923 ರೇಟಿಂಗ್ ಪಾಯಿಂಟ್ಗಳಿಂದ ಅಗ್ರಸ್ಥಾನದಲ್ಲಿ ಜೋ ರೂಟ್
ಜೋ ರೂಟ್ ಎರಡನೇ ಇನ್ನಿಂಗ್ಸ್ನಲ್ಲಿ ಅಜೇಯ 142 ರನ್ ಗಳಿಸಿದ ನಂತರ 923 ರೇಟಿಂಗ್ ಪಾಯಿಂಟ್ ಗಳಿಸಿದ್ದಾರೆ. ಆಗಸ್ಟ್ 2015ರಲ್ಲಿ ಅವರ ಹಿಂದಿನ ಅತ್ಯುತ್ತಮ ಸಾಧನೆಗಿಂತ ಆರು ಪಾಯಿಂಟ್ಗಳು ಹೆಚ್ಚು ಪಡೆದಿದ್ದಾರೆ. ಎರಡನೇ ಸ್ಥಾನದಲ್ಲಿರುವ ಮಾರ್ನಸ್ ಲ್ಯಾಬುಸ್ಚಾಗ್ನೆಗಿಂತ ರೂಟ್ 44 ಪಾಯಿಂಟ್ಗಳ ಮುನ್ನಡೆ ಹೊಂದಿದ್ದಾರೆ. ಪಟ್ಟಿಯಲ್ಲಿ ಮೂರು ಮತ್ತು ನಾಲ್ಕನೇ ಸ್ಥಾನದಲ್ಲಿ ಸ್ಟೀವ್ ಸ್ಮಿತ್ ಮತ್ತು ಬಾಬರ್ ಅಜಮ್ ಆಕ್ರಮಿಸಿಕೊಂಡಿದ್ದಾರೆ.
ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ 146 ಮತ್ತು 57 ರನ್ ಗಳಿಸಿದ ರಿಷಭ್ ಪಂತ್, ಈಗ ವೃತ್ತಿಜೀವನದ ಅತ್ಯುತ್ತಮ ಐದನೇ ಸ್ಥಾನವನ್ನು ತಲುಪಲು ಆರು ಸ್ಥಾನಗಳ ಏರಿಕೆ ಗಳಿಸಿದ ನಂತರ ಸದ್ಯ ಭಾರತದ ಪರ ಅತಿ ಹೆಚ್ಚು ಶ್ರೇಯಾಂಕಿತ ಬ್ಯಾಟರ್ ಆಗಿದ್ದಾರೆ. ವಿಕೆಟ್ಕೀಪರ್-ಬ್ಯಾಟರ್ನ ಹಿಂದಿನ ಅತ್ಯುತ್ತಮ ಏಳನೇ ಸ್ಥಾನವಾಗಿತ್ತು, ಅವರು ಕಳೆದ ವರ್ಷ ಮಾರ್ಚ್ ಮತ್ತು ಆಗಸ್ಟ್ ನಡುವೆ ಏಳನೇ ಸ್ಥಾನವನ್ನು ಆಕ್ರಮಿಸಿಕೊಂಡಿದ್ದರು.
ರವೀಂದ್ರ ಜಡೇಜಾ ಅವರ 104 ಮತ್ತು 23 ಸ್ಕೋರ್
ಜಾನಿ ಬೈರ್ಸ್ಟೋವ್ ಅವರು ನ್ಯೂಜಿಲೆಂಡ್ ವಿರುದ್ಧದ ಮೂರು-ಟೆಸ್ಟ್ ಸರಣಿಯಿಂದ ತಮ್ಮ ಅದ್ಭುತ ಆಟವನ್ನು ಮುಂದುವರೆಸಿದರು. ಇದರಲ್ಲಿ ಅವರು 394 ರನ್ಗಳನ್ನು ಗಳಿಸಿದರು. ಎಡ್ಜ್ಬಾಸ್ಟನ್ನಲ್ಲಿ ಅವಳಿ ಶತಕಗಳು- 106 ಮತ್ತು ಅಜೇಯ 114 ರನ್ಗಳಿಂದ 11 ಸ್ಥಾನದಿಂದ 10ನೇ ಸ್ಥಾನಕ್ಕೆ ಏರಿದರು. 2017ರ ಆಗಸ್ಟ್ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧದ ಸ್ವದೇಶಿ ಸರಣಿಯಲ್ಲಿ ಗಳಿಸಿದ ಅವರ ವೃತ್ತಿಜೀವನದ ಅತ್ಯುತ್ತಮ ಏಳನೇ ಸ್ಥಾನಕ್ಕೆ ತಲುಪಿದ್ದರು.
