ದೊಡ್ಡ ಸರ್ಕಾರ ರಚಿಸುವಂತೆ ತೀರ್ಮಾನ ಮಾಡಿದ್ರು
ಮೊಹಮ್ಮದ್ ಸಿರಾಜ್ ಎಸೆತದಲ್ಲಿ ವಿರಾಟ್ ಕೊಹ್ಲಿ ಮತ್ತು ತಂಡ ತೆಗೆದುಕೊಂಡ ರಿವ್ಯೂ ಕುರಿತು ಇಂಗ್ಲೆಂಡ್ ತಂಡದ ಮಾಜಿ ಕ್ರಿಕೆಟಿಗ ಮೈಕಲ್ ವಾನ್ ಟೀಕಿಸಿದ್ದು ದೊಡ್ಡ ಸರ್ಕಾರ ರಚನೆ ಮಾಡುವಾಗ ರಾಜಕಾರಣಿಗಳೆಲ್ಲ ಸೇರಿ ಮಾತುಕತೆ ನಡೆಸುವ ಹಾಗೆ ಗುಂಪು ಕಟ್ಟಿಕೊಂಡು ಕೆಟ್ಟ ನಿರ್ಧಾರವನ್ನು ತೆಗೆದುಕೊಂಡ ಭಾರತೀಯರನ್ನು ನೋಡಿ ನಗು ತಡೆಯಲಾಗುತ್ತಿಲ್ಲ ಎಂದು ಮೈಕಲ್ ವಾನ್ ಟೀಕಿಸಿದ್ದಾರೆ.
ಈ ವಿಷಯದಲ್ಲಿ ಭಾರತಕ್ಕಿಂತ ಇಂಗ್ಲೆಂಡ್ ಗ್ರೇಟ್
ಇನ್ನೂ ಮುಂದುವರೆದು ಮಾತನಾಡಿರುವ ಇಂಗ್ಲೆಂಡ್ ತಂಡದ ಮಾಜಿ ಕ್ರಿಕೆಟಿಗ ಮೈಕಲ್ ವಾನ್ ಸರಿಯಾದ ರಿವ್ಯೂಗಳನ್ನು ಮನವಿ ಮಾಡಿಕೊಳ್ಳುವುದರಲ್ಲಿ ಭಾರತಕ್ಕಿಂತ ಇಂಗ್ಲೆಂಡ್ ಕ್ರಿಕೆಟಿಗರು ಎಷ್ಟೋ ಪಟ್ಟು ಮೇಲು, ಒಂದು ವೇಳೆ ಸರಿಯಾದ ರೀತಿಯಲ್ಲಿ ರಿವ್ಯೂಗಳನ್ನು ಬಳಸಿಕೊಂಡ ತಂಡಕ್ಕೆ ವಿಜೇತ ಸ್ಥಾನ ಕೊಡುವುದಾದರೆ ಖಂಡಿತವಾಗಿಯೂ ಇಂಗ್ಲೆಂಡ್ ತಂಡ ಗೆಲ್ಲಲಿದೆ ಮತ್ತು ಭಾರತ ತಂಡ ಹೀನಾಯವಾಗಿ ಸೋಲಲಿದೆ ಎಂದು ಮೈಕಲ್ ವಾನ್ ಅಭಿಪ್ರಾಯಪಟ್ಟಿದ್ದಾರೆ.
ರಿವ್ಯೂ ಕುರಿತು ಬೇಸರ ವ್ಯಕ್ತಪಡಿಸಿದ ವಿವಿಎಸ್ ಲಕ್ಷ್ಮಣ್
ಇನ್ನು ಈ ರಿವ್ಯೂ ಕುರಿತು ಮೈಕಲ್ ವಾನ್ ಮಾತ್ರವಲ್ಲದೆ ಭಾರತದ ಮಾಜಿ ಕ್ರಿಕೆಟಿಗ ವಿವಿಎಸ್ ಲಕ್ಷ್ಮಣ್ ಕೂಡ ಪ್ರತಿಕ್ರಿಯಿಸಿದ್ದು ಬೇಸರ ವ್ಯಕ್ತಪಡಿಸಿದ್ದಾರೆ. ಭಾರತ ಸುಖಾಸುಮ್ಮನೆ ಅನಗತ್ಯ ರಿವ್ಯೂಗಳನ್ನು ತೆಗೆದುಕೊಂಡು ಇಕ್ಕಟ್ಟಿಗೆ ಸಿಲುಕಿಕೊಳ್ಳಲಿದೆ, ಈ ಹಿಂದೆ ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ ನಡುವಿನ ಆ್ಯಶಸ್ ಸರಣಿಯಲ್ಲಿಯೂ ಆಸ್ಟ್ರೇಲಿಯ ತಂಡ ತನ್ನ ರಿವ್ಯೂಗಳನ್ನು ವ್ಯರ್ಥ ಮಾಡಿಕೊಂಡು ಕೊನೆ ಕ್ಷಣದಲ್ಲಿ ರಿವ್ಯೂಗಳಿಲ್ಲದೆ ಇಂಗ್ಲೆಂಡ್ ತಂಡದೆದುರು ಸೋತಿದ್ದನ್ನು ಮರೆಯಬಾರದು ಎಂದು ವಿವಿಎಸ್ ಲಕ್ಷ್ಮಣ್ ಎಚ್ಚರಿಕೆ ನೀಡಿದ್ದಾರೆ.