ಗೆದ್ದೋರಿಗೆ ಭರ್ಜರಿ ಹಣ
ಚೊಚ್ಚಲ ಆವೃತ್ತಿ ಐಸಿಸಿ ವರ್ಲ್ಡ್ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಪಂದ್ಯದಲ್ಲಿ ಗೆದ್ದೋರಿಗೆ ದೊಡ್ಡ ಮೊತ್ತದ ಹಣ ಸಿಗಲಿದೆ. ಚಾಂಪಿಯನ್ಸ್ ತಂಡ ಬರೋಬ್ಬರಿ 1.6 ಮಿಲಿಯನ್ ಡಾಲರ್ (11,71,75,120 ರೂ.) ನಗದು ಪುರಸ್ಕಾರ ಪಡೆದುಕೊಳ್ಳಲಿದೆ ಎಂದು ಐಸಿಸಿ ಸಿಇಒ ಜೆಫ್ ಅಲ್ಲಾರ್ಡೈಸ್ ಸೋಮವಾರ (ಜೂನ್ 14) ಘೋಷಿಸಿದ್ದಾರೆ.
ಪಂದ್ಯ ಡ್ರಾ ಆದ್ರೆ ಏನ್ ಕತೆ?
ಫೈನಲ್ನಲ್ಲಿ ಗೆಲ್ಲೋ ತಂಡ 1.6 ಮಿಲಿಯನ್ ಡಾಲರ್ ನಗದು ತನ್ನದಾಗಿಸಿಕೊಂಡರೆ, ರನ್ನರ್ಸ್ ತಂಡ 800000 ಡಾಲರ್ (ಸುಮಾರು 58,38,8434 ರೂ.) ಪುರಸ್ಕಾರ ಗೆಲ್ಲಲಿದೆ. ಹಾಗಾದರೆ ಪಂದ್ಯ ಡ್ರಾ ಆದರೆ ಏನ್ ಕತೆ? ಪಂದ್ಯ ಡ್ರಾ ಆದರೆ ನಗದು ಪುರಸ್ಕಾರ ಎರಡೂ ತಂಡಗಳಿಗೂ ಹಂಚಿ ಹೋಗಲಿದೆ.
ಯಾವ ತಂಡ ಗೆಲ್ಲುತ್ತೆ?
ಐಸಿಸಿ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ನಲ್ಲಿ ಯಾವ ತಂಡ ಗೆಲ್ಲಲಿದೆ ಎಂದು ಪ್ರಶ್ನಿಸಿದರೆ ಹೆಚ್ಚಿನವರು ನ್ಯೂಜಿಲೆಂಡ್ ಎನ್ನುತ್ತಿದ್ದಾರೆ. ಆದರೆ ಭಾರತ ಕೂಡ ಉತ್ತಮ ತಯಾರಿ ನಡೆಸಿದೆ. ಅಭ್ಯಾಸ ಪಂದ್ಯದಲ್ಲಿ ಇಶಾಂತ್ ಶರ್ಮಾ, ರವೀಂದ್ರ ಜಡೇಜಾ, ಶುಬ್ಮನ್ ಗಿಲ್ ಮತ್ತು ರಿಷಭ್ ಪಂತ್ ಉತ್ತಮ ಪ್ರದರ್ಶನ ನೀಡಿದ್ದಾರೆ. ಹೀಗಾಗಿ ಫೈನಲ್ ಪಂದ್ಯ ಸಾಕಷ್ಟು ಕುತೂಹಲ ಮೂಡಿಸಿದೆ. ಜೂನ್ 18ರಿಂದ ಭಾರತೀಯ ಕಾಲಮಾನ 3 PMಗೆ ಪಂದ್ಯ ಆರಂಭಗೊಳ್ಳಲಿದೆ.