ಸಿಡ್ನಿ, ಮೇ 20: ಮೇ 30ರಿಂದ ಆರಂಭಗೊಳ್ಳಲಿರುವ ಐಸಿಸಿ ಕ್ರಿಕೆಟ್ ವಿಶ್ವಕಪ್ 2019ರಲ್ಲಿ ಟ್ರೋಫಿ ಗೆಲ್ಲುವ ಪಕ್ಕಾ ತಂಡವನ್ನು ಆಸ್ಟ್ರೇಲಿಯಾ ಮಾಜಿ ನಾಯಕ ರಿಕಿ ಪಾಂಟಿಂಗ್ ಹೆಕ್ಕಿ ತೆಗೆದಿದ್ದಾರೆ. ಆತಿಥೇಯ ಇಂಗ್ಲೆಂಡ್ ಈ ಸಾರಿ ಕಪ್ ಗೆಲ್ಲೋ ನೆಚ್ಚಿನ ತಂಡ ಎಂದು ಪಾಂಟಿಂಗ್ ಹೇಳಿದ್ದಾರೆ.
ಏಕದಿನ ವಿಶ್ವಕಪ್ಗೆ ತನ್ನ ಸ್ಟಾರ್ ಬೌಲರ್ಗಳನ್ನು ಕರೆತಂದ ಪಾಕಿಸ್ತಾನ!
ತವರು ನೆಲದಲ್ಲೇ ಟೂರ್ನಿ ನಡೆಯುತ್ತಿರುವುದರಿಂದ ಇಯಾನ್ ಮಾರ್ಗನ್ ಬಳಗಕ್ಕೆ ಟ್ರೋಫಿ ಗೆಲ್ಲೋದು ಸುಲಭವಾಗಲಿದೆ. ಅಲ್ಲದೆ ಸದ್ಯ ಇಂಗ್ಲೆಂಡ್ ತಂಡ ಭರ್ಜರಿ ಫಾರ್ಮ್ನಲ್ಲಿರೋದೂ ತಾನು ಇಂಗ್ಲೆಂಡ್ ತಂಡವನ್ನು ನೆಚ್ಚಿನ ತಂಡವಾಗಿ ಆರಿಸಲು ಕಾರಣ ಎಂದು ಎರಡು ಸಾರಿ ವಿಶ್ವಕಪ್ ವಿಜೇತ ತಂಡದ ನಾಯಕ ರಿಕಿ ಹೇಳಿಕೊಂಡಿದ್ದಾರೆ.
Steve Smith grabbed David Warner after training for some overarm throws, testing out that heavily strapped right elbow.
— Sam Landsberger 🗯 (@SamLandsberger) May 18, 2019
Justin Langer: “Are they going to throw like Andrew Symonds or Ricky Ponting? Probably not at the moment but they’re certainly working towards that.” #CWC19 pic.twitter.com/SZhFND9JK9
ವಿಶ್ವಕಪ್ ಬಗ್ಗೆ ಮಾತನಾಡುತ್ತ ಪಾಂಟಿಂಗ್, 'ಇಂಗ್ಲೆಂಡ್ ತಂಡ ಭಾರತ ಮತ್ತು ಆಸ್ಟ್ರೇಲಿಯಾ ವಿರುದ್ಧ ಕಠಿಣ ಸ್ಪರ್ಧೆ ಎದುರಿಸಲಿದೆ. ಆದರೆ ಎರಡೂ ತಂಡಗಳ ಕಠಿಣ ಸ್ಪರ್ಧೆಯಲ್ಲಿ ಇಂಗ್ಲೆಂಡ್ ಮೇಲುಗೈ ಸಾದಿಸುವ ಸಾಧ್ಯತೆ ಹೆಚ್ಚಿದೆ' ಎಂದು ವಿವರಿಸಿದರು.
ಅಂತಾರಾಷ್ಟ್ರೀಯ ಕ್ರಿಕೆಟ್ನಿಂದ ಕೆಚ್ಚೆದೆಯ ಬ್ಯಾಟ್ಸ್ಮನ್ ಯುವರಾಜ್ ನಿವೃತ್ತಿ!?
ಇಂಗ್ಲೆಂಡ್ ತಂಡವನ್ನು ಪಾಂಟಿಂಗ್ ಬಲಿಷ್ಠ ತಂವಾಗಿ ಬಿಂಬಿಸಲು ಕಾರಣವಿದೆ. ಇಂಗ್ಲೆಂಡ್ ಸದ್ಯ ಏಕದಿನ ಕ್ರಿಕೆಟ್ನಲ್ಲಿ ನಂ.1 ಸ್ಥಾನದಲ್ಲಿದೆ. ಇತ್ತೀಚೆಗಷ್ಟೇ ಮುಕ್ತಾಯಗೊಂಡ ಪ್ರವಾಸಿ ಪಾಕಿಸ್ತಾನ ವಿರುದ್ಧ ಐದು ಪಂದ್ಯಗಳ ಏಕದಿನ ಸರಣಿಯ 4 ಪಂದ್ಯಗಳಲ್ಲಿ (ಒಂದು ಪಂದ್ಯ ಟೈ) 340+ ರನ್ ಬಾರಿಸಿತ್ತಲ್ಲದೆ ಎಲ್ಲಾ ಪಂದ್ಯಗಳಲ್ಲೂ ಗೆದ್ದಿತ್ತು!