ಲಂಡನ್, ಮೇ 23: ಮೇ 30ರಿಂದ ಆರಂಭಗೊಳ್ಳುತ್ತಿರುವ ಪುರುಷರ ಐಸಿಸಿ ವಿಶ್ವಕಪ್ ಟೂರ್ನಿಯ ಅತೀ ಬಲಿಷ್ಠ ತಂಡವನ್ನು ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಹೆಕ್ಕಿ ತೆಗೆದಿದ್ದಾರೆ. ತವರಿನಲ್ಲೇ ಪಂದ್ಯ ನಡೆಯುತ್ತಿರುವುದರಿಂದ ಇಂಗ್ಲೆಂಡ್ ತಂಡ ಟೂರ್ನಿಯ ಅತೀ ಬಲಿಷ್ಠ ತಂಡವೆನಿಸಿದೆ ಕೊಹ್ಲಿ ಹೇಳಿದ್ದಾರೆ.
ವಿಶ್ವಕಪ್: ಆಸ್ಟ್ರೇಲಿಯಾ ತಂಡದ ದೌರ್ಬಲ್ಯ ಬಿಚ್ಚಿಟ್ಟ ರಿಕಿ ಪಾಂಟಿಂಗ್!
'ಇಂಗ್ಲೆಂಡ್ ಮತ್ತು ವೇಲ್ಸ್ನಲ್ಲಿ ಈ ಪಂದ್ಯಾಟ ನಡೆಯುತ್ತಿರುವುದರಿಂದ ಇಂಗ್ಲೆಂಡ್ ಪ್ರಬಲ ತಂಡವಾಗಿ ಕಾಣಿಸಿದೆ. ಹಾಗೆ ನೋಡಿದರೆ ಎಲ್ಲಾ ತಂಡಗಳೂ ಬಲಿಷ್ಠ ಮತ್ತು ಸಮತೋಲಿತವಾದುದು' ಎಂದು ಸುದ್ದಿಗೋಷ್ಠಿಯಲ್ಲಿ ಮಾತನಾಡುತ್ತ ಕೊಹ್ಲಿ ತಿಳಿಸಿದರು.
This will be the most challenging World Cup: @imVkohli #TeamIndia 👊🤜🤛 pic.twitter.com/1weUxbl2hn
— BCCI (@BCCI) May 21, 2019
ರೌಂಡ್ ರಾಬಿನ್ ಮಾದರಿಯ ಟೂರ್ನಿಯಲ್ಲಿ ಎಲ್ಲಾ 10 ತಂಡಗಳೂ ಲೀಗ್ ಹಂತದಲ್ಲಿ ಪರಸ್ಪರ ಒಮ್ಮೆ ಕಾದಾಡುತ್ತಿವೆ. ಈ ಬಗ್ಗೆಯೂ ಮಾತನಾಡಿದ ಕೊಹ್ಲಿ, ಪ್ರತೀ 10 ತಂಡಗಳೂ ಲೀಗ್ ಹಂತದಲ್ಲಿ ಒಮ್ಮೆ ಮುಖಾಮುಖಿಯಾಗುತ್ತಿರುವುದರಿಂದ ಈ ಬಾರಿಯ ವಿಶ್ವಕಪ್ ಭಾರೀ ಜಿದ್ದಾಜಿದ್ದಿಯದ್ದಾಗಲಿದೆ' ಎಂದು ಎಂದರು.
ವಿಶ್ವಕಪ್: ಲಾರ್ಡ್ಸ್ನಲ್ಲೂ ವೆಸ್ಟ್ ಇಂಡೀಸ್ ಗಂಗ್ನಮ್ ಡ್ಯಾನ್ಸ್ ಮಾಡುತ್ತಾ?
ಏಕದಿನ ರ್ಯಾಂಕಿಂಗ್ನಲ್ಲಿ ನಂ.1 ಸ್ಥಾನದಲ್ಲಿದ್ದುಕೊಂಡು ಇಂಗ್ಲೆಂಡ್ ತಂಡ ವಿಶ್ವಕಪ್ ಕಣಕ್ಕಿಳಿಯುತ್ತಿದೆ. ಭಾರತ ತಂಡ ದ್ವಿತೀಯ ರ್ಯಾಂಕ್ನಲ್ಲಿದ್ದುಕೊಂಡು ಕಾದಾಡುತ್ತಿದೆ. ವಿಶ್ವಕಪ್ ಉದ್ಘಾಟನಾ ಪಂದ್ಯವಾಗಿ ಮೇ 30ರಂದು ಆತಿಥೇಯ ಇಂಗ್ಲೆಂಡ್, ದಕ್ಷಿಣ ಆಫ್ರಿಕಾದ ಸವಾಲು ಸ್ವೀಕರಿಸಲಿದೆ.