ಕ್ಯಾನ್ಬೆರಾ, ನವೆಂಬರ್ 3: ಅಕ್ಟೋಬರ್ 31ರಂದು ಪರ್ತ್ ನಲ್ಲಿ ನಡೆದ ಅಭ್ಯಾಸ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ಪ್ರೈಮ್ಮಿನಿಸ್ಟರ್ XI ತಂಡ ಪ್ರವಾಸಿ ಸೌತ್ ಆಫ್ರಿಕಾ ತಂಡವನ್ನು 4 ವಿಕೆಟ್ನಿಂದ ಸೋಲಿಸಿತು. ಆದರೆ ಪಂದ್ಯದ ಫಲಿತಾಂಶಕ್ಕಿಂತ ಮತ್ತೊಂದು ಗಮ್ಮತ್ತಿನ ಸಂಗತಿ ಪಂದ್ಯದ ವೇಳೆ ನಡೆದಿದೆ.
ಐಸಿಸಿ ಏಕದಿನ Ranking: ಜಿಗಿದ ಚಾಹಲ್, ಕುಸಿದ ಧವನ್, ಮಿಂಚಿದ ಕೊಹ್ಲಿ
ದಕ್ಷಿಣ ಆಫ್ರಿಕಾ ಆಟಗಾರ ಇಮ್ರಾನ್ ತಾಹೀರ್, ಕ್ಯಾಚ್ ಪಡೆದು ಭರ್ಜರಿ ಸಂಭ್ರಮಾಚರಿಸಿದ್ದಾರೆ. ಆದರೆ ಸಿಕ್ಕ ಆ ಕ್ಯಾಚ್ ನೋಬಾಲ್ನಿಂದ ಚಿಮ್ಮಿದ್ದು ಎಂದು ತಡವಾಗಿ ಗೊತ್ತಾದಾಗ ಅಷ್ಟೇ ಮುಜುಗರಕ್ಕೀಡಾಗಿದ್ದಾರೆ. ತಾಹೀರ್ ಸಂಭ್ರಮಾಚರಣೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಈಗಲೂ ಗಮ್ಮತ್ತಾಗಿ ಹರಿದಾಡುತ್ತಿದೆ.
'ಮಂಕಿ' ಎಂದು ಹರ್ಭಜನ್ ಹೀಯಾಳಿಸಿದ್ದಕ್ಕೆ ಮಹಾ ಕುಡುಕರಾದರಂತೆ ಸೈಮಂಡ್ಸ್
ಆಗಿದ್ದಿಷ್ಟೆ; ಪಂದ್ಯದ ಆರನೇ ಓವರ್ ನಲ್ಲಿ ಸೌತ್ ಆಫ್ರಿಕಾ ಬೌಲರ್ ಕಾಗಿಸೊ ರಬಾಡಾ ಎಸೆತ ಚೆಂಡಿಗೆ ಜೋಶ್ ಫಿಲಿಪ್ 'ಪುಲ್ ಶಾಟ್' ಬೀಸಿದರು. ಅದು ಸೀದಾ ತಾಹೀರ್ ನಿಂತಿದ್ದಲ್ಲಿಗೆ ಚಿಮ್ಮಿತು. ಆ ಎಸೆತ ನೋಬಾಲ್ ಎಂಬುದನ್ನು ಗಮನಿಸಿರದ ತಾಹೀರ್, ಕ್ಯಾಚ್ ಮಾಡಿದವರೇ ಸಕ್ಕತ್ತಾಗಿ ಸಂಭ್ರಮಿಸಿದರು; ಪೆವಿಲಿಯನ್ನಲ್ಲಿ ಕೂತಿದ್ದ ಪ್ರೇಕ್ಷಕರ ಸಹಿತ ಕಮೆಂಟೇಟರ್ ಕೂಡ ಹೊಟ್ಟೆಪೂರ್ತಿ ನಕ್ಕರು.
Imran Tahir might want to check if it was a no ball first 😂😂😂 #FoxCricket #PMXIvSA pic.twitter.com/zDvOs74n9h
— FOX SPORTS Cricket (@FoxCricket) October 31, 2018
ಅಂದ್ಹಾಗೆ, ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ್ದ ಸೌತ್ ಆಫ್ರಿಕಾ 42 ಓವರ್ ಗೆ ಎಲ್ಲಾ ವಿಕೆಟ್ ಕಳೆದು 173 ರನ್ ಪೇರಿಸಿತ್ತು. ಗುರಿ ಬೆನ್ನತ್ತಿದ ಆಸ್ಟ್ರೇಲಿಯಾ, 36.3 ಓವರ್ ನಲ್ಲಿ 6 ವಿಕೆಟ್ ಕಳೆದು 174 ರನ್ ಪೇರಿಸಿ ಗೆಲುವನ್ನಾಚರಿಸಿತು. ಪಂದ್ಯದ ಬಳಿಕ ಮಾತನಾಡಿದ ತಾಹೀರ್, 'ಅದು ನೋಬಾಲ್ ಎಂಬುದನ್ನು ನಾನು ಗಮನಿಸಿರಲಿಲ್ಲ' ಎಂದು ಅರೆಬರೆ ನಾಚಿಕೆಯಲ್ಲೇ ನುಡಿದರು!