Click it and Unblock the Notifications
ಕೇನ್ ವಿಲಿಯಮ್ಸನ್ ಭಾರತೀಯನಾಗಿರಬೇಕಿತ್ತು
ಕೇನ್ ವಿಲಿಯಮ್ಸನ್ ವಿರಾಟ್ ಕೊಹ್ಲಿಯಷ್ಟೇ ಅತ್ಯುತ್ತಮ ಆಟಗಾರ, ಕೊಹ್ಲಿಗಿಂತ ವಿಲಿಯಮ್ಸನ್ ಯಾವುದರಲ್ಲೂ ಕಡಿಮೆಯಿಲ್ಲ ಆದರೆ ವಿಲಿಯಮ್ಸನ್ ನ್ಯೂಜಿಲೆಂಡ್ ಆಟಗಾರನಾದ ಕಾರಣ ಕೊಹ್ಲಿಯಷ್ಟು ಕ್ರೇಜ್ ಸಿಕ್ಕಿಲ್ಲ, ಒಂದುವೇಳೆ ವಿಲಿಯಮ್ಸನ್ ಭಾರತೀಯ ಆಟಗಾರನಾಗಿದ್ದಾರೆ ವಿರಾಟ್ ಕೊಹ್ಲಿಯಷ್ಟೇ ಜನಪ್ರಿಯತೆಯನ್ನು ಗಳಿಕೆ ಮಾಡುತ್ತಿದ್ದರು ಎಂದು ಮೈಕಲ್ ವಾನ್ ಹೇಳಿದ್ದಾರೆ.
ಕೊಹ್ಲಿ ಸಾಮಾಜಿಕ ಜಾಲತಾಣದಲ್ಲಿ ಫೇಮಸ್
ಕೊಹ್ಲಿ ಮತ್ತು ವಿಲಿಯಮ್ಸನ್ ನಡುವೆ ಮತ್ತಷ್ಟು ಹೋಲಿಕೆ ಮಾಡಿ ಮಾತನಾಡಿರುವ ಮೈಕಲ್ ವಾನ್ ಕೊಹ್ಲಿ ಮತ್ತು ವಿಲಿಯಮ್ಸನ್ ಇಬ್ಬರೂ ಸಮನಾದ ಆಟಗಾರರು ಆದರೆ ವಿರಾಟ್ ಕೊಹ್ಲಿಗೆ ಸಾಮಾಜಿಕ ಜಾಲತಾಣದಲ್ಲಿ ಅಪಾರವಾದ ಅಭಿಮಾನಿ ಬಳಗವಿದೆ ಹೀಗಾಗಿ ವಿಲಿಯಮ್ಸನ್‌ಗಿಂತ ವಿರಾಟ್ ಕೊಹ್ಲಿ ಹೆಚ್ಚು ಜನಪ್ರಿಯತೆಯನ್ನು ಪಡೆದಿದ್ದಾರೆ ಎಂದು ಮೈಕಲ್ ವಾನ್ ತಿಳಿಸಿದ್ದಾರೆ.
ವಿಲಿಯಮ್ಸನ್ 30 - 40 ಮಿಲಿಯನ್ ಡಾಲರ್ ಗಳಿಸುವುದಿಲ್ಲ
ಕೊಹ್ಲಿ ಮತ್ತು ವಿಲಿಯಮ್ಸನ್ ನಡುವೆ ಹೋಲಿಕೆ ಮಾಡಿ ಮಾತನಾಡುವಾಗ ಮೈಕಲ್ ವಾನ್ ವಿರಾಟ್ ಕೊಹ್ಲಿ ಅವರ ಜಾಹೀರಾತು ಸಂಭಾವನೆ ಕುರಿತು ಉಲ್ಲೇಖಿಸಿದ್ದಾರೆ. ವಿರಾಟ್ ಕೊಹ್ಲಿ ಇನ್ಸ್ಟಾಗ್ರಾಂನಲ್ಲಿ 100 ಮಿಲಿಯನ್ ಹಿಂಬಾಲಕರನ್ನು ಹೊಂದಿದ್ದಾರೆ ಮತ್ತು 40 ಮಿಲಿಯನ್ ಡಾಲರ್ ಜಾಹೀರಾತು ಸಂಭಾವನೆಯನ್ನು ಪಡೆಯುತ್ತಾರೆ, ಆದರೆ ಈ ಸಂಭಾವನೆಯನ್ನು ಕೇನ್ ವಿಲಿಯಮ್ಸನ್ ಪಡೆಯುವುದಿಲ್ಲ. ಇದನ್ನು ಬಿಟ್ಟರೆ ವಿರಾಟ್ ಕೊಹ್ಲಿ ಮತ್ತು ಕೇನ್ ವಿಲಿಯಮ್ಸನ್ ನಡುವೆ ಯಾವುದೇ ರೀತಿಯ ವ್ಯತ್ಯಾಸವಿಲ್ಲ ಎಂದು ಮೈಕಲ್ ವಾನ್ ಹೇಳಿದ್ದಾರೆ.
ಈ ಮೂಲಕ ಮೈಕಲ್ ವಾನ್ ವಿರಾಟ್ ಕೊಹ್ಲಿ ಮತ್ತು ಕೇನ್ ವಿಲಿಯಮ್ಸನ್ ಇಬ್ಬರು ಸಹ ಒಂದೇ ಮಟ್ಟದ ಆಟಗಾರರು ಎಂದು ಪರೋಕ್ಷವಾಗಿ ಹೇಳಿಕೆ ನೀಡಿದ್ದಾರೆ.
