ಬ್ಯಾಟಿಂಗ್ ತಂತ್ರದ ಕೊರತೆ
ವಿಶೇಷವಾಗಿ ಸ್ಪಿನ್ ಬೌಲಿಂಗ್ಗೆ ಧೋನಿ ಬ್ಯಾಟಿಂಗ್ ತಂತ್ರದ ಕೊರತೆ ಎದುರಿಸುತ್ತಿರುವ ಬಗ್ಗೆ ಕ್ರಿಕೆಟ್ ದಿಗ್ಗಜ ಸಚಿನ್ ಮಾತನಾಡಿದ್ದಾರೆ. 'ಧೋನಿ ಒಬ್ಬ ಅನುಭವಿ ಆಟಗಾರ. ಅವರು ಸಕಾರಾತ್ಮಕ ಪ್ರದರ್ಶನ ನೀಡಲೇಬೇಕು. ಅಫ್ಘಾನ್ ಬೌಲಿಂಗ್ ಉತ್ತಮವಾಗಿದೆ. ಹಾಗಂತ ಭಾರತ 34 ಓವರ್ಗೆ ಕೇವಲ 119 ರನ್ ಗಳಿಸಿದ್ದು ಒಳ್ಳೆಯ ಲಕ್ಷಣವಲ್ಲ' ಎಂದು ಸಚಿನ್ ಇಂಡಿಯಾ ಟುಡೇ ಜೊತೆ ಹೇಳಿಕೊಂಡಿದ್ದಾರೆ.
ನಿಧಾನಗತಿಯ ಬ್ಯಾಟಿಂಗ್
ಭಾರತ ಆಡಿದ್ದ 4 ಪಂದ್ಯಗಳಲ್ಲಿ ಒಂದರಲ್ಲೂ ಧೋನಿ ಗಮನಾರ್ಹ ಬ್ಯಾಟಿಂಗ್ ತೋರಿಸಿರಲಿಲ್ಲ. ಅಫ್ಘಾನ್ ವಿರುದ್ಧದ ಪಂದ್ಯದಲ್ಲೂ ಧೋನಿಯ ನಿಧಾನಗತಿಯ ಬ್ಯಾಟಿಂಗ್ ತಂಡದ ಪಾಲಿಗೆ ದುಬಾರಿಯಾಗುವುದರಲ್ಲಿತ್ತು. ಅದೃಷ್ಟವಶಾತ್ ಭಾರತ ಈ ಪಂದ್ಯವನ್ನು ಗೆದ್ದುಕೊಂಡಿತಾದರೂ ಧೋನಿಯ ಪ್ರದರ್ಶನ ಮತ್ತೆ ಚರ್ಚೆಗೀಡಾಗುವಂತೆ ಮಾಡಿದೆ.
ಸ್ಟ್ರೈಕ್ ರೊಟೇಶನ್ ಚೆನ್ನಾಗಿರಲಿಲ್ಲ
'ಅಫ್ಘಾನ್ ವಿರುದ್ಧ ಧೋನಿ ಸಕಾರಾತ್ಮಕ ಬ್ಯಾಟಿಂಗ್ ತೋರಿಸಬೇಕಿತ್ತು. ಅವರಿಗೆ ಆ ಸಾಮರ್ಥ್ಯ ಇತ್ತು. ಆದರೆ ಅವರ ಸ್ಟ್ರೈಕ್ ರೊಟೇಶನ್ ಚೆನ್ನಾಗಿರಲಿಲ್ಲ. ಅಲ್ಲದೆ ಹೆಚ್ಚು ಡಾಟ್ ಬಾಲ್ಗಳನ್ನು ಎದುರಿಸಿದರು. ಮಧ್ಯಮ ಕ್ರಮಾಂಕದಲ್ಲಿ ಬರುವ ಬ್ಯಾಟ್ಸ್ಮನ್ನ ಉದ್ದೇಶ ಉತ್ತಮವಿರಬೇಕಿದೆ' ಎಂದು ಸಚಿನ್ ಹೇಳಿದ್ದಾರೆ.
ಭಾರತ ಇಕ್ಕಟ್ಟಿಗೆ ಸಿಲುಕಿತ್ತು
ವಿರಾಟ್ ಕೊಹ್ಲಿ ಬಳಗ ಈವರೆಗೆ ಆಡಿರುವ ನಾಲ್ಕೂ ಮೈದಾನಕ್ಕಿಳಿದಿದ್ದ ಧೋನಿ ಕ್ರಮವಾಗಿ 34, 27, 1, 28 ರನ್ಗಳನ್ನು ಗಳಿಸಿದ್ದರು. ಅದರಲ್ಲೂ ಅಫ್ಘಾನ್ ವಿರುದ್ಧ ಆಟದ ನಿರೀಕ್ಷೆಯಿದ್ದ ರೋಹಿತ್ ಶರ್ಮಾ, ವಿಜಯ್ ಶಂಕರ್ ಅಂಥ ಬ್ಯಾಟಿಂಗ್ ತೋರಿಸಿದ್ದರಿಂದ ಧೋನಿ ಮೇಲೆ ನಿರೀಕ್ಷೆ ಹೆಚ್ಚಿತ್ತು. ಧೋನಿಯೂ ಔಟ್ ಆದಾಗ ಭಾರತ ನಿಜಕ್ಕೂ ಇಕ್ಕಟ್ಟಿಗೆ ಸಿಲುಕಿತ್ತು. ಆದರೆ ಅಂತೂ ಭಾರತ ಗೆಲುವಿನೊಂದಿಗೆ ನಿಟ್ಟುಸಿರು ಬಿಟ್ಟಿತ್ತು.