ಇಂಥ ಬೌಲಿಂಗ್ನ್ನು ಬೈರ್ ಸ್ಟೋ ಎದುರಿಸಿರಲಿಲ್ಲ
ನ್ಯೂಜಿಲೆಂಡ್ ವಿರುದ್ಧ ವೇಗವಾಗಿ ರನ್ ಗಳಿಸಿದ್ದ ಬೈರ್ ಸ್ಟೋ ಟೀಮ್ ಇಂಡಿಯಾ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಎರಡನೇ ದಿನದಾಟದಂತ್ಯಕ್ಕೆ 47 ಎಸೆತಗಳಲ್ಲಿ 12 ರನ್ ಕಲೆಹಾಕಿ ಅಜೇಯರಾಗಿ ಉಳಿದಿದ್ದರು. ಈ ಕುರಿತಾಗಿ ಮಾತನಾಡಿದ ಇಂಗ್ಲೆಂಡ್ ಮಾಜಿ ಆಟಗಾರ ಗ್ರೇಮ್ ಸ್ವಾನ್ ಬೇರ್ ಸ್ಟೋ ಟೀಮ್ ಇಂಡಿಯಾ ರೀತಿಯ ಬಲಿಷ್ಠ ಬೌಲಿಂಗ್ನ್ನು ಈ ಹಿಂದೆ ಎದುರಿಸಿರಲಿಲ್ಲ ಹೀಗಾಗಿ ವೇಗದ ಬ್ಯಾಟಿಂಗ್ ನಡೆಸುತ್ತಿದ್ದರು, ಆದರೆ ಇದೀಗ ನಿಧಾನವಾಗಿ ರನ್ ಗಳಿಸುತ್ತಿದ್ದಾರೆ ಎಂದು ಹೇಳಿಕೆ ನೀಡಿದ್ದಾರೆ.
ಆಸರೆಯಾದ ಬೈರ್ ಸ್ಟೋ
ಪಂದ್ಯದ ಎರಡನೇ ದಿನದಾಟದಲ್ಲಿ ಬೈರ್ ಸ್ಟೋ ನಿಧಾನಗತಿಯ ಆಟವನ್ನಾಡಿದರೂ ಸಹ ಮೂರನೇ ದಿನದಾಟದಂದು ಅರ್ಧಶತಕವನ್ನು ಪೂರೈಸಿದರು. 81 ಎಸೆತಗಳಲ್ಲಿ ಬೈರ್ ಸ್ಟೋ 50 ರನ್ ಕಲೆ ಹಾಕಿದರು. ಮೊದಲ 64 ಎಸೆತಗಳಲ್ಲಿ 16 ರನ್ ಬಾರಿಸಿದ್ದ ಬೈರ್ ಸ್ಟೋ ನಂತರ 17 ಎಸೆತಗಳಲ್ಲಿ 34 ರನ್ ಚಚ್ಚಿದರು.
ನ್ಯೂಜಿಲೆಂಡ್ ವಿರುದ್ಧ 77 ಎಸೆತಗಳಲ್ಲಿ ಶತಕ ಚಚ್ಚಿದ್ದ ಬೈರ್ ಸ್ಟೋ
ಇನ್ನು ಕಳೆದ ನ್ಯೂಜಿಲೆಂಡ್ ವಿರುದ್ಧದ 3 ಪಂದ್ಯಗಳ ಟೆಸ್ಟ್ ಸರಣಿಯ ಎರಡನೇ ಪಂದ್ಯದಲ್ಲಿ ಜಾನಿ ಬೈರ್ ಸ್ಟೋ 77 ಎಸೆತಗಳಲ್ಲಿ ಶತಕ ಪೂರೈಸುವುದರ ಮೂಲಕ ಇಂಗ್ಲೆಂಡ್ ಪರ ವೇಗವಾಗಿ ಟೆಸ್ಟ್ ಶತಕ ಬಾರಿಸಿದ ಎರಡನೇ ಬ್ಯಾಟ್ಸ್ಮನ್ ಎನಿಸಿಕೊಂಡರು. ಈ ಹಿಂದೆ ಇಂಗ್ಲೆಂಡ್ನ ಗಿಲ್ಬರ್ಟ್ ಜೆಸ್ಸಾಪ್ ಆಸ್ಟ್ರೇಲಿಯಾ ವಿರುದ್ಧ ಅತಿ ವೇಗದ ಟೆಸ್ಟ್ ಶತಕ ದಾಖಲಿಸಿದ್ದರು.