ಭಾರತದ ಬ್ಯಾಟರ್ ಚೇತೇಶ್ವರ ಪೂಜಾರ ಅವರ ಎರಡನೇ ಇನ್ನಿಂಗ್ಸ್ನಲ್ಲಿ 66 ರನ್ ಗಳಿಸುವ ಮೂಲಕ ಅವರು ಮೂರು ಸ್ಥಾನಗಳನ್ನು ಗಳಿಸಿ 24ನೇ ಸ್ಥಾನಕ್ಕೆ ತಲುಪಲು ಯಶಸ್ವಿಯಾಗಿದ್ದಾರೆ. ಆಲ್ರೌಂಡರ್ ರವೀಂದ್ರ ಜಡೇಜಾ ಅವರ 104 ಮತ್ತು 23 ಸ್ಕೋರ್ಗಳು ಜನವರಿ 2021ರಲ್ಲಿ ಗಳಿಸಿದ ಅವರ ವೃತ್ತಿಜೀವನದ ಅತ್ಯುತ್ತಮ 34ನೇ ಸ್ಥಾನವನ್ನು ಸರಿಗಟ್ಟಲು ಎಂಟು ಸ್ಥಾನಗಳ ಪ್ರಗತಿ ಸಾಧಿಸಿದರು.
ವಿರಾಟ್ ಕೊಹ್ಲಿ 714 ಅಂಕಗಳೊಂದಿಗೆ 13ನೇ ಸ್ಥಾನಕ್ಕೆ ಕುಸಿತ
ಮಾಜಿ ನಾಯಕ ವಿರಾಟ್ ಕೊಹ್ಲಿ 714 ಅಂಕಗಳೊಂದಿಗೆ 13ನೇ ಸ್ಥಾನಕ್ಕೆ ಕುಸಿದಿದ್ದಾರೆ. ಕೋವಿಡ್-19 ಪಾಸಿಟಿವ್ ಪರೀಕ್ಷಿಸಿದ ನಂತರ ಟೆಸ್ಟ್ ಅನ್ನು ಕಳೆದುಕೊಂಡ ನಾಯಕ ರೋಹಿತ್ ಶರ್ಮಾ ಅವರಿಗಿಂತ ವಿರಾಟ್ ಕೊಹ್ಲಿ ಕೆಳಗಿದ್ದಾರೆ ಮತ್ತು ಪ್ರಸ್ತುತ ರೋಹಿತ್ ಶರ್ಮಾ 9ನೇ ಸ್ಥಾನದಲ್ಲಿದ್ದಾರೆ.
ಇಂಗ್ಲೆಂಡ್ ವೇಗದ ಬೌಲರ್ ಜೇಮ್ಸ್ ಆ್ಯಾಂಡರ್ಸನ್ ಮೊದಲ ಇನ್ನಿಂಗ್ಸ್ನಲ್ಲಿ ಐದು ವಿಕೆಟ್ ಸೇರಿದಂತೆ ಒಟ್ಟು ಆರು ವಿಕೆಟ್ಗಳನ್ನು ಪಡೆದು ಆರನೇ ಸ್ಥಾನಕ್ಕೆ ತಲುಪಿದ್ದಾರೆ. ಆದರೆ ನಾಯಕ ಬೆನ್ ಸ್ಟೋಕ್ಸ್ ಮೊದಲ ಡಬ್ಲ್ಯುಟಿಸಿ ಸರಣಿಯ ಪಂದ್ಯವನ್ನು ಒಳಗೊಂಡಿರುವ ಇತ್ತೀಚಿನ ಅಪ್ಡೇಟ್ನಲ್ಲಿ ಎರಡು ಸ್ಥಾನ ಮೇಲಕ್ಕೇರಿ 43ನೇ ಸ್ಥಾನಕ್ಕೆ ತಲುಪಿದ್ದಾರೆ.
ವೃತ್ತಿಜೀವನದ ಅತ್ಯುತ್ತಮ 30ನೇ ಸ್ಥಾನ ಗಳಿಸಿದ ಕ್ಯಾಮರೂನ್ ಗ್ರೀನ್
ಶ್ರೀಲಂಕಾ ಮತ್ತು ಆಸ್ಟ್ರೇಲಿಯಾ ನಡುವೆ ಆಸ್ಟ್ರೇಲಿಯದ ಬ್ಯಾಟರ್ ಕ್ಯಾಮರೂನ್ ಗ್ರೀನ್ ಮೊದಲ ಇನಿಂಗ್ಸ್ನಲ್ಲಿ 77 ರನ್ ಗಳಿಸಿ ಪಂದ್ಯ ಶ್ರೇಷ್ಠ ಆಟಗಾರನಾದ ನಂತರ ವೃತ್ತಿಜೀವನದ ಅತ್ಯುತ್ತಮ 30ನೇ ಸ್ಥಾನವನ್ನು ಗಳಿಸಿದ್ದಾರೆ. ಇದು ಗಾಲೆಯಲ್ಲಿ ನಡೆದ ಕಡಿಮೆ ಸ್ಕೋರಿಂಗ್ ಪಂದ್ಯದಲ್ಲಿ 10 ವಿಕೆಟ್ಗಳ ಜಯವನ್ನು ಸ್ಥಾಪಿಸಲು ಸಹಾಯ ಮಾಡಿತು. ಅವರ ದೇಶವಾಸಿ ಅಲೆಕ್ಸ್ ಕ್ಯಾರಿ ಅವರ ಉಪಯುಕ್ತ 45 ರನ್ ಗಳಿಸಿದ್ದಕ್ಕಾಗಿ 58ನೇ ತಲುಪಿದ್ದಾರೆ. ಆಫ್-ಸ್ಪಿನ್ನರ್ ನಾಥನ್ ಲಿಯಾನ್ ಪಂದ್ಯದಲ್ಲಿ ಒಂಬತ್ತು ವಿಕೆಟ್ಗಳನ್ನು ಮುಗಿಸಿದ ನಂತರ ಬೌಲರ್ಗಳಲ್ಲಿ 18ನೇ ಸ್ಥಾನದಿಂದ 13ನೇ ಸ್ಥಾನಕ್ಕೆ ಏರಿದ್ದಾರೆ.
