10-11 ಎಸೆತಗಳಲ್ಲಿ ಆತ 5 or 6 ಸಿಕ್ಸ್ ಚಚ್ಚಿದ್ದ: ದಿನೇಶ್ ಕಾರ್ತಿಕ್

ಕೋಲ್ಕತ್ತಾ: ವೆಸ್ಟ್ ಇಂಡೀಸ್‌ನ ಸ್ಫೋಟಕ ಬ್ಯಾಟ್ಸ್‌ಮನ್‌ ಆ್ಯಂಡ್ರೆ ರಸೆಲ್ ಕೋಲ್ಕತ್ತಾ ನೈಟ್ ರೈಡರ್ಸ್ ಸೇರಿಕೊಂಡಿದ್ದು 2014ರಲ್ಲಿ. 2015ರಿಂದ 2018ರ ವರೆಗೆ ರಸೆಲ್ ಕೆಕೆಆರ್‌ ಪರ ಉತ್ತಮ ಪ್ರದರ್ಶನ ನೀಡಿದ್ದರು. ಪ್ರತೀ ಸೀಸನ್‌ನಲ್ಲಿ ತಂಡದ ಪರ 300+ ರನ್ ಬಾರಿಸಿದ್ದರು.

ಸಚಿನ್ ತೆಂಡೂಲ್ಕರ್ ಯುಗದ ಬ್ರಹ್ಮಾಂಡ ಸತ್ಯ ಬಾಯ್ಬಿಟ್ಟ ವೀರೇಂದ್ರ ಸೆಹ್ವಾಗ್!

ಆ್ಯಂಡ್ರೆ ರಸೆಲ್ ಹೆಚ್ಚು ಮಿನುಗಿದ್ದು 2019ರ ಸೀಸನ್‌ನಲ್ಲಿ. ಆ ಸೀಸನ್‌ನಲ್ಲಿ ರಸೆಲ್ 14 ಪಂದ್ಯಗಳಲ್ಲಿ 56.66ರ ಸರಾಸರಿಯಂತೆ, 204.8 ಸ್ಟ್ರೈಕ್ ರೇಟ್‌ನಂತೆ 510 ರನ್ ಚಚ್ಚಿದ್ದರು. ಆ ವರ್ಷ ರಸೆಲ್ ಒಟ್ಟು 4 ಅರ್ಧ ಶತಕಗಳನ್ನು ಬಾರಿಸಿ ತಂಡಕ್ಕೆ ಬಲ ತುಂಬಿದ್ದರು. ಆದರೆ ಆ ವರ್ಷ ರಸೆಲ್ ಹೆಚ್ಚು ನೆನಪಾಗಿ ಉಳಿದಿದ್ದು 18 ಎಸೆತಗಳಲ್ಲಿ 53 ರನ್ ಚಚ್ಚಿದ್ದ ಕಾರಣಕ್ಕೆ.

ಆವತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧದ ಪಂದ್ಯದಲ್ಲಿ ರಸೆಲ್ ಅಬ್ಬರ ಬ್ಯಾಟಿಂಗ್ ಪ್ರದರ್ಶಿಸಿದ್ದರು. ಮೊಹಮ್ಮದ್ ಸಿರಾಜ್ ಅವರ ಮೊದಲ ಮೂರು ಎಸೆತಗಳಾಗಿ ಆ ಬಳಿಕದ ಒಂದು ನೋ ಬಾಲ್‌ಗೆ ರಸೆಲ್ ಸಿಕ್ಸ್ ಚಚ್ಚಿದ್ದರು. ಆ ಬಳಿಕ ಗಾಯಗೊಂಡ ಸಿರಾಜ್ ಬದಲಿಗೆ ಆಸ್ಟ್ರೇಲಿಯಾದ ಆಲ್ ರೌಂಡರ್ ಮಾರ್ಕಸ್ ಸ್ಟೋಯ್ನಿಸ್ ಬೌಲಿಂಗ್‌ಗೆ ಬಂದಿದ್ದರು. ಅವರ ಮೂರು ಎಸೆತಗಳಲ್ಲಿ ಎರಡಕ್ಕೆ ರಸೆಲ್ ಸಿಕ್ಸ್ ಬಾರಿಸಿದ್ದರು.

ಐಪಿಎಲ್ : ಪಂದ್ಯವೊಂದರಲ್ಲಿ ಅತೀ ಕಡಿಮೆ ರನ್ ಗಳಿಕೆ ಟಾಪ್ 5 ತಂಡಗಳು

'ರಸೆಲ್ ಅವರ ಅಂದಿನ ಅಬ್ಬರದ ಆಟವನ್ನು ಮಾಜಿ ನಾಯಕ ದಿನೇಶ್ ಕಾರ್ತಿಕ್ ಸ್ಮರಿಸಿಕೊಂಡಿದ್ದಾರೆ. 'ಆವತ್ತಿನ ಪಂದ್ಯದಲ್ಲಿ ಎರಡು ಓವರ್‌ಗಳಲ್ಲಿ 10-11 ಎಸೆತಗಳಲ್ಲಿ 5-6 ಎಸೆತಗಳಿಗೆ ರಸೆಲ್ ಸಿಕ್ಸ್ ಬಾರಿಸಿದ್ದರು. ಅಂದು ರಸೆಲ್ ಆಟವನ್ನು ಸಂಪೂರ್ಣ ಬದಲಿಸಿದ್ದರು,' ಎಂದು ದಿನೇಶ್ ಇಎಸ್‌ಪಿಎನ್‌ ಕ್ರಿಕ್‌ಇನ್ಫೋ ಜೊತೆ ಹೇಳಿಕೊಂಡಿದ್ದಾರೆ.