ಆಟಗಾರರ, ಸಿಬ್ಬಂದಿ ರಕ್ಷಣೆಗೆ ಕ್ರಮ
ಕ್ರಿಕೆಟ್ ಪುನರಾರಂಭವಾದಾಗ ಕೋವಿಡ್-19ನಿಂದ ಆಟಗಾರರು ಮತ್ತು ಅಧಿಕಾರಿಗಳನ್ನು ರಕ್ಷಿಸುವ ನಿಟ್ಟಿನಲ್ಲಿ ಅನಿಲ್ ಕುಂಬ್ಳೆ ಮುಂದಾಳತ್ವದ ಕ್ರಿಕೆಟ್ ಸಮಿತಿ ಶಿಫಾರಸು ಮಾಡಿದ್ದ ಬದಲಾವಣೆಗಳಿಗೆ ಐಸಿಸಿ ಮುಖ್ಯ ಕಾರ್ಯನಿವರ್ಹಣಾಧಿಕಾರಿಗಳ ಸಮಿತಿ (ಸಿಇಸಿ) ಅನುಮೋದಿಸಿದೆ ಎಂದು ಐಸಿಸಿ ಪತ್ರಿಕಾ ಪ್ರಕಟಣೆಯ ಮೂಲಕ ತಿಳಿಸಿದೆ.
ಆಟಗಾರರ ಬದಲಾವಣೆ
ಟೆಸ್ಟ್ ಪಂದ್ಯದ ವೇಳೆ ಆಟಗಾರರಿಗೆ ಕೋವಿಡ್-19 ಗುಣಲಕ್ಷಣಗಳು ಕಂಡುಬಂದರೆ ಆ ಆಟಗಾರನ ಬದಲಿಗೆ ಬೇರೊಬ್ಬನನ್ನು ಮೈದಾನಕ್ಕಿಳಿಸಲು ಅವಕಾಶ ನೀಡಲಾಗಿದೆ. ಆಟಗಾರನ ಬದಲಾವಣೆ ವಿಚಾರದಲ್ಲಿ, ಮ್ಯಾಚ್ ರೆಫರೀ ಅನುಮೋದನೆ ನೀಡಲಿದ್ದಾರೆ. ಆದರೆ ಆಟಗಾರರ ಬದಲಾವಣೆ ಏಕದಿನ ಮತ್ತು ಟಿ20ಐ ಕ್ರಿಕೆಟ್ನಲ್ಲಿ ಅನ್ವಯವಾಗುವುದಿಲ್ಲ.
ಎಂಜಲು ಬಳಸಿದರೆ ಏನಾಗುತ್ತದೆ?
ಚೆಂಡು ಹೊಳೆಯುವಂತೆ ಮಾಡಲು ಆಟಗಾರರು ಎಂಜಲು ಬಳಸುವಂತಿಲ್ಲ. ಆಟಗಾರನು ಚೆಂಡಿಗೆ ಲಾಲಾರಸವನ್ನು ಅನ್ವಯಿಸಿದರೆ, ಆಟಗಾರರಿಗೆ ಹೊಂದಾಣಿಕೆಯ ಆರಂಭಿಕ ಅವಧಿಯಲ್ಲಿ ಅಂಪೈರ್ಗಳು ಸ್ವಲ್ಪ ಮೃದುತ್ವದಿಂದ ಪರಿಸ್ಥಿತಿಯನ್ನು ನಿರ್ವಹಿಸುತ್ತಾರೆ. ಆದರೆ ಅನಂತರವೂ ಇದೇ ಮುಂದುವರೆದರೆ ತಂಡಕ್ಕೆ ಎಚ್ಚರಿಕೆ ನೀಡಲಾಗುತ್ತದೆ.
ನಾನ್ ನ್ಯೂಟ್ರಲ್ ಅಂಪೈರ್ಸ್
ಕೊರೊನಾವೈರಸ್ ಕಾರಣ ಅಂತಾರಾಷ್ಟ್ರೀಯ ಓಡಾಟ ಈ ಸಂದರ್ಭದಲ್ಲಿ ಸವಾಲಿನದ್ದಾಗಿರುವುದರಿಂದ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಕೆಲ ನಿಯಮಗಳನ್ನು ತೆಗೆದುಹಾಕಲಾಗಿದೆ. ಅಂದರೆ ಎಮಿರೇಟ್ಸ್ ಐಸಿಸಿ ಎಲೈಟ್ ಪ್ಯಾನಲ್ ಆಫ್ ಮ್ಯಾಚ್ ಅಧಿಕಾರಿಗಳಿಂದ ಮತ್ತು ಎಮಿರೇಟ್ಸ್ ಐಸಿಸಿ ಇಂಟರ್ನ್ಯಾಷನಲ್ ಪ್ಯಾನಲ್ ಆಫ್ ಮ್ಯಾಚ್ ಅಧಿಕಾರಿಗಳಿಂದ ಸ್ಥಳೀಯವಾಗಿ ಆಧಾರಿತ ಮ್ಯಾಚ್ ಅಧಿಕಾರಿಗಳನ್ನು ಐಸಿಸಿ ನೇಮಿಸಲಿದೆ.
ಹೆಚ್ಚುವರಿ ಡಿಆರ್ಎಸ್ ರಿವ್ಯೂಗಳು
ಅಂಪೈರ್ಗಳ ನೇಮಕಾತಿಯಲ್ಲಿ ಬದಲಾವಣೆಯಾಗಿರುವುದರಿಂದ ಕೆಲವು ಕಡಿಮೆ ಅನುಭವದ ಅಂಪೈರ್ಗಳು ಕರ್ತವ್ಯ ನಿರ್ವಹಿಸಲಿರುವುದನ್ನು ಗಮನದಲ್ಲಿಟ್ಟುಕೊಂಡಿರುವ ಐಸಿಸಿ, ಡಿಆರ್ಎಸ್ ಅನ್ನು ಹೆಚ್ಚಿಸಿದೆ. ಅಂದರೆ ಟೆಸ್ಟ್ನ ಪ್ರತೀ ಇನ್ನಿಂಗ್ಸ್ನಲ್ಲಿ ರಿವ್ಯೂ ವಿಫಲವಾದರೂ ಒಟ್ಟಿಗೆ ಮೂರು ಡಿಆರ್ಎಸ್ಗಳಿಗೆ ಅವಕಾಶವಿರುತ್ತದೆ. ವೈಟ್ಬಾಲ್ ಕ್ರಿಕೆಟ್ನಲ್ಲಿ ಎರಡು ಡಿಆರ್ಎಸ್ಗಳಿಗೆ ಅವಕಾಶವಿರುತ್ತದೆ.