5ನೇ ಓವರ್ನಲ್ಲಿ ಘಟನೆ
ಈ ಘಟನೆ ನಡೆದಿದ್ದು ಭಾರತದ ಇನ್ನಿಂಗ್ಸ್ನ 5ನೇ ಓವರ್ನಲ್ಲಿ. ರನ್ ಕದಿಯಲು ಓಡುವಾಗ ಕೊಹ್ಲಿ, ಹೆಂಡ್ರಿಕ್ಸ್ಗೆ ತಾಗಿದ್ದರು. ಕೊಹ್ಲಿ ಆ ವೇಳೆ ನಡೆದುಕೊಂಡ ರೀತಿ ಐಸಿಸಿಗೆ ಸರಿ ಕಾಣಿಸಿಲ್ಲ. ಹೀಗಾಗಿ ಶಿಸ್ತಿಗೆ ಸಂಬಂಧಿಸಿ ಕೊಹ್ಲಿಗೆ 1 ನಕಾರಾತ್ಮಕ ಅಂಕ ನೀಡಲಾಗಿದೆ.
3ನೇ ಬಾರಿಗೆ ಡೀಮೆರಿಟ್ ಪಾಯಿಂಟ್
ಕೊಹ್ಲಿ ಈಗ ಐಸಿಸಿಯಿಂದ ಒಟ್ಟು 3 ನಕಾರಾತ್ಮಕ ಅಂಕಗಳನ್ನು ಪಡೆದಂತಾಗಿದೆ. 2018 ಜನವರಿ 15ರಂದು ದಕ್ಷಿಣ ಆಫ್ರಿಕಾ ವಿರುದ್ಧದ ಪ್ರಿಟೋರಿಯಾ ಟೆಸ್ಟ್ನಲ್ಲಿ ಮತ್ತು ಜೂನ್ 22ರಂದು ನಡೆದಿದ್ದ ಪುರುಷರ ಐಸಿಸಿ ಕ್ರಿಕೆಟ್ ವಿಶ್ವಕಪ್ 2019ರಲ್ಲಿ ಅಫ್ಘಾನಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಕೊಹ್ಲಿಗೆ ಒಂದೊಂದು ನಕಾರಾತ್ಮಕ ಅಂಕ ಲಭಿಸಿತ್ತು.
|
ಭಾರತಕ್ಕೆ ಸೋಲು
ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆದಿದ್ದ ಈ ಪಂದ್ಯದಲ್ಲಿ ಬ್ಯಾಟಿಂಗ್ ವೈಫಲ್ಯ ತೋರಿದ್ದ ಕೊಹ್ಲಿ ಪಡೆ, ಪ್ರವಾಸಿ ದಕ್ಷಿಣ ಆಫ್ರಿಕಾ ವಿರುದ್ಧ 9 ವಿಕೆಟ್ ಸೋಲನುಭವಿಸಿತ್ತು. ಆಫ್ರಿಕಾ ಪರ ನಾಯಕ ಕ್ವಿಂಟನ್ ಡಿ ಕಾಕ್ 79 ರನ್ (52 ಎಸೆತ) ನೀಡಿದ್ದರು.
ತಪ್ಪು ಒಪ್ಪಿಕೊಂಡ ಕೊಹ್ಲಿ
ಆಟದ ವೇಳೆ ಕೊಂಚ ವಿಪರೀತವೆಂಬಂತೆ ನಡೆದುಕೊಂಡು ತಪ್ಪೆಸಗಿದ್ದನ್ನು ನಾಯಕ ಕೊಹ್ಲಿ ಒಪ್ಪಿಕೊಂಡಿದ್ದಾರೆ. ಮ್ಯಾಚ್ ರೆಫರೀ ರಿಚೀ ರಿಚರ್ಡ್ಸನ್ ಪ್ರಾಸ್ತಾಪಿಸಿದ ಆರೋಪವನ್ನು ಕೊಹ್ಲಿ ಒಪ್ಪಿಕೊಂಡಿರುವುದರಿಂದ ಈ ಸಂಬಂಧ ಹೆಚ್ಚಿನ ವಿಚಾರಣೆಯ ಅಗತ್ಯವಿಲ್ಲ ಎಂದು ಐಸಿಸಿ ತಿಳಿಸಿದೆ.