ಶ್ರೇಷ್ಠ ಬ್ಯಾಟ್ಸ್ಮನ್ಗಳು
ನಾಟಿಂಗ್ಹ್ಯಾಮ್ ನ ಟ್ರೆಂಡ್ ಬ್ರಿಡ್ಜ್ನಲ್ಲಿ ಗುರುವಾರ (ಜೂನ್ 13) ನಡೆಯುವ ವಿಶ್ವಕಪ್ 18ನೇ ಪಂದ್ಯದಲ್ಲಿ ಭಾರತ ಮತ್ತು ನ್ಯೂಜಿಲ್ಯಾಂಡ್ ತಂಡಗಳು ಕಾದಾಡಲಿವೆ. ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಇಬ್ಬರೂ ಸದ್ಯ ಏಕದಿನ ರ್ಯಾಂಕಿಂಗ್ನಲ್ಲಿ ಅಗ್ರಸ್ಥಾನಿ ಬ್ಯಾಟ್ಸ್ಮನ್ ಆಗಿರುವುದರಿಂದ ಭಾರತವನ್ನೆದುರಿಸೋದು ಕಿವೀಸ್ಗೆ ಸಹಜವಾಗೇ ಸವಾಲೆನಿಸಿದೆ.
ಸೋಲಿಸುವ ಅಪೂರ್ವ ಅವಕಾಶ
'ಶ್ರೇಷ್ಠ ಬ್ಯಾಟ್ಸ್ಮನ್ಗಳಿರುವುದರಿಂದ ಟೂರ್ನಿಯ ಬಲಿಷ್ಠ ತಂಡವಾಗಿ ವಿರಾಟ್ ಕೊಹ್ಲಿ ಬಳಗ ಗುರುತಿಸಿಕೊಂಡಿದೆ. ಆದರೆ ಇಂಗ್ಲೆಂಡ್ನಲ್ಲಿ ಭಾರತವನ್ನು ಸೋಲಿಸುವ ಅಪೂರ್ವ ಅವಕಾಶವನ್ನು ನಾವು ಮುಂದೆ ನೋಡುತ್ತಿದ್ದೇವೆ. ಇಂಗ್ಲೆಂಡ್ನಲ್ಲಿ ಬಹಳ ದಿನಗಳ ನಂತರ ನಾವು ಭಾರತದೆದುರು ಆಡುತ್ತಿದ್ದೇವೆ. ಖಂಡಿತಾ ನಾವು ಗೆಲುವಿನ ನಿರೀಕ್ಷೆ ಹೊಂದಿದ್ದೇವೆ' ಎಂದು ಫರ್ಗುಸನ್ ಹೇಳಿದರು.
ಹಿಂದಿನ ಪಂದ್ಯದ ಲೆಕ್ಕಾಚಾರ
ಆಸೀಸ್ ವಿರುದ್ಧ ಭಾರತ ಮೊದಲ 10 ಓವರ್ಗಳಲ್ಲಿ 41 ರನ್ ಕಲೆ ಹಾಕಿತ್ತು. ಆದರೆ ಅಂತಿಮ 10 ಓವರ್ಗಳಲ್ಲಿ ಭರ್ಜರಿ 116 ರನ್ ಸೇರಿಸಿದ್ದ ಭಾರತ, ಹಾಲಿ ಚಾಂಪಿಯನ್ನರನ್ನು 36 ರನ್ಗಳಿಂದ ಸೋಲಿಸಿತ್ತು. ಈ ಅಂಕಿ-ಅಂಶಗಳನ್ನು ಲೆಕ್ಕ ಹಾಕಿರುವ ನ್ಯೂಜಿಲ್ಯಾಂಡ್, ಭಾರತವನ್ನು ಸೋಲಿಸುವ ಯೋಚನೆಯಲ್ಲಿದೆ. ಆದರೆ ಕಿವೀಸ್ ಗೆಲ್ಲೋಕೆ ಕೊಹ್ಲಿ ಬಳಗ ಬಿಟ್ಟೀತಾ?!
ಒತ್ತಡ ಹೇರಿ ಗೆಲ್ಲುತ್ತೇವೆ
ಮಾತು ಮುಂದುವರೆಸಿದ ಲಾಕಿ, 'ಅಂದರೆ ನಾವು ಭಾರತ ವಿರುದ್ಧ ಹೆಚ್ಚು ಡಾಟ್ ಬಾಲ್ಗಳನ್ನು ಎಸೆಯಲು ಯೋಚಿಸಿದ್ದೇವೆ. ಅಲ್ಲದೆ ವಿಕೆಟ್ ಕೂಡ ಉರುಳಿಸಿ ಎದುರಾಳಿಗೆ ಒತ್ತಡ ಹೇರಿ ಪಂದ್ಯ ಗೆದ್ದುಕೊಳ್ಳೋದು ನಮ್ಮ ಯೋಜನೆ' ಎಂದು ವಿವರಿಸಿದರು.