ಶ್ರೀಲಂಕಾದ ನಿರೋಶನ್ ಡಿಕ್ವೆಲ್ಲಾ ಮೊದಲ ಇನಿಂಗ್ಸ್ನಲ್ಲಿ ಅರ್ಧಶತಕ ಗಳಿಸಿದ ನಂತರ ಬ್ಯಾಟಿಂಗ್ನಲ್ಲಿ 39ನೇ ಸ್ಥಾನದಲ್ಲಿದ್ದಾರೆ ಮತ್ತು ಆಫ್ ಸ್ಪಿನ್ನರ್ ರಮೇಶ್ ಮೆಂಡಿಸ್ ಮೊದಲ ಇನ್ನಿಂಗ್ಸ್ನಲ್ಲಿ ನಾಲ್ಕು ವಿಕೆಟ್ಗಳನ್ನು ಕಬಳಿಸಿದ ನಂತರ ಬೌಲರ್ಗಳಲ್ಲಿ ಐದು ಸ್ಥಾನ ಮೇಲಕ್ಕೆದ್ದು 49ನೇ ಸ್ಥಾನದಲ್ಲಿದ್ದಾರೆ.
ಟಿ20 ಆಟಗಾರರ ರ್ಯಾಂಕಿಂಗ್
ಐಸಿಸಿ ಪುರುಷರ ಟಿ20 ಆಟಗಾರರ ರ್ಯಾಂಕಿಂಗ್ನಲ್ಲಿ ವೆಸ್ಟ್ ಇಂಡೀಸ್ ಬ್ಯಾಟರ್ ರೋವ್ಮನ್ ಪೊವೆಲ್ ಬಾಂಗ್ಲಾದೇಶ ವಿರುದ್ಧದ ತಮ್ಮ ತವರಿನ ಸರಣಿಯ ಎರಡನೇ ಪಂದ್ಯದಲ್ಲಿ ಔಟಾಗದೆ 41 ರನ್ ಗಳಿಸಿ 14 ಸ್ಥಾನ ಮೇಲೇರಿ 43ನೇ ಸ್ಥಾನದಲ್ಲಿದ್ದಾರೆ. ಸ್ಪಿನ್ನರ್ ಅಕೆಲ್ ಹೊಸೈನ್ 10 ಸ್ಥಾನ ಮೇಲೇರಿ ಬೌಲರ್ಗಳ ವೃತ್ತಿಜೀವನದ ಅತ್ಯುತ್ತಮ ಎಂಟನೇ ಸ್ಥಾನದಲ್ಲಿದ್ದಾರೆ. ಎರಡು ಪಂದ್ಯಗಳಲ್ಲಿ ತಲಾ ಒಂದು ವಿಕೆಟ್ ಪಡೆದ ನಂತರ ಬಾಂಗ್ಲಾದೇಶದ ಶೋರ್ಫಿಯುಲ್ ಇಸ್ಲಾಂ ಐದು ಸ್ಥಾನಗಳನ್ನು ಪಡೆದು 30ನೇ ಸ್ಥಾನಕ್ಕೆ ತಲುಪಿದ್ದಾರೆ.
ಪಪುವಾ ನ್ಯೂಗಿನಿ ಬ್ಯಾಟರ್ ಟೋನಿ ಉರಾ ಸಿಂಗಾಪುರದಲ್ಲಿ ನಡೆದ ತಮ್ಮ ಸರಣಿಯ ಎರಡನೇ ಪಂದ್ಯದಲ್ಲಿ ಔಟಾಗದೆ 93 ರನ್ ಗಳಿಸಿ 12 ಸ್ಥಾನ ಮೇಲೇರಿ ಜಂಟಿ-30ನೇ ಸ್ಥಾನ ಪಡೆದಿದ್ದು, ಅವರ ತಂಡದ ಸಹ ಆಟಗಾರ ನಾರ್ಮನ್ ವನುವಾ 51 ಸ್ಥಾನ ಮೇಲೇರಿ 66ನೇ ಸ್ಥಾನಕ್ಕೆ ತಲುಪಿದ್ದಾರೆ.