ಆಲ್ರೌಂಡರ್ ಆಟಕ್ಕೆ ಹೆಸರಾಗಿರುವ ಆಂಡ್ರ್ಯೂ ರಸೆಲ್
ಕಳೆದ ಬಾರಿಗೆ ಹೋಲಿಸಿದರೆ ಈ ಬಾರಿ ಕೆಕೆಆರ್ ಬಲಾಢ್ಯವಾಗಿ ಕಾಣಿಸುತ್ತಿದೆ. ಆಲ್ರೌಂಡರ್ ಆಟಕ್ಕೆ ಹೆಸರಾಗಿರುವ ಆಂಡ್ರ್ಯೂ ರಸೆಲ್ ತಂಡಕ್ಕೆ ಹೆಚ್ಚಿನ ಆಸರೆಯಾಗಿರುವುದು ಒಂದೆಡೆಯಾದರೆ, ಉಪನಾಯಕರಾಗಿ ಇಯಾನ್ ಮಾರ್ಗನ್ ಇರುವುದು ತಂಡಕ್ಕೆ ಪ್ಲಸ್ ಪಾಯಿಂಟ್.
ಆರಂಭಿಕ ಹಂತದಲ್ಲಿ ಪಂದ್ಯ ಸೋತರೆ ಈ ನಾಯಕನ ತಲೆದಂಡ ನಿಶ್ಚಿತ
ಆದರೆ, ಆರಂಭಿಕ ಹಂತದ ಪಂದ್ಯಗಳಲ್ಲಿ ಕೆಕೆಆರ್ ಸೋತರೆ, ಆ ತಂಡದ ಮಾಲಕರು ಹೆಚ್ಚಿನ ರಿಸ್ಕ್ ತೆಗೆದುಕೊಳ್ಳದೇ, ದಿನೇಶ್ ಕಾರ್ತಿಕ ಅವರನ್ನು ಕೆಳಗಿಳಿಸಲಿದ್ದಾರೆ ಎನ್ನುವ ಸುದ್ದಿ ಹರಿದಾಡುತ್ತಿದೆ. ಹಾಗಾಗಿ, ಮೊದಲ ಪಂದ್ಯದಿಂದಲೇ ತಂಡವನ್ನು ಸಮರ್ಥವಾಗಿ ಮುನ್ನಡೆಸುವ ಜವಾಬ್ದಾರಿ ದಿನೇಶ್ ಕಾರ್ತಿಕ್ ಮೇಲಿದೆ.
ಮ್ಯಾಚ್ ಫಿನಿಷರ್ ಎಂದೇ ಹೆಸರು ಪಡೆದಿರುವ ಇಯಾನ್ ಮಾರ್ಗನ್
ಇಂಗ್ಲೆಂಡಿನ ಎಡಗೈ ಬ್ಯಾಟ್ಸ್ ಮ್ಯಾನ್ ಮತ್ತು ಮ್ಯಾಚ್ ಫಿನಿಷರ್ ಎಂದೇ ಹೆಸರು ಪಡೆದಿರುವ ಇಯಾನ್ ಮಾರ್ಗನ್, ಕೆಕೆಆರ್ ತಂಡದ ಉಪನಾಯಕರೂ ಕೂಡಾ. ಒಂದು ವೇಳೆ, ದಿನೇಶ್ ಕಾರ್ತಿಕ್ ತಂಡವನ್ನು ಮುನ್ನಡೆಸಲು ವಿಫಲರಾದರೆ, ಮಾರ್ಗನ್ ನಾಯಕನಾಗಿ ಆಯ್ಕೆಯಾಗುವ ಸಾಧ್ಯತೆಯಿದೆ.
ಮಾರ್ಗನ್ ಮೇಲೆ ಭಾರೀ ಭರವಸೆಯನ್ನು ಇಟ್ಟಿರುವ ಕೆಕೆಆರ್
ಈ ಬಾರಿಯ ಐಪಿಎಲ್ ಬಿಡ್ ನಲ್ಲಿ ಅತಿಹೆಚ್ಚು ಮೊತ್ತ ನೀಡಿ ಕೆಕೆಆರ್, ಮಾರ್ಗನ್ ಅವರನ್ನು ಖರೀದಿಸಿತ್ತು. ಮಾರ್ಗನ್ ಮೇಲೆ ಭಾರೀ ಭರವಸೆಯನ್ನು ಇಟ್ಟಿರುವ ಕೆಕೆಆರ್, ಕಾರ್ತಿಕ ವಿಫಲಗೊಂಡರೆ, ಅವರನ್ನು ನಾಯಕನನ್ನಾಗಿ ನೇಮಿಸುವುದು ನಿಶ್ಚಿತ.