ಕ್ಲಬ್ ಕ್ರಿಕೆಟ್ ಆಟಗಾರ
ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಕಾಲಿರಿಸುವುದಕ್ಕೂ ಮುನ್ನ ಜೋಫ್ರಾ ಆರ್ಚರ್ ಸಸೆಕ್ಸ್ ಕೌಂಟಿ ಕ್ರಿಕೆಟ್ ಕ್ಲಬ್ಗಾಗಿ ಆಡುತ್ತಿದ್ದರು. ಪಾಕಿಸ್ತಾನ ವಿರುದ್ಧ ಸರಣಿಯ ಏಕಮಾತ್ರ ಟಿ20 ಪಂದ್ಯದಲ್ಲಿ ಜೋಫ್ರಾ 29 ರನ್ಗೆ 2 ವಿಕೆಟ್ ಕೆಡವಿದ್ದರು. ಅದಕ್ಕೂ ಹಿಂದೆ ಐರ್ಲೆಂಡ್ ವಿರುದ್ಧದ ಪಾದಾರ್ಪಣೆ ಪಂದ್ಯದಲ್ಲೂ ಆರ್ಚರ್ಗೆ ಚೊಚ್ಚಲ ಏಕದಿನ ವಿಕೆಟ್ ಲಭಿಸಿತ್ತು.
ಎರಡನೇ ಪಂದ್ಯದಲ್ಲೂ ವಿಕೆಟ್
ಪಾಕ್-ಇಂಗ್ಲೆಂಡ್ ನಡುವಿನ ಮೊದಲ ಏಕದಿನ ಪಂದ್ಯದಲ್ಲೂ ಎರಡನೇ ಅಂತಾರಾಷ್ಟ್ರೀಯ ಏಕದಿನ ಪಂದ್ಯವನ್ನಾಡಿದ್ದ ಆರ್ಚರ್ ಮತ್ತು ಪ್ಲಂಕೆಟ್ ತಲಾ 1 ವಿಕೆಟ್ ಮುರಿದಿದ್ದರು. ಈ ಪಂದ್ಯದಲ್ಲಿ ಪಾಕಿಸ್ತಾನ 19 ಓವರ್ ವರೆಗೆ ಆಡಿತ್ತು. ನಂತರ ಮಳೆಯ ಕಾರಣ ಪಂದ್ಯವನ್ನು ಫಲಿತಾಂಶವಿಲ್ಲವೆಂದು ಘೋಷಿಲಾಯ್ತು.
ರಾಜಸ್ಥಾನ್ ರಾಯಲ್ಸ್ನಲ್ಲಿದ್ದ ಆಲ್ ರೌಂಡರ್
ಐರ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಜೋಫ್ರಾ ಆರ್ಚರ್ ಜೊತೆ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪಾದಾರ್ಪಣೆ ಮಾಡಿದ್ದ ಪ್ಲಂಕೆಟ್ ಮಾತನಾಡುತ್ತ, 'ಆತ (ಆರ್ಚರ್) ಉತ್ತಮ ಪ್ರದರ್ಶನ ನೀಡಿದ್ದಾರೆ. ವಿಕೆಟ್ ಪಡೆದಿದ್ದಾರೆ. ಜೋಫ್ರಾ ಬ್ಯಾಟಿಂಗ್ ಕೂಡ ಮಾಡುವುದರಿಂದ ವಿಶ್ವಕಪ್ನಲ್ಲಿ ಅವರಿಂದ ತಂಡಕ್ಕೆ ಅನುಕೂಲವಾಗಲಿದೆ' ಎಂದರು. ಆಲ್ ರೌಂಡರ್ ಆರ್ಚರ್ ಐಪಿಎಲ್ನಲ್ಲಿ ರಾಜಸ್ಥಾನ್ ರಾಯಲ್ಸ್ ಪರ ಆಡಿದ್ದರು.
ವಿಶ್ವಕಪ್ಗಾಗಿ ಇಂಗ್ಲೆಂಡ್ ತಂಡ
ಅಲೆಕ್ಸ್ ಹೇಲ್ಸ್ ಇಂಗ್ಲೆಂಡ್ ತಂಡದಿಂದ ಹೊರ ಬಿದ್ದಿರುವುದರಿಂದ ಆರ್ಚರ್ಗೆ ಸ್ಥಾನ ಲಭಿಸುವ ಸಾಧ್ಯತೆಯೂ ಇದೆ. ಸದ್ಯ ಇಂಗ್ಲೆಂಡ್ (14 ಜನರ) ತಂಡದಲ್ಲಿ ಇಯಾನ್ ಮಾರ್ಗನ್, ಜೇಸನ್ ರಾಯ್, ಜೋ ರೂಟ್, ಬೆನ್ ಸ್ಟೋಕ್ಸ್, ಮೊಯೀನ್ ಅಲಿ, ಜೋ ಡೆನ್ಲಿ, ಕ್ರಿಸ್ ವೋಕ್ಸ್, ಟಾಮ್ ಕರನ್, ಡೇವಿಡ್ ವಿಲ್ಲೆ, ಜಾನಿ ಬೇರ್ಸ್ಟೋವ್, ಜೋಸ್ ಬಟ್ಲರ್, ಲಿಯಾಮ್ ಪ್ಲಂಕೆಟ್, ಆದಿಲ್ ರಶೀದ್ ಮತ್ತು ಮಾರ್ಕ್ ವುಡ್ ಇದ್ದಾರೆ.