂದ ಬೆಂಬಲ ಬರಲಿಲ್ಲ
ಹೀಗೆ ಗಾಯದ ಸಮಸ್ಯೆಗೆ ಒಳಗಾಗಿ ಅವಕಾಶಗಳನ್ನು ಕಳೆದುಕೊಂಡು ಬೆಂಬಲ ಸಿಗದೇ ಒಂಟಿಯಾಗಿದ್ದ ದಿನಗಳನ್ನು ಮೆಲುಕು ಹಾಕಿರುವ ರವಿಚಂದ್ರನ್ ಅಶ್ವಿನ್ ನಾನು ತಂಡಕ್ಕೆ ಅಪಾರ ಕೊಡುಗೆಗಳನ್ನು ನೀಡಿದ್ದು ಹಲವಾರು ಪಂದ್ಯಗಳನ್ನು ಗೆಲ್ಲಿಸಿದ್ದೇನೆ, ಆದರೂ ಸಹ ನನಗೆ ತಂಡದಿಂದ ಸಿಗಬೇಕಾದ ಬೆಂಬಲ ಮಾತ್ರ ಸಿಗದೇ ಇದ್ದದ್ದು ಮನಸ್ಸಿಗೆ ತುಂಬಾ ಬೇಸರ ತಂದೊಡ್ಡಿತ್ತು ಎಂದು ರವಿಚಂದ್ರನ್ ಅಶ್ವಿನ್ ಆ ಕೆಟ್ಟ ದಿನಗಳನ್ನು ನೆನಪಿಸಿಕೊಂಡಿದ್ದಾರೆ.
ಆ ಸಮಯದಲ್ಲಿ ನನ್ನ ಬೆಂಬಲಕ್ಕೆ ನಿಂತದ್ದು ಈ ಇಬ್ಬರೇ ಎಂದ ಅಶ್ವಿನ್
2018ರಲ್ಲಿ ಸೌತಾಂಪ್ಟನ್ ಕ್ರೀಡಾಂಗಣದಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆದ ಪಂದ್ಯ ಮತ್ತು ಅದೇ ವರ್ಷ ಅಡಿಲೇಡ್ ಕ್ರೀಡಾಂಗಣದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ನಡೆದ ಪಂದ್ಯದ ನಂತರ ಗಾಯದ ಸಮಸ್ಯೆಗೆ ಒಳಗಾಗಿ ಹೊರಬಿದ್ದ ರವಿಚಂದ್ರನ್ ಅಶ್ವಿನ್ ಆ ಸಮಯದಲ್ಲಿ ತಂಡದ ಸದಸ್ಯರಾರೂ ಬೆಂಬಲ ಸೂಚಿಸದೆ ಇದ್ದಾಗ ತನಗೆ ಸಂಪೂರ್ಣ ಬೆಂಬಲ ನೀಡಿದ ತನ್ನ ಪತ್ನಿ ಮತ್ತು ತಂದೆಯನ್ನು ಹೊಗಳಿದ್ದಾರೆ. ಆ ಸಮಯದಲ್ಲಿ ತನ್ನ ಪತ್ನಿ ಸದಾ ತನ್ನೊಡನೆ ಮಾತನಾಡುತ್ತಾ ಧೈರ್ಯ ತುಂಬುತ್ತಿದ್ದರು ಮತ್ತು ತನ್ನ ತಂದೆ ವೈಟ್ ಬಾಲ್ ಕ್ರಿಕೆಟ್ ಮಾದರಿಗಳಲ್ಲಿ ಮತ್ತೆ ತನ್ನನ್ನು ಸಾಯುವುದರೊಳಗೆ ಖಂಡಿತಾ ನೋಡುತ್ತೇನೆ ಎಂದು ಧೈರ್ಯವನ್ನು ತುಂಬಿದರು ಎಂದು ರವಿಚಂದ್ರನ್ ಅಶ್ವಿನ್ ಹೇಳಿಕೊಂಡಿದ್ದಾರೆ.
